(*) أكلات سهلة التحضير في السفر (*)

[حنان العيون]

السلام عليكم :eh_s(7):

انا فتحت هالموضوع
لان بنظري ان وايد شي مهم :eh_s(1):

لان الدول الاجنبية السفر لها ما يقل عن العشر أيام :eh_s(10):

و طبعا مستحيل انج بتعيشين على المطاعم هناك
المصروف كله بيروح عليهم بسبب غلاء المعيشة عندهم:eh_s(4):

و سبب آخر أن صعب اتحصلين الطعام الحلال عندهم:eh_s(11):

لان الواين ( الخمر ) ينحط في غالبية اكلاتهم:rgewrg:

فلابد لنا من ان اندش المطبخ و نطبخ:eh_s(2):

فكل وحدة عندها طريقة طبخة سريعة التحضير
تكتبها اهني علشان نستفيد:eh_s(7):

 

[حنان العيون]

أنا راح أبتدي بأول طبخة

معكرونة بصلصة البيتزا

المكونات
معكرونة
جبن ( مازارولا او شيدر أو بارميزان ) حسب الرغبة
صلصة البيتزا بالاوريجانو
كريمة

الطريقة
1- تطبخ المعكرونة
2- في مقلى تمزج المكونات ( الصلصة و الكريمة و الجبن )
3- تضاف المعكرونة

و بس

 

[عيش و ملاس]

عندكم بعد معكرونه مع صلصة البيستو هالصلصه تلقينها جاهزه أو تحضرينها وهي ريحان وفص ثوم وزيت زيتون وجبن بارميزان أو جبن موزريلا وبالخلاط بس إذا الفندق ما عنده خلاط اشتريها الصلصه جاهزه وخلطيها مع المعكرونه

 

[سارونة المملوحة]

انا ابي افكار لاني بسافر
وبقعد شقة
مو معقولة كل يوم مطعم

 

[حنان العيون]

عندكم بعد معكرونه مع صلصة البيستو هالصلصه تلقينها جاهزه أو تحضرينها وهي ريحان وفص ثوم وزيت زيتون وجبن بارميزان أو جبن موزريلا وبالخلاط بس إذا الفندق ما عنده خلاط اشتريها الصلصه جاهزه وخلطيها مع المعكرونه

نايس بعد هالله هالله بالافكار

 

[حنان العيون]

و هذي اكله بعد

المكونات
رز
بطاط حلقات مقلي
طماط حلقات عادي
كركم

الطريقه
١- طبخي الرز
٢- لما تصفين الرز سوي طبقات بالجدر بالترتيب التالي
رز
بطاط مع طماط و رشة كركم
رز
مره ثانيه بطاط مع طماط و رشة كركم
رز

خليه شوي على نار هاديه
و نجبيه مع روب اكلوه

 

[عيش و ملاس]

مجبوس تونه : تحمسين في الزيت بصل مفروم وثوم مفروم وكزبره وتونه ( مع زيته ) مع ملح وفلفل أسود وبهارات ، تضيفين عليه أرز مغسول ومنقوع وتضيفين فوقهم ماي أكثر من مستوى العيش ب ٢ سم ، اذا تحبين تحطين مع الحميسه طماط مفروم عادي

 

[كنوشة 2009]

المعدس حلو بالسفر خفيف وسريع التحضير

انا دايم اسوي مجبوس على دجاج مسحب
الطريقة اطبخ الدجاج بنفس طريقة المجبوس حتي يذوب
الدجاج بعدين اشيل الدجاج واصفي الماي
واطبخ العيش بماء الدجاج واسحب الدجاج من الجلد والعظم
واقطع الدجاج قطع صغيرة واحمسة مع بصل وبهارات كاري وكركم
واحطه فوق العيش

اخذ معاي من الكويت اشبنت ناشف وكزبرة خضرة ناشفة
حق المرق لان هناك ما نحصل خضرة فرشة (اشتريها من المباركية في سوق الخضرة)

 

[اخت خالتهم]

حبيبتي الاكل عندهم حلال مو حرام يعني قوليله لا تحطلي كحول وبس ..

بس بخصوص الاكل صح احنا اذا رحنا يمكن 5 ايام يكون الاكل بالبيت مو دايما
و اذا طبخنا نطبخ مجبوس دياي لان اسهل شي عند الوالده

بس لما رحت مع ريلي
يحليل البيض ههههههههه و نشتري بعد بيتزا جاهزة و نسخنها وبس
والا اذا يوم ما نبي ندفع وايد حق غدا او عشا نشتري من ماكدونالدز

 

[لينوفر]

الشوربات الجاهزه بس تفرغينها
خبز رقاق بس تحطينه مع المرق (( تشريبه))
خبز صاج جاهز تحطين الحشوات( تونه / دجاج/ مرتديلا)
كروسان أو توست ( تحشينهم باللي تبين وتصبين فوقهم الصلصه البيضا: جبن قلاص الكريمة الحمرا والا قيمر والا اللي تبين)
شاورما جاهزه بالبايكرس تصبين فوقها الصلصه البيضااا نفسها وتاكلينها مع الخبز
همبرغر/ نجتس ( تحطينهم بصمون مع الخس والطماط والكاتشب)
صينيه بطاط وتحطين فوقها الصلصه اللي تبين


وممكن بعد تاخذين منيه العصاير اللي مغلفه باجياس بس تفرغينهم

 

[$حبيبة عبودي$]

اخت خالتهم حبيبتي لازم ذبح اسلامي ؟!!
مايصير تاكلين ذبحهم :rgewrg:مادري شلون معذينها حرام :eh_s(2):


ان شاء الله اكتب لكم طبخه صغيرونه شوي
خوش موضوع صراحه قواج الله ..
اييي ابي شكل الجدر الكهربائي مادري شسمه من وين اشتريه
لانه هناك ماكو غاز شلون نطبخ ..:eh_s(10):

 

[غلاي غير]

بلوازم العايله موجود الجدر الكهربائي


انا اذا بطول ومعاي عيالي اول يوم نطب فيه اشتري الاغراض ومن الصبح تلاقيني احمس بصل ثووم وبهارات وطماط واحطهم بعلبه زجاج بالثلاجه

فاذا رجعنا تعبانين بس اغسل العيش وعلى ماينقع الا اخذ من الحمسه واحطها مع زيت وكيفج اذا بتزيدين بطاط اي شي من الخضره او اي اضافات وحطي عليهم من ماي الغلايه فوره فورتين وكبي العيش يم يم يم والله يسلم الروب


هالحمسه حق كل شي معكرونه والا اقلي بطاط واضيفه معاه


عاد انتم تفنتكو فيها

 

[كوكي العسل]

تقدرين تقزرينها تونة تسوين مجبوس تونة او بيتزا مجمده تفتحين عليها علبة تونة

والنودلز رخيص بكل مكان ..

سوي عيش احمر مع روب .. اشتري اصابع سمج قليهم او اشويهم مع بطاط

 

[لندنية]

الي عندها فرن بالشقه تييب دياي وتحطه بالجيس الخاص بالفرن وتصب عليه الخلطه الجاهزه
وتطبخ عيش اصفر ودقوس

او مثلا لحم مثروم وشوي خضروات تثرمينهم وتسوين كفته سريعه وبطاط مقلي

شنو بعدددددددد
بنات اكو خلطه كاري جاهزه بالاسواق بس تحمسين دياي وفلفل رومي وبصل او اي شي تحبين وتصبين عليه هالكاري وتطبخين معاه عيش ابيض


وطبعا الي بلندن تعرف اكو مصانع عربيه ولبنانيه بمنطقه هنكر لين خاصه بكل انواع الكبب والكباب والحلويات والي يخطر في بالكم يعني اخر شي تفكرون فيه الاكل
بلندن

 

[_زينه_]

مانطبخ بالسفر خير شر

بس هالسنه عشان بطول بكابرون بقعد 10 ايام باخذ معاي شوربه واندومي وشاي وقهوه ونسكافيه بس

واساسن احنا بالسفر نتريق ريوق سنع ووغدانا يكون المغرب غدا عشا وغير الخرابيط اللي ناكلهم بين الريوق والغدا نكون شبعانين

 

[حنان العيون]

شكرااااا للتفاعل الرائع
و جاري النسخ

حبيبتي زينه طريقتج تنفع مع الكبار

بس الاطفال عمر 5 و 4 سنين و الخ
لازم يكون معاج اكل باي لحظة يبجون و يبون اكل

 

[حنان العيون]

اخت خالتهم ادري ان في اكلات تكون فجيتريان و بدون واين
و اهمه ما يجذبون يقولولج الصج
يعني صارت مع امي
بمطعم بامريكا طلبت ربيان
قالتلها الجرسونة ترى في واين
بس هم صعب انج تحوسين و ادورين خاصه اذا معاج يهال

 

[حنان العيون]

بنات حبوبات
بغيت افيدكم
نزلوا هالبرنامج بالايفون

وايد مفيد
اي منطقة بتروحين لها
كتبي اسمها
يكتبلج لسته بأسماء
المساجد و المطاعم الحلال و البقالات الحلال بالمنطقة
و لا يعطيج ياهم على الخريطة
و غير هذا المطعم يكتبلج اذا كان المنيو ماله كله حلال
تو عنده اطباق حلال
او اذا كان يبيع خمووور او لا

وايد استفدت منه يعني حق سفرتي
فرضا عندي يوم بروح فيه الى يورك
كتبت يورك
طلعلي اللسته مالتها
و هكذا

 

[حنان العيون]

باستا فطر
زبدة مع ماجيه مع فطر مع كريمة و قبضة جبن مازارولا
و خلطيه مع الباستا

 

[لينوفر]

جاري تنزيل الموقع
عجييييييييييييييييييييييييييييييييييييييييييييب بس اجربه شلون منيه
ولا اذا هناك؟

وشنو البرامج اللي تفيد بالايفون
وجني طلعت شوي عن الموووضوع السموووحه