أكو أحد سافرت مع خدامتها ليه دبي ؟

[عاشقة السفر]

السلام عليكم حبيباتي

بنات حبيت أسأل أكو أحد سافرت مع خدامتها ليه دبي ؟ ياليت تفيدوني بخصوص الفيزا من وين أطلع لها فيزا من هناك ؟ أروح على طول عند موظف الجوازات ولا شلون ؟؟ وجم الرسوم ؟

 

[صخر جلمود]

ماعندي أي فكره

بس ماحبيت أطلع بدون ما آرد

 

[om MaRyooM]

هلا حبوبة


انا توني رادة من هناك وخذيت شغالتي معاي ..


ياطويلة العمر اذا الخدامة على كفالتج وانتي رايحة معاها عادي تروحين من مطار الكويت بدون شي .. ومن توصلين هناك اهم بيقولولج تروحين كاونتر تدفعين فيه الرسوم بحدود ال170درهم وتدخلون عادي ..

يعني المقصد اهي على كفالة منو ؟؟ وكفيلها معاها ولا لأ .. اذا اسم الكفيل مو مسافر معاها لازم تسالين عن الطريقة

 

[عاشقة السفر]

حبيبتي كفيلها معاها ..
إنزين هذا الكاونتر الخاص وين موجود أقصد عند موظقف الجوازات نفسه ولا لأ ؟
وهل فيه زحمة ؟ وهل تطول الإجراءات ؟
أقصد من أخلص من الفيزا اروح عند موظف ثاني عشان إجراءات الدخول ولا نفسه موظف الفيزا يسوي لنا إجراءات الدخول ؟

 

[om MaRyooM]

شوفي ياقلبي من توصلون لدبي .. تمشون وتروحون جنكم رايحين للجوازات عشات تختمون جوازاتكم .... عاد على الجمب (على اليسار) في مكتب داخل روحي وقوليله يعطونكم نموذج تعبئة بس تحطين فيه معلوماتها... ويقولولج دفعي عند واحد يم مكتبهم وبس ..


السالفة سهالات ترا .. دام الكفيل معاها مايحتاج طوالة ولوية ودنيا
لأن هني خرعونا وقالو لازم تاشيرة من السفارة ودنيا ... لما دقيت على اهلي بدبي قالولي ترا السالفة بس جذي

 

[ام فارس2003]

يعطيكم العافية كان بسأل مثل السؤال ----------

 

[Tender Heart]

لا ماتوقع تحتاج فيزا