ألمانيا+فرنسا

[احلا_ريومة]

السلام عليكم
بنات انشالله راح اسافر فرنسا والمانيا راح اقعد بكل ديرة اسبوع..يعني السفره بتكون اسبوعين، انا وامي وابوي واختي..بس محتارين مو عارفين جم بتكلفنا السفره بالديرتين يعني نعمل حسابنا على جم ناخذ معانا؟ (سكن بشقه+الأمور المعيشية والمواصلات+التسوق اذا بنشتري سوالف جناط ماركات،ساعات،ملابس،جواتي (عزكم الله) + وناسه وترفيه) يريت تفيدوني ضروري
وهل آخذهم معاي كاش والا أحطهم بحساب ببنك معين؟ وأي بنك اللي متوفر بفرنسا وألمانيا؟​

 

[slk]

اى منطقه بالمانيا انا رايحه لها وايد المهم حولى هنى احسن واليورو بصراحه مرتفع وخلى بحسابج بعد للطوارئ الماركات اكيد غاليه بس بضاعتهم لا عادى وانا احب فيها جواتيهم عجيبه عملى وكشخه واسعار وايد حلوه ولليهال بعد جواتى رياضيه حلوه بس الهدوم مو زود احنا نسكن فندق وندفع من هنى فماادرى عن الاسعار بس غلت عن اول ايام المارك الالمانى بس قوليلى اى منطقه وانا ان شاءالله افيدج وفرنسا من زمان رايحه لها ما عندى فكره وبالسلامه

 

[slk]

نسيت اقولج اى بنك راح تقدرين تسحبين مو لازم بنك معين اى جهاز سحب الى هناك بيسحب

 

[احلا_ريومة]

انشالله بنسكن بميونخ وفرنسا بباريس
يريت اعرف تقريباً جم يكفينا او نعمل حسابنا على جم؟ يعني 5.000 كافين والا اكثر والا اقل؟

 

[احلا_ريومة]

اشدعوه 24 شافو الموضوع ومحد رد الا وحده بس!

 

[slk]

هالوحده وراج وراج:friends: ميونخ فضيحه وسوقها يعور القلب و5الاف للديرتين مع السكن والمشترى ولا بس سوق ولجم شخص هالمبلغ

 

[الغــــلا رنــــاد]

بالنسبه للماركات لالا يعلا على ميونيخ شارع الماركات كلهاااا بتلقينها هناك كل شي سااعاات وشنط وملابس كل شي

كل شـــــــــي ويعطونج تكساس فري يعني تقدرين تسترجعين بعض فلوسج بالمطار اذا رحلتج قبل الساعه 6 علشان

يسكر مكتب التكساس فري بعد الست اللي بالمطار