ألحين في دوامات ولا لأ

[عطر البوادي]

السلام عليكم ورحمة الله وبركاته


شخباركم بنات وشلون استعداداتكم للكورس الأول


أمس حاطين بجريدة الوطن عن إصابة معلم في المرحلة الثانوية بفلونزا الخنازير وارتفاع عدد الوفيات إلى 7 ووزارة الصحة والتربية للحين ما أتفقوا والإصابات كل ما وتزيد آخرها من صوب أهلنا تونا درينا أنه مصاب والله يشافي الجميع يارب
وأخوي يقول لنا أن في مدرسة راح أبو طالب للناظر وقاله أن ولدي فيه العدوى جان يقول له الناظر أحسن له لا يداوم

شالدبره وألحين شنو صار من آخر خبر قريناه بالجريده أن القرار متوقف على وزارة الصحة وشلون الحال بالجامعات والمعاهد ؟؟؟ في دوام ولا لأ

 

[غرنوووقه]

الجامعات والمعاهد يداومون 4|10

محد حط قرار بتأجيل دراستنا

 

[[..كـــــرك..]]

محد تحجى للاسف

 

[Whisper ~]

لا متنا راح يقررون

 

[الخاطر المكسور]

بنات ماكو تأجيل للجامعه يقولن حاطين خطه ومادري شنو للوقايه

الله يستر

اذا ماتو الناس اح يحسون ويفكرون !

 

[عرموشة]

الدواااااام بوقته

 

[~MaNaR~]

محد راح يموت قبل يومهم

انتوا مكبرين الموضوع وايد والله

لو صج الناس خايفين ما شفتي المجمعات متروسة

بس يبوون عطلة حق الربادة والفرفره

 

[ما بنكسر صابر]

حبيبــــــتي فيه اجتماع راح يصير بجامعة الدول العربيه
وبعد الاجتماع راح يقررون شنو بيصير

لكن عالاغلب الدوامات بوقتها

والموت بيد الله يداومون بدواماتهم ويحللون معاشاتهم احسن من العطله والفراره بالمجمعات والاسواق

 

[الود الخالد]

كلام الاخت منار صح

انزين دام انتو خايفين على عيالكم

ليش المجمعات مترسه من هالأطفال

الحافظ الله

واحنا كبار ما ينخاف علينا ان شاء الله

 

[المـــــها]

بنات أنا شفت خبر قبل أمس
إن منظمة الصحة العالمية تقول إن الدولة اللي تزيد فيها الإصابة عن 1% تغلق أبواب المدارس

احنا جم نسبة الإصابة عندنا بالكويت ؟؟؟؟؟؟؟؟

 

[нάγoηά cнεмίsтяγ]

والله في أمهـات مسوين اضراب وما يبون يودون عيـالهم المدارس
و بنفـس الوقت بيحجزون حق عيـالهم مسرحيات في العيد ..!!!!
و واحد في منتدى يطالب بالتأجيل يقول نبي نسافر نبي نستانس ما شبعنا من العطلة !!
يعني الزبده مو خايفيـن على صحتهم بس يبون العطلـه عشان يستانسون ويرتاحون
عموماً احنا الكليـات والجامعات الدوام في وقتـه ما في تأجيـل
و أتوقع لو الوزارة حست ان الناس صج خايفيـن يمكن تعطينا تأجيل
ولو اني ضد التأجيل ..
و ربي يشافي كل المرضى اللي صابتهم هالانفلونزا ويردلهم عافيتهم يارب

 

[عطر البوادي]

أنا قريت خبر بالجريده أن لو صار التأجيل راح يخلون الدوامات على شهر 3
وأنا أقول على الأقل يمشون بخطه مدروسه وان شاالله ماكو ألا العافية والله الحافظ

 

[Babystyle]

مااعتقد في تأجيل ومحد رااح ايموت قبل يومه

قل لن يصيبنا الا ماكتب الله لنا .. والحمدالله على كل حال :eh_s(6):