ألف ألف مبروك يابنات الكويت00ادخلوا بسرعة

[شويمه]

نقلا عن جريدة الوطن وعن رئيسة قسم أن الحكومة وافقت تكون اجازة الوضع سبعييييييين يوم والامومه 4شهور براتب كامل وحصوة بعين اللي مايصل على النبي:eh_s(9):


انا ماكانت لي نية أحمل بس أحين بحمل وبرجع أحمل بالأربعين هههههههههه:eh_s(7)::eh_s(17):

 

[hotchocolatee]

الحمدلله

 

[mrs-ss]

صج هالحجي؟ حتى حق اداريات المدارس بنات؟

 

[درر النور]

اقول الله يهنيكم .. بس اللي ماهي متزوجه .. راحت فيها وراح تشيل حصص الحوامل والمراضع ومسكينة مالها مفر تداوم وتموت قهر مافيه حلول اخرى يعني تقاعد مبكر كل وحدة في مدارس الكويت ومتزوجه راح تفكر تفتك من المدرسة وما ألومها وتحمل وتفتك من هموم التدريس وطز في الإدراة .. زين ماقالوا ولا ذكروا متى التقاعد .. يا اختي الغير متزوجات وايد .. ولا قدرن يطلعن من التربيه وصارلهن دهر فيها ويرغبن بالتقاعد .. واذا راجعوا قالوا اقعدن لأبد الدهر .. ياختي الدهر والقهر = وزارة التربية والتعذيب .. يامنتبشرني ياعسى ربي يعطيها العافيه والجنة .. ما ذكروا تقاعد المرأة الغير متزوجه كم .. يعني خلنا نحسبها من الحين كم باقي لنا يوم نقضيه في سجون وزارة التربية والتعذيب .. :ch12:

 

[عذوق]

الله يبشرش بالخير

طيب متى يطبقونه


وشلون ع الامومه ؟؟

 

[كويتية222]

طيب هاااتي المصدر مثل هالاخبااار تنتشر بسرعة لكن من غير مصدر بيفقدها مصداقيتها ومشكورة

 

[منور بنت الطنايا]

وناتسه على حظي )))

 

[رموشا]

احمدك ياااااااارب

بس انشالله يطبقونه بسرعه :yaaaaaarb:

 

[أميرة 22]

ان شاء الله لأن حمل ولادة وتربية طفل شئ مو سهل ومن حقها تاخذ معاش كامل
حق معاش خدامة او تجيب خدامة او تصرف على طفلها وغيرررررررررره

واذا مو متزوجه وشالت صفوف اللي ماخذه اجازة المفروض يعطونها زيادة
لما ترد اللي اخذت امومة عشان يصير في عدل شوي

 

[شمعة عربها]

رد : ألف ألف مبروك يابنات الكويت00ادخلوا بسرعة

يا حرام يا يالكويتيات يالمدرسات ما نحصل على شي إلى بالحسره أبشركم الحكومة ناويه تردة حسبي اللى ونعم الوكيل

 

[اريج الجوري]

من زمان نسمع ونقرا هالكلام بالجرايد ,,,

ان شاء الله تصيب هالمره ...

 

[TIC TOK]

رد : ألف ألف مبروك يابنات الكويت00ادخلوا بسرعة

الله يسمع منج

 

[Miss Cherry]

ماتقرون جرايد ؟


امس كاتبينه بالجرايد كلها اقرار حقوق المرأة يعني مو رس المعلمات


اجازة مرافق مريض ومرافقة زوج بالدراسة راتب كامل

اجازة خاصة ٣ سنوات بدون راتب

اجازة وضع ٧٠ يوم براتب كامل

الامومه اول شهرين براتب كامل والشهرين الاخرين بنص راتب

علاوة اجتماعية وعلاوة اولاد للمتزوجه بغير كويتي

ساعتين رضاعه


مادري اذا هو اقتراح من مجلس وماتمت الموافقة عليه بعد المهم انه فيه حركة من المجلس عشان يقرونه

والله يعين اذا قروه الحريم بتولد كل سنه عشان تفتك من الدواام ههههههههههههههههههه

 

[نونا 3000]

ما اعتقد يطبقونه وربي التربيه تروح فيها من امه

 

[كرز حالي.]

رد : ألف ألف مبروك يابنات الكويت00ادخلوا بسرعة

من زمااااان نسمع هالكلام
بس هالمره انا متفائله
ان شاء الله خير

 

[توحة2]

رد: رد : ألف ألف مبروك يابنات الكويت00ادخلوا بسرعة

انا قريت الجريدة وتمت الموافقة عليه بالاغلبيه واللي مو موافق تدرون منو ؟؟؟؟؟
الوزيرة موضي ما ادري ليش ما كانت موافقه
بس تمت الموافقه بالاغلبيه هذا اكيد انا شفته بس يحولونه على مجلس الوزراء للتطبيق بس ما ادري متى يطبقونه

 

[توحة2]

رد: رد : ألف ألف مبروك يابنات الكويت00ادخلوا بسرعة

انا قريت الجريدة وتمت الموافقة عليه بالاغلبيه واللي مو موافق تدرون منو ؟؟؟؟؟
الوزيرة موضي ما ادري ليش ما كانت موافقه
بس تمت الموافقه بالاغلبيه هذا اكيد انا شفته بس يحولونه على مجلس الوزراء للتطبيق بس ما ادري متى يطبقونه