أللي استخدموووو السدر للشعر يتفضلووووووووون

[F-o0oz]

السلام عليكم بنات


بنات فيه ناس واجد يمدحون السدر انه يكثف ويطول الشعر ,,,,,,,,,,,, حبيت اعرف مني صج نفع معاها السدر وشلون طريقتها ؟؟؟؟؟؟؟








وتسلمن يالحبايب وعسانا ماننحرم من ردووودكم ​

 

[iCe*]

هلا الجود اي والله السدر ينن بس ان التزام يعني وتصدقين اهو الي يوخر ريحة الدهن
اما طريقته في طريقتين
انا احط قفشتين <على حسب شعرج بطاسه وصبي عليه ماي من الفلتر
وخلطيهم امي تقولي خليه ينقع وانا اكون مستعيله فمايمديني انتي كيفج لو نص ساعه
وبعدها اذا عندج خلطه تحبين تحينها فوقها انا احط علبة روب وبيضه
في خلطات اذا تبين جيكي بالقسم اهني
والطريقه الثانيه يحطونه برشاش ماي ويرشون فيه شعورهم
ان شاءالله استفدتي واي سؤال ترانا بالشوفه

 

[#الترف الخجول#]

تسلميييين عالسؤال بنات جم المده اللي يبين فيها؟؟

 

[بس احبك]

السدر يهببببببببل وينعم الشعر ويطوله ويكثفه انا احبه اكثر من الحنا مع اني استخدمهم اثنينهم

تقدرين تحطينه مع الحنا او تستخدمينه بروحه انا استخدم 3 قفاش او 4 على حسب الكميه اللي تكفيج مع زيت دلال مال الطبخ شوي وبيضتين او بيضه واخذ جرير واحطه بالخلاط مع ماي وبعدين اصبه فوق السدر واحطه على شعري والله باقل من شهر شعري طال وهذا غير الكثافه والنعومه حتى شعري ماطاح مثل اول<<< قولوا ماشالله : p

بس اول مره اسمع انه السدر يحطونه برشاش شلون الطريقه؟..

 

[Dala--Q8]

هلا ياقلبي انا طريقتي تعلمتها من بنات المنتدى وشوفي حملة حيادر وايد يسنخدمونها اللي اهي احط اربع قفشات في بطل ماي صحه وازيده ماي حار وانطر يوم كامل وبعدين الرج العلبه عدل واشخله برشاش (بخاخ) وارشه على شعري قبل اسبوح وبعد اربع ساعات اغسله وايد يمدحونه وانا توني مجربته مااقدر امدح بس امي وايد تمدح واي سؤال حاضره

 

[ام عزيزان]

خلطات السدر وايده

وشوفي هالرابط

http://www.q8yat.net/showthread.php?t=351196

وانا حطيييييت قفشتين سدر مع الشامبوا وكل مره اتسبح فيه

 

[& ام سلمى &]

الله يجزاكم خير عاد انا شعري كله طاح بسبب عمليه القلب وتثير البنج قوي حمدالله على صحه والعافيه

 

[*قطر بنت حمد*]

والله حياتي حتى انا ودي اجربه بس عيزانه لوووووووول

 

[shmoo5 2ntha]

إنزين إهوا يأثر ع الصبغ

يعني نفس الحنه مايصير نصبغ بعده وإلا عادي ماله شغل ؟؟

 

[دانه_83]

الصراح انه استعملت بس ما سوالى شى ونشف شعرى انه اساسن شعرى جاف وحطيت السدر نشفه ازياده

 

[كوكا كولا زيرو]

السدر زين وبغيت اسال يقولون انه يطلع الشعر اللي بالويه انا استعملته مرة وكانت نتايجه عجيييييييييييييييييبه بس ما طلعلي شعر او انه كثف الشعر اللي بويهي حتى الحواي قالي لا تحطنه بالويه ؟؟؟؟؟؟

 

[dandon87]

انا نفع معاااي الحمدلله

بس انا اخلط نص حنة نص سدر واذا صابغة شعرج بدون حنة .. واعجنهم بماي مغلي بثوم و بصل
وازيد عليهم زيت الخروع و زيت نارجيل البنفسجي.. وانقعهم يوم وثاني يوم احطهم
وبعد ما تغسلين شعرج نفس اليوم او اليوم الي بعده دهني شعرج بزيت الخروع وخففيه بزيت جوز الهند و بس
وكل اسبوع حطيه مرة وان شالله تشوفين فرق بس يبيله صبر مو بيوم وليلة

 

[~عشق المطر..~]

ومنكم نستفيييييييييييييييد

 

[F-o0oz]

فدددديتكم وربي يسر اموركن وتسلمونلي علي ردودكم الحلوووووووووووو والطيبـــــــه
:balo:

 

[روزماري]

الجود أخيــــــــــــــــــــــــــــرآآ طلعلج حـــــــس لوووووووووووووووووووووووووول

انا طريقتي انقع السدر بماي وأحطه على شعري ساعتين وأكثر
والله شعري مشى معاه وساعات أخلطه مع الرشوش تصير ريحة شعرج رووعة
والحمدلله طول شعري وكثفه بس ألحين ما قمت اهتم نفس قبل

 

[برنسس أميرة]

ممكن تحطين ملعقة من السدر مع الشامبو

 

[&موناليزا&]

رفع لعيون صاحبة الموضوع

 

[Q 8 Y A t]

في بنات يحطون معاه بيض وزيت دلال

اماالروب له ريحة


بس لا تستخدمينه دايم ثم تقطعينه


استخدمينه بالشهر مرة



الجرجير حار على الشعر .. حرق شعري طيحه

 

[Q 8 Y A t]

بس تعالي

انتي مو تقولين شاريته ؟؟





طيب صوريه وعرضيه لنا

وضحي لنا وين مكتوب للطبخ















انا بطلع من المدرسة بروح اشوفه واصوره

 

[am_kshaa]

انا احب احطه لان يخلى ريحه الشعر حلوة
خاصه انى متحجبه وطول اليوم لابسين الحجاب بالداوم فيومين بالاسبوع احط لى سدر يخلى ريحه فروة الراس شحلاتها