- إنضم
- 4 أبريل 2010
- المشاركات
- 2,363
- مستوى التفاعل
- 2
- النقاط
- 0
قوه بنات
من زمان ما دخلت المنتدى والسبب انشغالي بمشكلات الحمل
بنات تذكرون قطوة زوجي و اشكثر كنت مرعوبه منها
انا حملت بعد سنه بالضبط و الوضع ما يخوفو عادي يقولون الدكاتره ان طبيعي الحمل يتاخر عادي يعني
لكن من بعد 8 اسابيع الدكاتره شكو ان الجنين مو طبيعي و احتمال يكون ميت
و قالو تعالي بعد شهر نتاكد
و بعد شهر يعني 5 اسابيع
الجنين ولا زاد سانتي و ما فيه اي بوادر تدل عالحياه
نرجع لريلي :
قبل لا احلل اني حامل صار يسافر ويطنشني و عادي يعني نوعا ما بردت مشاعره معاي
بس انا كنت احاتي الحمل و كنت ما ابي شي يضايقني
و اهو نزل قطوته تحت الدوانيه و ما يصعدها الا لمن اكون طالعه
او بغرفتي يعني اهي بصوب و انا بصوب
و من عرف اني حامل
كلش بعد ما قام يصعدها فوق و طار من الفرحه و صار ما يقدر يفارقني دقيقه
حتى امه تقوله مو زين
وانا حيل فرحت بالحمل و بتغير زوجي
من قالوله ان الجنين ميت :eh_s(2): و اهو مو متقبل هالحجي
بنات راجعنا 14 دكتور و دكتوره خاصين
غير الحكومه
تعبت من المراجعات
و ما اقعد عند الدكتور
يسوي السونار و اطلع
لأن ما ابي اسمع شي خلاص نفسيتي تعبت
و ألحين قالتله دكتوره ان الافضل ان الجنين ينزل بروحه بدون لا تسوي تنظيفات على طول بدون لا ينزل دم لأن هالشي راح يخليهم يكحتون المشيمه يعني يشلعونها و اهي لازقه بالرحم و هالشي يأخر الحمل القادم وايد
وقالت اسم حبوب تنزل العوار بس مو متوفره بالكويت
و ريلي مثل المينون يدورها بالنت و يدورها بالصيدليات ويسال عنها قالوله بمصر اكيد متوفره
ريلي ألحين يبي ينزله طبيعي و بالحبوب بأي طريقه
ريلي حساس بس وايد عصبي يبجي و اهو يقولي لازم ينزل بدون تدخل طبي
يعصب علي شربي اعشاب
طامري
شيلي الطاوله
صعدي الدري لا تصعدين اللفت
سحبي طاولة الطعام
تعبني
وانا تعبت انبح صوتي و انا اقوله تعبت ما اقدر
ابجي مثل الياهل و اهو يبجي مثل المينون
صارت حياتي رعب
رحت عند بيت ابوي لحقني يالله امشي نتمشى يقص على امي و ابوي
واول ما اركب السياره
والله يابنات ما يبقى لفه و لا مطبه و لا اشاره ما يسوي فيها فيلم رعب يبيني اخترع عشان ينزل الجنين
بنات ولا نقطة دم نزلت مني
و اهو بيسافر لمصر يدور الحبوب وطلبهم من واحد ب 200 دينار
اقوله اصبر
يقول ما ابي تروحين عقب رمضان الا و فيج نزيف ( لأن النزيف ينزل المشيمه تدريجيا و يرد الوضع طبيعي )
يقول الجنين ميت يعني ما راح نقتل روح
بس لازم يطيح عشان تحملين مره ثانيه
القطوه من عرف اللي صار فيني باعها قام يشك فيها
تكفون شوروا علي ما ادري شسوي
تعبت و نفسيتي تعبت
من زمان ما دخلت المنتدى والسبب انشغالي بمشكلات الحمل
بنات تذكرون قطوة زوجي و اشكثر كنت مرعوبه منها
انا حملت بعد سنه بالضبط و الوضع ما يخوفو عادي يقولون الدكاتره ان طبيعي الحمل يتاخر عادي يعني
لكن من بعد 8 اسابيع الدكاتره شكو ان الجنين مو طبيعي و احتمال يكون ميت
و قالو تعالي بعد شهر نتاكد
و بعد شهر يعني 5 اسابيع
الجنين ولا زاد سانتي و ما فيه اي بوادر تدل عالحياه
نرجع لريلي :
قبل لا احلل اني حامل صار يسافر ويطنشني و عادي يعني نوعا ما بردت مشاعره معاي
بس انا كنت احاتي الحمل و كنت ما ابي شي يضايقني
و اهو نزل قطوته تحت الدوانيه و ما يصعدها الا لمن اكون طالعه
او بغرفتي يعني اهي بصوب و انا بصوب
و من عرف اني حامل
كلش بعد ما قام يصعدها فوق و طار من الفرحه و صار ما يقدر يفارقني دقيقه
حتى امه تقوله مو زين
وانا حيل فرحت بالحمل و بتغير زوجي
من قالوله ان الجنين ميت :eh_s(2): و اهو مو متقبل هالحجي
بنات راجعنا 14 دكتور و دكتوره خاصين
غير الحكومه
تعبت من المراجعات
و ما اقعد عند الدكتور
يسوي السونار و اطلع
لأن ما ابي اسمع شي خلاص نفسيتي تعبت
و ألحين قالتله دكتوره ان الافضل ان الجنين ينزل بروحه بدون لا تسوي تنظيفات على طول بدون لا ينزل دم لأن هالشي راح يخليهم يكحتون المشيمه يعني يشلعونها و اهي لازقه بالرحم و هالشي يأخر الحمل القادم وايد
وقالت اسم حبوب تنزل العوار بس مو متوفره بالكويت
و ريلي مثل المينون يدورها بالنت و يدورها بالصيدليات ويسال عنها قالوله بمصر اكيد متوفره
ريلي ألحين يبي ينزله طبيعي و بالحبوب بأي طريقه
ريلي حساس بس وايد عصبي يبجي و اهو يقولي لازم ينزل بدون تدخل طبي
يعصب علي شربي اعشاب
طامري
شيلي الطاوله
صعدي الدري لا تصعدين اللفت
سحبي طاولة الطعام
تعبني
وانا تعبت انبح صوتي و انا اقوله تعبت ما اقدر
ابجي مثل الياهل و اهو يبجي مثل المينون
صارت حياتي رعب
رحت عند بيت ابوي لحقني يالله امشي نتمشى يقص على امي و ابوي
واول ما اركب السياره
والله يابنات ما يبقى لفه و لا مطبه و لا اشاره ما يسوي فيها فيلم رعب يبيني اخترع عشان ينزل الجنين
بنات ولا نقطة دم نزلت مني
و اهو بيسافر لمصر يدور الحبوب وطلبهم من واحد ب 200 دينار
اقوله اصبر
يقول ما ابي تروحين عقب رمضان الا و فيج نزيف ( لأن النزيف ينزل المشيمه تدريجيا و يرد الوضع طبيعي )
يقول الجنين ميت يعني ما راح نقتل روح
بس لازم يطيح عشان تحملين مره ثانيه
القطوه من عرف اللي صار فيني باعها قام يشك فيها
تكفون شوروا علي ما ادري شسوي
تعبت و نفسيتي تعبت
