أمس سويت ترجيع الاجنه تكفون ساعدوني؟

[إبطيطه]

امس الصبح سويت ترجيع الاجنه ومن امس وانا آلام في بطني وظهري وغازات وصداع وتعب
تكفون طمنوني هل هذا طبيعي؟

 

[كويتيه مول]

ماعندي فكرة بس حبيت ادعيلج الله يرزقج وجميع المحرومين الذرية الصالحه السليمه المعافاه عاجلا غير اجلا

 

[إبطيطه]

جزاج الله خير الواحد يرتاح اذا شاف ناس طيبه مثلج يا كويتيه مول

 

[كويتيه مذهله 87]

ان شالله بدايه حلو وثبيت للاجنه

ان شالله توام

 

[*ماي الورد*]

طبيعي جدا
جم يوم ويخف
هذا من اثار السحب مو الارجاع

 

[حلمي الأمومة]

الله يرزقج يارب ويثبت حملج

انا كان عندي نفس الاعراض عادي من العمليه اهم شيء يالغاليه نتيجة التحليل

وان شاء الله فال خير

 

[دآنة آلرشآيده]

شئ طبيعي
من تاثير العمليه ماله علاقه بالحمل

انا من سويت الارجاع كله منسدحه مااتحركه لمده
ثلاث ايام بعدين قمت اتحرك بس شئ بسيط ولظروره

ون 8 يوم لـ الرجاع احس حلمات صدري واقفه
وبس هذا اللي اذكره

والله يرزقج بالحمل وثبت حملي يارب

 

[فزوووولها 2009]

حبيبتي هذا شي طبيعي وترا التحاميل هي تسببالدكتور قالي كذا

 

[lovemyself]

لا تخافين شى طبيعى
الله يرزقج يارب عليج بالدعاء

 

[الجورى 2007]

شى عادى يالغلا وتحسى بآلام الدورة لليوم السابع من الترجيع ثم تهدأ واذا نزل نقطة دم عادى هذا لانغراز البويضة الملقحة بالرحم وعسى ربى يفرحك وتبشرينا يارب وعليك بالدعاء

 

[chanel N22]

يارب تحملين والله يتمم عليج يالغاليه