أكبر مجمع تجاري في شرق آسيا في ماليزيا مدفاللي

[شجون المحبين]

سلام عليكم بنااات


حبيت احط لكم هالمجمع الاكثر من رائع ويعتبر اكبر مجمع في شرق آسيا كلها ويبعد عن البرجين توينتاورز ربع ساعة تقريبا



اي سؤال بخصوص الاسواق في ماليزيا انا حاضره

 

[سعودية قلبها كويتي]

بعد عمري تسلم ايدج على الصور الحلوة

ابي اسئل عن الأسواق الشعبية في كوللمبور ؟؟

وعن احلى فندق للسكن العائلي هناك ؟؟

وشلون الأسعار هناك بالنسبة للسوق


بارك الله فيك

 

[شجون المحبين]

يسلم قلبك حبيبتي
الاسواق الشعبيه ولو اني مانصح فيها لكن تقدرين تروحين للسوق الصيني شايناتاون

ترى المجمعات اسعارها حيل معقوله واضمن بالنوعية الممتازه وراح تلاقين كثير من المحلات لهم مصانع في المنطقة ويبيعون بالمحل يعني مثل السوق الشعبي لكن بمجمع
كثير من صاحبات المحلات لهم افرع بالاسواق الشعبيه حبيبتي


بالنسبة للفنادق فهي كثيره اختي لكن التايم سكوير فيه غرف عائلية داخله ببعض ويصلح للعائلة من ناحية مدينة الالعاب للاطفال اللي داخل المجمع التابع له

 

[سعودية قلبها كويتي]

جزااااااااااك الله كل خير يالغالية ومشكورة وماقصرتي ..

التايم سكوير كلمتهم للأسف كله فل

 

[بنت الارسنال]

مشكووورة

 

[ArEEj]

حلو هالمول ما شفته هناك !!!
وينه عن تايم سكوير ؟؟ قريب منه ؟؟

 

[Samurai]

المول حلو وكبيير .. للاطفال في محل لسمه جسكو JuSco
اهو كبير واخذ 4 طوابق على ما اعتقد .. الطابق الثاني اطفال .. في قسم عليه تخفيضات خذيت بجايم لولدي على 10 و 15 رنجت .. حلوه بس البدل غاليه وعاااديه جدا

 

[um wahaby]

وااااي شكله اينن بس ماقلتي اسم المجمع.....؟؟؟

 

[الجميرا]

ماقلتي اسم المجمع

 

[أم حمودي**MALL**]

ودي اروح ماليزيا مره ثانيه

 

[غيد مطير]

ياحلات ماليزيااااااااااااااااا ومجمعاتهاااااااااااا

انا لما سافرت سكنا في برجايا تايم سكوير فضييييييييييييييييع ؟؟

 

[فرحه بلادي]

بعد عمري تسلم ايدج على الصور الحلوة

 

[ام عبود الحلو]

ونااااااااااااااسه ذكرتينا بسفرتنا من 5 سنين

 

[أسيـل الجـــرح]

اسم المجمع ميجامول كنت رايحت له وفيه شليز وستار بكس

 

[كوكو شانييل]

الله يعطيج العافيه على المجهود الحلو وابصراحه انا ايهمني السوق قبل كل شي تدريين بعد حرييم.

 

[ايام العمر]

مشكورة اختي ما تقصرين

 

[القطانيه]

حبي الي عندها تفاصيل اكثر تقوولي بروح ومتردده تنصحوني ارووح

 

[كل الورد]

يعطيكم العافية انا ودي اروح جانزين تكتبون لي احسن الأماكن والرحلات الحلوة

 

[العذوب]

قوه بنات
شلونكم شخباركم؟
ودي أسال الماركات الجايده مثل شانيل وديور وقوجي واسكادا وغيرها وين أحصلها بماليزيا وبعد ماركات الملابس مثل كنزو ولاكروااه وين أحصلهم ؟ أنا بسافر بعد يومين أن شاءالله وودي أعرف ؟

ومشكوره على الصور الروعه انشاءالله بروح له .

 

[نوريه 3]

مشكوره حبيبتي على هالموضوع الحلو لكن انا ابي اسئلك بما انك خبره بالاسواق انا ادور على منتجات عندهم للجسم تنظف وتبيض وتكون ماركه زينه مثل بودي شوب يعنى
وملابس الاطفال حلوه ورخيصه وين