أكــبر مســابقة لزيادة الوزن ولمدة 3 شهوور فقط

[سمر خانوم]

عوااااااااااافي على قلووبكم حبايبي

انا تغديت بس لقمتين وقمت مادري شفيني منسده نفسي بشكل

الحين اكل كاكاو جلكسي سادة على القهوه

اتوقع عشان الدورة بتجيني

المهم بسالكم عن شغلة
انا وزوجي ادماان حوار وفلفل وهالسوالف يعني بدون الدقوس انسوا ناكل او الفلفل عاد رفيج زوجي قايل له ان الحوار تضعف مادري صج؟

 

[آهات الليل]

هلا حبايبي شربت شاي اعشاب لان تكرمون اليوم 6يوم الدوره
والحين قعد اكل ربع تفاحه خضرا والثلاث ارباع بنتي تاكل معاي


لاتنسون كل وحده تكتب بنفس لون القروب مالها

 

[الصيدلانيه]

مبروووووووووووووك افتتاح المسابقه كلللللللللللللللووووووووش :

جروب الفراوله ( الحلوين الشطار):

حان وقت ( النصايح ) اللي بتخليج بأذن الله نشيطه وعندج طاقه وحيويه :

*) تلاقين لج فرصه باليوم (15_20 دقيقه) تمشين سواء كان بالبيت او بأي مكان المهم تحركين جسمج كل يوم عشان الدوره الدمويه ويوصل الغذاء لجسمج بسهوله ويخزنه وبعد الرياضه مباشره روحي أكلي لج شي فيه سعرات سواء كان سيريلاك او حليب لو تمر عشان (الاكل بعد المشي يمتن )  .

*) بعد كل وجبه تاكلين (ملعقه حلاوه طحينيه ) لأن الرهش يخلي جسمج يثبت المواد الغذائيه ويحافظ عليها ويخزنها داخل الجسم  .

*) النظام اللي الكل بيمشي عليه نظام 3 ( وجبات متكامله + وجبات بينهما ) لأن اذا ما جمعتي سعرات زياده ماراح يتغير وزنج  .

*) المكملات الغذائيه اللي ينصح فيها : التمر مع الهرده ,السريلاك ,الحليب كامل الدسم ,الحلاوه الطحينيه ,الفواكه والخضروات ,البسكويتات والكاكوات ,البطاط ,الايسكريمات ,الشوربات  .

*) فكري دايما نفسيا بأنج تزيدين كيلو واحد بس عشان يبين لج ان التحدي سهل وراح توصلين له بسرعه وتتخطين باقي الكيلوات كيلو ورا ثاني ولا تنسين ان (مشوار الالف ميل يبدأ بخطوه وحده بس لجدام ")




والحين الانظمه والارشادت ( الالتزامات ) :

*) (كل يومين ) تدشين الجروب و (تسجلين يومياتج بالتفصيل وبالصور ) عشان ندري انج موجوده وانج من ضمن الفريق .

*) ( كل 3 أيام )راح أسجل الحضور والغياب وراح يتم اعطاء انذار اول في حال الغياب (5 أيام ) واذا الغياب استمر ممكن العضوه تتعرض للسجن ومن ثم الطرد من الجروب .

*) (كل اسبوعين) من اليوم راح يتم قياس الوزن وقياس الوزن راح يكون أول ما تصحين من النوم لأن بيعطيج الوزن الحقيقي لجسمج والوزن الصح وراح تدشين وتسجلين وزنج السابق والوزن الحالي ونشوف الفرق  .

*) ظلي متواصله معانا عشان تلقين الحماس والحافز والتشجيع وعشان تستفيدين اكثر من النصايح والتوجيهات  .

حااااضر يا أبله خخخخخخ
الله يعطيج العاافيه حبيبتي

كل مره بحطلكم مجموعه اغذيه وسعراتها الحراريه



الايس كريم

ايس كريم فانيلا كوب واحد 259 سعرة حراريه
ايس كريم باسكن روبنز
كورة كاكاو 280 سعرة حراريه
كرة فانيلا 240 سعرة حراريه
كرة فراوله 220 سعرة حراريه
ايس كريم ساندويش قطعهواحدة 167 سعرة حراريه
ايس كريم قمع ..45 سعرة حراريه

عسااج ع القوة حياتوو

يعافيج ياقلبي


لاتطوفكم صورتي الرمزيه مرررره دلع << تقلد السعوديات



بنات مرت اخوي تقول الايس كريم يحرق السعرات الحراريه!! معقوله!!!!

نااايس:eh_s(7):

 

[الصيدلانيه]

السلام عليكم

شلوونكم

السناك/ بيدان + كب كيك

 

[الصيدلانيه]

جنه الاحمر طاااغي ههههههه

شكلنا بنفوووز

 

[آهات الليل]

ايه ياصوصو طاغي الاحمر فديتنا ههههههههههه
وعوافي على قلبج
بعد شوي باكل كب كييك ويمكن اسويلي شاي
شنو تاكلون حبوب او عسل او فاتح شهيه فيدنا؟انا عن نفسي مافي شهيه للاكل كلللللش

 

[Roty]

قوة بنات

انا تريقت :
جبن بوك وخبز ابيض وزعتر وحليب وجبن كرافت وبيض

الغدا:
قبوط ومجبوس لحم وعصير تفاح

 

[آهات الليل]

هلا روتي ام سالم عليج بالف عافيه
انتي تبع اي قروب لان لازم تغيرين لون الخط على حسب لون قروبج تلقينه بالصفحه الاولى حياتي

 

[ماني من الناس]

gooooooooooooooooood luck bnat

 

[ماني من الناس]

آهات بالنسبه لفتح الشهيه انا ما شرب حبوب ولا أدويه اذا تبين تنفتح شهيتج :

*) قومي تمشي شوي وحركي جسمج بتحسين بالجوع

*) أكلي تمر مع هرده

*) ملعقه عسل

 

[Roty]

قوة بنات

ليش لما احط رابط اللينك بالتوقيع يطلعلي ان ال بيبي كود كبير
وشلون اخذ صوره قروبي واحطها بالتوقيع

 

[Roty]

هلا اهات حبيبتي الله يعافيج

 

[ماني من الناس]

سمر


أتوقع يمكن لأن الدقوس حار عالمعده فيحرق بسرعه مثل الزنجبيل حار عشان جذيه يمكن يضعف ,,,,,,,,,,,


ابتعدي عنه خخخخخخخخ

 

[آهات الليل]

آهات بالنسبه لفتح الشهيه انا ما شرب حبوب ولا أدويه اذا تبين تنفتح شهيتج :

*) قومي تمشي شوي وحركي جسمج بتحسين بالجوع

*) أكلي تمر مع هرده

*) ملعقه عسل

هلا ياقلبي ان شالله بس انا قعد اتحرك بالبيت بالتنظيف هههه
هرده ماعندي بشتري وعسل ان شالله باخذ عسل الكشميري من التاجره موناليزا لان العضوه عود جبريت مدحت عسلها وااايد

 

[آهات الليل]

روتي حطي نسخ الصوره ولصقيها عالاب وعقب روحي قوقل وكتبي العملاق لتحميل الصور حملي الصوره ونسخي رابط الصوره وحطيه بتوقيعج ياقلبي
انا جذي سويت

 

[ماني من الناس]

روتي بعد ما تاخذين رابط الصوره ,,,,,,,,,

فيه بالتوقيع رموز فيه رمز خاص مربع لوضع الصور

تدخلين الرابط فيه وهو بيخليه لج بالتوقيع بعدين سوي معاينه وشوفي ,,,,,,,,

 

[Roty]

ماني شلون اخذ رابط الصورة يعني قصدج اسيفها عندي

 

[آهات الليل]

روتي الحين نسخي الصوره والصقيها علاب عندج عقب روحي قوقل زين كتبي العملاق لتحميل الصور حملي الصوره وعقب نسخي رابط الصوره والصقيه بتوقيعج انا سويت جذي

 

[رقـة الاحسـآس]

مرحبااا

مبروووووووك
واخيرا بديييناا


بناات ابا اخلي لون خطي ثابت
بدال ما اغير كل ما اكتب الرد
خاصه اني مرات ادخل من الايفون و اتلعوز في تغيير اللون

يصير؟والا هالخاصيه ماشي في هالمنتدى؟

 

[Roty]

اوكي اهات فهمت عليج

انزين انا شابكه من الايفون يصير اسوي هالطريقه ويصير احط التوقيع من الايفون ولا لازم افتح لابي