ألمانيا والنمسا ترتيب لرحلة الصيف وخبيرات الدول الاوربية مطلوبات بالداخل

[الحلا مبتليها]

السلام عليكم والرحمة
شحالكن خواتي ؟

بما انه الصيف قرب كل واحد يحب يشوف ويدور وين بيروح
وانااا من النوع الي لازم اسوي بحث على البلدان الي بزورها

الحين سويت لي خطة سير بإذن الله واتمنى من خبيرات الدول الاوربيه
ما يقصرون بمشورتهم علي


السفر بإذن الله بتاريخ 16/6 إلي مطار ميونخ
والعودة بعد من مطار ميونخ بتاريخ 29/6

خطة السير بإذن الله بتكون

الوصول إلي ميونخ ومن المطار ناخذ سيارة وعلى طول زلامسي

ونقعد فيها 5 ليالي

وبعد زلامسي يوم ميونخ للراحة

وباليوم الي بعد الي رست الالمانيه الي فيها يورب بارك وبنقعد فيها 3 ليالي
لزيارة المناطق المجاورة

وبعدها الرجوع الي ميونخ 5 ليالي

إلحين اني بالتفصيل ابى اعرف المناطق السياحية بالاماكن

وسمعت انه رست الالمانية قريبه من منطقة فرنسيه ما اذكر اسمها وزيورخ السويسرية
واتمنى زيارتهم

وللعودة لميونخ اتمنى تقولين الاماكن الي تستحق الزياره فيها

بس اعرف بحيرة شلرسي Schliersee عيبتني وان شاء الله بنروحها



يعني 5 زلامسي
1 ميونخ
3 رست الالمانية
5 ميونخ
​

 

[عزاااه]

مادري انتي حاطه ميونخ مرتين رست زلمسي بس انا ان شالله ١٢/٥ بروح بس حط سسيرس بادن بادن يوربارك احسن من رست عندي. ٤ تيام عقب بروح منها الي ساسبورغ فرنسيه عقب بروح انترلاكن منطقه بسويسرا بنقع اسبوع منها بروح ميلان بروح كم منطقه عقب بروح زلمسي اسبوع منها بروح كابرون ستراسبورغ عقب ميونخ ٤ تيام عوده الي فرانكفورت برده بس جذي حلو

 

[حـلا و ذوق]

مرحبا ..

بالمانيا بميونيخ .. انا اذكر رحتها يمكن 3 ليالي و وايد عليها .. بس مارحت الملاهي الي بالمانيا..

بميونيخ:
ساحة المارين بلاتز .. محلات اغلبها نعرفها .. بس فيه ال c&a وفيها الكوفهوف وثالث ناسية اسمه شوي غير عنا ..
وعندج شارع الماركات كلش قريب منه الي هو الشتراسا ..
كل المحلات تسكر من 7 بعدين مالج الا الكافيهات و المطاعم ..

زل ام سي .. فضضضيعه ..
فيها برامج وايد .. اسالي عن محطة الباصات الي تنظم الرحلات .. تكون بالسيتي سنتر .. عموما هي قرية صغيره كلش وتفرينها كلها بريولج ..
روحي رحلة للكابرون .. المسافة ثلث ساعه بس بالباص من زل ام سي الي فيها التزلج و التلفريك
رحلة الزحلاقة الصيفية تركبين جبل بتلفريك وتنزلينه بزلاقة
زيارة الشلالات >> مارحت للاسف
تقدرين تروحين منطقة سالزبورج بلباص او بلقطار على راحتج انا رحتها بالقطار مسافة ساعه .. هالمنطقة بين ميونيخ و زل ام سي .. انا رحتها ورديت بنفس اليوم .. مدينة اوروبية عددل .. حلوة وراقية ورومانسية فيها محلات واسواق
عموما لارحتي محلات الباصات من اول يوم اخذي كتيب الرحلات والبرامج علشان تسوين لج جدول على حسب الاوقات الي يمشي فيها الباص ..

بس هذا الي اقدر افيدج فيه ..

ورحلة موفقة​

 

[عيون مبارك]

باعطيج جدول افضل
ميونخ زيلامسي سالزبورج فيينا

ليش انتي مكرره ميونخ في الروحه والعوده