أمس شلت التقويم والنتيجه موعاجبتني كللللللللش

[& مــشــايــخ &]

السلام عليكم

شلونكم بنات ؟

بنات أنا أمس شلت التقويم وماني راضيه عن النتيجه ولو صفر بالميه

انا لما رحت الدكتور كانت ابتسامتي جميله كنت أبيها أجمل كانت عيوب أسناني بس فراغات بسيطه

وحط الدكتور التقويم قالي شغلة 6 شهور بس

ال6 شهور صارت سنتين الا شهرين وباجر بحط المتحرك

بس المشكله النتيجه يابنات حسيت طلع لي اسناني اطوال وطالعه جدام شوي

اسناني كانت داخله شوي داخله مبينه جنها صغار ومجكنمه تهبل وانيابي بارزه بطريقه حلوه

اللي سواه الدكتور طلع لي اسناني شوي لي برا والانياب داخلين

مااااااااعجبتني ابتسامتي كللللللللللللللش

شسوي بنات؟

 

[يرخصلك كل غالي]

انا بعد نفس حالتج بس لي 3 شهور وبشيله

النتيجه للاسوء بس تعلمت ما اتعبث باسناني

انا كان فراغين بسس

لحين اللي بالنص واحد طويل واحد قصير وياليتني ماسسويت

منو دكتورج انتي

 

[& مــشــايــخ &]

هلا أختي

الدكتور للأمانه سوا اللي عليه يعني لو أرفع راسي وابطل حلجي تشوفين اسنانسي صفه دار مدار بس شالفايده انا مابي

الناس تطالعني من تحت وتشوف شغل الدكتور انه بروفيشينال أنا أبي النتيجه تبان على ابتسامتي

ابي ابتسامتي اهي اللي حلوه

سويته عند الفوزان

 

[يا ليل مطولك]

الله يسترر انا بعد احاتي نتيجة التقويم الدكتور قالي بآخر مراجعه ان خلاص هذا الشكل النهائي لأسنانج بس بعد للحين ما شلته استخدم السيور .

فالله يستررر مادري اختي يمكن مع المتحرك تتغير النتيجه ، ودام انتي اساسا مشكلتج فراغات واسنانج كانت حلوه وابتسامتج حلوه ودج مسويه حشوات وفاكه عمرج ، بس ما عليه يمكن انتي مستنكره الابتسامه الجديده

انا من رايي المسأله يبيلها وقت وتعود

وان شاءالله تستانسين بالنتيجه . اهلج شنو رايهم اعجبتهم النتيجه ؟

 

[جيرازksa]

حتى انا امس شلت تقويمي بس احس شكلي تغير مررررررره يمكن لاني ماتعودت عليه

بس انتظري شوفي يمكن مع المتحرك تتعدل ان شاء الله

 

[يرخصلك كل غالي]

انزين تهقون لو راجعت مكان ثاني يعدل للي خربه الدكتور

 

[& مــشــايــخ &]

مشكورين بنات عالمرور

انا سويت حشوات من قبل وانحلت مشكلتي وطلعت ابتسامتي حلوه

بس ردت الفراغات مره ثانيه بعد الحمل والولاده تعرفون تتأثر الأسنان

وأهلي نصهم يقولون حلوه ونصهم يقولون لا

محتااااااااره وتعبانه نفسيتي

 

[ياحُبِي لِلكويت]

ان شاءالله مع المتحرك تضبط اسنانج ترى اللي يقيم ابتسامتج اللي حواليج اظن .. ايام قليله واشيل التقويم حبيت اسألج سهل شيل التقويم والا يعور ؟

 

[Miss Cherry]

يمكن ليما الحين ما تعودتي على شكلج

 

[دمعة طفله]

وانا نفسكم احاتي والله قربت اشيله واحس ما وصلت النتيجه المطلوبه

 

[القلب الخالي]

انا صارلي سنتين ويا التقويم
وتوني شايلته قبل شهر والدكتور قالي يبيلج سنة ويا المتحرك
حسيت اسناني تلاصقوا وصاروا حلوين بس حسيتهم كبروا
بس الكل يقولي انه هلاحساس لانه ما تعودت عليه يمكن انتي نفس الحالة

 

[Grass]

صبري يمكن انتي مستغربه شكلج

 

[جيرازksa]

ياحبي للكويت

حبيت افيدك انا عن نفسي لمن شالت الي فوق القواعد حسيت مخي ينشال معاها مره تعورت صرت ماسكه بيدها وهيا تقولي استحملي

بس يمكن من وحده لوحده تفرق

على فكره انا اليوم ركبت المتحرك الحمدلله بس تصدقون نسيت اسالها كم المده الي احطه فيها

 

[~Princess~]

انا نفس الشي اول ما شلته ما عجبني شكل اسناني وايد - مع ان احسن من اول بوااايد

ثاني يوم رحت احط الريتينر وبرد لي الأسنان اللي شوي طويله (مثلا الناب اليمين اطول من الناب اليسار)وعدل لي شكل جم ظرس ما كانو سيده

والحمدلله هالتعديلات البسيطه تفرق وايد والحيد وايد مستانسه عليهم

انصحج تبردين شوي منهم عشان يكونون متساوين

 

[!الجادل الصعب!]

للحين مآ تعودتي عليهم يمكن .. اهم شي صفتهم حلوه ومرتبين ..
بنآت اهم شي تسون تنظيف وتبييض بعد التقويم لآن الصمغ يكون موجود عليهآ
ومو كل دكتور يقولج اشيله لج

 

[moonface2010]

اولاً: مبروك عليك شيلة التقويم
حبيبتي اذا كان عندك مشكلة بروز مع الفراغات لازم تصير اسنانك داخلة على جوا يمكن كان عندك بروز وانتي مو منتبهة بس لسة ما اتعودتي عليها
انا الحمدلله رب العالمين قبل اسبوع شايلة التقويم وراضية عن النتيجة الحمدلله اسناني تغيرت للأحسن ما شاء الله تبارك الرحمن
وترى الرتينر (المتحرك) هو من اسمه مثبت يعني فقط يحافظ على شكل اسنانك بعد التقويم عشان تثبت وما ترجع ومدته سنة ستة شهور لمدة 24 ساعة تحطيه ما عدا عند الاكل وستة شهور عند النوم فقط
وتنظيف الاسنان مهم جدا بعد التقويم عملته ولما جيت باسوي التبييض قالي الدكتور ما انصحك تسويه بعد التقويم على طول استني كمان سنة عشان الصمغ يخلي مسامات الاسنان مفتوحة وحتتشرب المادة المبيضة وتصير جدا حسااااسة

 

[ريحْ المَطرْ]

الله يسسسستر انا مسويه تقويم بتيجان مشكلتي الفراغات الله يستر لآ تكون النتيجه عكسيه :eh_s(2):

 

[ريحْ المَطرْ]

بأي فرع مسويته ريح المطر ؟؟؟
و عند اي دكتور ؟؟؟
و متى موعدج الياي ؟؟

باختصار .. ابي اصيدج بالعياده

هههههههههههههههه


فرع الفروآنيه
عند دكتور محمد
موعدي تاريخ 8/9/2011

 

[دمرت كياني]

يمة خلوتني احاتي عاد توني حاطته تقريباً 6 اشهر

يلا مو مشكلة عاد عندي موعد شهر 9 اساله كثر يبيلي

 

[ms-dema]

بنات انا هالشهر بيشيل التقوويم بسـ حبيت اسئلكم بعدـ متى يعطيني المثبت (الريتينر ) بنفس اليوم ولا بعدها بفترررررررة ؟؟