ألرهاب الاجتماعي دمرني

[meme meme]

انا جدديده على المنتدى وابي احد يواسيني تعبانه نفسيا وافكر بالانتحاااااااااااااااااااار عشان افتك من البلاوووووووي غير ظروفي الصعبه عندي رهاب مايخلني اسولف واضحك مع العالم والناس منعزله لحالي وكل ماتكلمت تقعد اخربط بالكلالام واحسد البنات الي يتكلمون بصووت عالي ليش يارب انا مظلوومه كل هذا فوق راسي تكفون ساعدوني شنوو اسوي بموت طقيت اااااه بس :eh_s(11)::eh_s(11):

 

[meme meme]

ردو علي

 

[جنون العاطفه]

هدي حبيبتي ..

عادي لا تكبرين الموضوع براسج ممكن تلقين حل
بس بالقراءه والاحتكاك بالناس وعادي حاولي لا تخافين
مره مرتين ثلاث بيكون الموضوع سهل

وادعي الله وان شاءالله مافي غير الخير​

 

[حياتي تكنولوجيا]

لازم تكثرين طلعات بروحج او مع اخوانج الصغار
يعني لازم تعتمدين على نفسج وبالتالي ثقتج بنفسج تزيد
وما تحسين بالرهاب او الربكه ​

 

[عسل سل]

حتى لو تتعثرين بالكلاام استمري لما تتعودين وشوفي دكتور بشير الرشيدي يوتيوب عن الرهاب الاجتماعي وشوفي يوتيوب تقنية الحريه النفسيه حلوو والرهاب مايبيله شي بس اراده واستمرااار ويغدي شرج

 

[روان المطيري]

اقري قرآن وداومي عالاذكار والاستغفار
اذا تسمعين اغاني اقطعيها وحاولي ما تقعدين بروحج
وعيدي ثقتج بلي حولج وسولفي معاهم او عالاقل اسمعي لهم ..

موفقه ♥

 

[روانتي 12]

سلام عليكم . .

حبيبتي . . أصبري ولج الأجر بأذن الله . . وتذكري ربي مايبلي احد الا لانه يحبه . . يمكن ربي يحبج و إبتلاج عشان يشوف قوة إيمانج و صبرج . . لاتيأسين من الحياه . . الحياه تجنن بحلوها ومرها . . وانتي مو أخر ولا أول وحده عندها مشاكل . . أعرفي بهالدنيا محد عايش مرتاح كلن مشغول بدنياه الي مشاكل والي خوف و الي امراض و الي حروب . . أحمدي ربج على الاقل انتي احسن من غيرج . . و الانتحار ياماما مو حل . . اذا انتحرتي بتدشين نار بكل سهوله . . أصبري عشان تدخلين الجنه بكل سهوله . . و خلي إيمانج برب العباد قوي ثقي فيه . . ترا هذا شيطان يبي يخرب عليج حياتج . . وللمعلوميه شيطان يمشي بعروقنا مثل الدم . . يوسوسلج لين ماطحين بمشكله . . أقري سورة البقرة يوميآ . . و أستغفري بعد كل صلاه 200 مره او اكثر . . لا تخلين يمر يوم الا ومستغفره 1000 مره . . وعسسى يارب يفرجها عليج و يحقق الي ببالج و يوفقج دنيا و أخره .

 

[atoooty]

انا مره سمعت باللقاء على الوطن لطارق الحبيب

انه علااااج الرهاب جداااا سهل

بس شنو الحل مادري

ماتعمق بالجواب بس قال لازم اتشوف طبيب نفسي وراح يعطيك ادوية وعلاج لهلحالة لانه اهو تجيله رجفه قويه

بس مادري اذا احد جررب يروح طبيب نفسي ويتعالج بأدويه ونفع معاها

جربي روحي لطبيب

 

[سبأ ~]

حبيبتي تعوذي من إبليس وصلي واقرئي قرآن
وحاولي تنمين أفكارك من السلبية إلى الإيجابية من خلال القراءة
عموما بإمكانك تستشيرين البرفسور طارق الحبيب في التويتر @Talhabeeb قولي اللي بخاطرك وشوفي رده
إن شاء الله يرد إذا مارد اطلبي إيميل أي شيء للتواصل


والله يفرج همك ويشرح صدرك ..​

 

[BlueDazy]

1. منعزله لحالي وكل ماتكلمت تقعد اخربط بالكلالام ...خربطي بالكلام جدام الناس وين المشكله ؟؟؟ لا تعطين الناس اكبر من قدرها
2. واحسد البنات الي يتكلمون بصووت عالي... هل معناه انهم افضل منك !!! لا تقارنين نفسج بغيرج و تظلمين نفسج، شخصيتك تختلف
3. ليش يارب انا مظلوومه كل هذا فوق راسي ... لا تبالغين، تكبر المشكلة براسج

( حبيبتي لا تتكلمين لمجرد الكلام )

 

[بنت لكويت]

Toastmasters) هي*مؤسسة غير ربحية*تعليمية تنظم أندية حول العالم لمساعدة الناس في التواصل والتحدث أمام العامة وتعليمهم مهارات القادة. تأسست المؤسسة في شهر ديسمبر عام 1932 وافتتح أول نادٍ في الولايات المتحدة الأمريكية ويوجد الآن آلاف الفروع من أندية توست ماسترز حول العالم.

 

[بنت لكويت]

بنات انا فيني بعد رهاب اجتماعي اشرايكم انسوي لنا قروب عالواتس اب دزو ارقامكم ...

 

[زهرة الخليج 81]

للاسف طارق الحبيب مايرد على اسئلة التوتر