أمانة اشرايكم ب د فوزية القطان

[درابيل وحليب]

قررت اني اغير الدكتور الي اراجع عنده وايد امدحولي د فوزية القطان بس انتو اشرايكم

اهم شي عندي شلون نفسيتها و مواعيدها شلون و شلون الزحمةما احب الزحمة:cxxxp:

 

[ام يوسف القمر]

درابيل محد يمدحها بصراحة هدى الزكري زينة كافي فتح الملف عند فوزية 50 وبعد مادشين عليها على طول اول دكتورة ثانية بعدين اهيي اذا تطلب حاجتها جربي هدى والله يزقج من غير علاج ويرزقنا عاجلا يارب

 

[كويتيه مذهله 87]

حرام عليج يا رب ارزقني ماشالله هالدكتوره ما يبيله احد يمدحها

الصراحه خوش دكتوره وماشالله عليها نفسيته حلوه وشاطره وايدها خفيفه وكل وحده فيها شي تعرف علاجه

بس سمعيني هي ما تستقبل الا العمليات واطفال الانابيب بس

الي تحتها الصراحه ما جربتهم ما ادري عنهم


واللله يوفقج ان شالله ويرزقج هالشهر ياارررررررب

 

[بيرق الكويت]

والله أنا جربتها ومستمرة بالعلاج عندها نفسيتها تهبل وتهتم في المريضه وتقولها تفاصيل التفاصيل عن حالتها وتحسين إنها فاهمة .
وأول مراجعة عند دكتورة مصرية تسجل تفاصيل حالتج وتطلب منج تحاليل والمراجعة إلي وراها تدخلين عندها تتصلين وتحجزين موعد أو تاخذين موعد من الاستقبال ودخلتها أول مرة 20 والمرة الثانية 12 وانا أرتحتلها حيل وحبيتها وحبيت أسلوبها إنسانه راقية بتعامل وقروبها ممتاز ونفسيتهم حلوة وتحسين عندهم إنج أهم مريضة .
((وكل إلي جربوها قبلي يمدحونها مو بس أنا ))

 

[Hello_kitty]

والله ما ارتحت معاها ولا ارتحتلها كلش

العياده زحمه وتقعدين بثلاث اربع ساعات اذا مو اكثررررررررررررر

واذا دخلتي دوج ما تعطيج حتى سبع دقايق على بعضها كله مستعيله

وكل يحولونج على اللي تحتها

واسلوووووووبها من النوع اللي يخرعج ويصعب الأموور جدامج

ما تخليج متفائله وتهون عليج وتطمنج لأ
يعني الواحد يروح يبي يسمع كلمه حلوه تشجعه تريحه

اهي لألأسف لأ وسوت شغله فيني وايد اثرت علي

انه الحمدلله ما شاء الله تبارك الله تبويضي ممتاز واذا خذيت كلوميد حبتين مو اكثر عشان انه ودي اييب توأم

فجأه وصفتلي اربع حبوب كلوميد متخيله؟؟اسألها ليش انه مو محتاجه هالكميه الحمدلله

ويوم خذيت هالكميه اللي ولا دكتوره قلبها وصفتها لي لأن هالكميه تنوصف حق اللي تبويضها ضعيف او ما عنده تبويض

سببتلي الآلآلآلام ما صارت برحمي قمت ابجي بالليل واول ما شقت الشمس طرت العياده ولا يكتشوفون فيني كيس ماي كبير!!!!!!!!!!!!!!!

 

[++The DuchesS++]

وايد بنات يمدحونها
بس وااااااايد زحمه عليها
ويقولون ما تستقبل اي حاله
وتدشين على الدكاتره اللي عندها

 

[سراج الليل]

أنا قبل يومين رحت لها بس قالولي الرسبشن لازم موعد أو تدخلين عند الدكتوره شيماء ( مصريه ) والثانيه ماذكر اسمها

بس قلت أبي شيماء وبصراحه تهبل تهبل تهبل وكلامها يريح وطمنتني

 

[محاميه الغد]

انا اراجع عندها الدكتوره ممتازه و شااااااطره و عندها خبره كبيره بتاخر الحمل
الحمدلله بعد ثلاث سنوات من تاخر الحمل راجعت عندها و حملت بفضل الله
عيادتها شوي زحمه
و كلامها يطمن
انا اول مره دخلت عند الدكتوره ريم و من بعدها كله عند فوزيه ما يحولونج عند غيرها
انصحج فيها
الله يوفقج

 

[ناديوه]

دكتوره فوزيه ما شاء الله عليها اتهبل وكلمة اتهبل اشويه عليها

خبرة و الدكاترة نفسهم يعالجون عندها لأنها ثقه وتستحق الثقه.

كنت اراجع عندها ابحمالي وولادتي.

 

[ام يارا]

انا قبل يومين كنت عندها بس بصراحه حولوني على دكتوره شيماء لاني اول مره

واااااااايد وااااااااايد ارتحت لمعاملتهم و اسلوبهم حيل راقي لدرجه اني كنت اسأل واهي تجاوبني بدون خطوط حمرا

و حسيت اني حيل مهما عندها و كلامها يشجع بصراحه ما افكر اروح لفوزيه لاني حسيت ان شيماء فاهمه شغلها وحالتي عدل

بس المشكله عندهم زحمه نصيحه جربيها ما راح تندمين

والله يكتبلج الذريه الصالحه

 

[لحظة غروب]

انا اراجع عندها صراحه دكتوره ممتازه واسلوبها حلوو صج انها سريعة بسبة الضغط اللي عليها لكنها فاهمه وايدها خفيفه انتي استخيري والله يكتب لج الاصلح واهي معرووفه للحالات الصعبه الحقن المجهري واطفال الانابيب..والله يرزق كل محروم يا رب

 

[ايمان80]

صراحة انا بديت علاجي معاها بعد استخارة وتأخر حمال سنة ونص بس بعد علاجي بشهرين ويوم قربت اسوي تلقيح صناعي عندها..للأسف حاشني فشل كلوي مزمن وانا اسوي غسيل كلى حاليا فللأسف توقفت كل مشاريعي حتى حلمي بالياهل تأجل حتى اشعار اخر

ربي لك الحمد..ولااعتراض على امره

 

[فوق السحاب]

شوفي اختي انا كنت ارجع عندها , و قالت لي سوي تلقيح مع اني ما احتاج و كل الدكاترة الي راجعت

عندهم قالوا ما يحتاج لان الحمد لله زوجي ما فيه شي بس انا فيني تكيس و هرمونات و مو متاخرة واجد

بس سنة و نص

عطتني منشطات و كلوميد و حولتني على دكتورة ثانية حتى ما قامت تستقبلني

يوم جيتها قالت لي انتي تبين اتحملين سوي تلقيح و زفتني

نفسيتها خايسة , بعد انا جايتج بفلوسي و اتزفيني ما عندها ذوق كللش و ما تعطيج وقت

و تحسفت اني راجعت عندها

 

[eng.q8]

ماكو عليها وتستاهل النطره اهيا والدكتوره شيما
انامعاها من 5 سنين وماشفت الا كل خير
استخيري حبيبتي وتوكلي على الله