- إنضم
- 25 أبريل 2010
- المشاركات
- 707
- مستوى التفاعل
- 0
- النقاط
- 0
- الإقامة
- ♥ قلب إسمهـ الكُويت ♥
- الموقع الالكتروني
- www.ala7md.com
*
.. صبآح السالم ..
من صغري وانا احب هالانسان رغم اني ما عاصرته و حتى عياله لهم مكانه خاصه بقلبي - أغليهم من غلاتي له ,
لما كنت أسأل ابوي او امي عنه كان ردهم بأختصار : هذا ] حبيب الشعب [.
مرت علينا القاب كثره مثل : اسد الجزيره و جابر العيش و ابو الدستور و امير القلوب
و كلنا نعرف ليش لُقِبوا بهالالقاب ..
و لكن" حبيب الشعب " حيرني كنت اتسائل عن السر وراء اطلاق هاللقب على الشيخ صباح السالم بالتحديد .!
بحثت بكتب قديمه تحكي عنه و عن مواقفه و الاحداث اللي صارت بعهده
و بصراحه هالكُتب اشفت غليلي و أيقنت ان هاللقلب ما طلع من فراغ و اهو يستحقه بجداره
لحد ما قريت من فتره قريبه قصه له - من بعدها عرفت ان حتى هاللقلب قليل بحقه
:
القصه تقول ان بـ فتره حكم الشيخ كان بعض الشعب يعاني من قله الطعام والشراب
و بعضهم غرقت سُفنهم بالبحر و خسروا بضاعتهم و فلوسهم .
وتفاجأوا انهم لما صحوا الصبح لقوا بالحوش " قطعه قماش داخلها فلوس "
تكرر هالموقف لـ أكثر من شخص بأيام مختلفه , و حتى النساء الارامل كانوا يقولون ان بين كل فتره يطق علينا الباب شخص غريب ولما نفتحه نلقى عند الباب قطعه قماش فيها فلوس بس ماقدرنا نعرف منو هالشخص !
ومرت السنين واهما على هالحال
لحد ما عزم واحد من الرجال انه يعرف منو هالشخص المجهول , و بعد جم ليله سمع صوت عند باب بيته و شاف رجل متلثم فـ راح يتبع خطواته
عشان يعرف منوه الشخص اللي يساعدهم بدون مقابل
مشى وراه مشى وراه مشى وراه لحد ما قدر انه يمسك هالشخص بقوه و يجبره على انه يكشف وجهه
رغم انه هالشخص رفض الا انه بعد الحاح الرجل و وعده انه ما يعلم احد عنه
كشف الشخص عن وجهه و تفاجأ الرجل انه الشخص اللي يساعد الناس بدون علمهم اهو الشيخ " صباح السالم "
و مثل ما وعد الشيخ انه ما يعلم احد عن اللي شافه
وظل الرجل على وعده الى ان توفى الشيخ صباح السالم رحمه الله عليه
و الناس افتقدوا الشخص اللي يساعدهم بين فتره وفتره , و بعدها عرفوا ان الشيخ صباح السالم اهو الشخص المجهول اللي كان يساعدهم .
/
هـ القصه نقطه إبحر كرم و طيبه الشيخ صباح السالم
و ماخفي كان آعظم
تحيتي ,,
وطن جآبر
التعديل الأخير:
