أمــــي .. والسلبيه والتشاؤم

[Esmee]

السلام عليكم

بنات أنا مشكلتي مع

أمي

أحبها وأموت فيها وأبي رضاها ..

أمي أتعاني من مرض "التشاؤم والسلبيه" أي مرض لانه تعبني معاها مو بس أهي ..

كلش ما تتفائل بالخير .. مع إنها ملتزمه وتصلي وتصوم وماكو أنظف من قلبها ونيتهاا

بس بنات أمي حيل متشائمه .. وكل تفكيرها سلبي × سلبي × سلبي × سلبي وإنه نهاية العالم !

وشايله الدنيا فوق راسها ..وكل ما صارت مشكله ولا سالفه صغيره .. يصير أكشن بالبيت ..

وتدري بهالشي .. بس مع ذلك مو راضيه تعترف !

أكلمها أقولها بخصوص التفائل والايجابيه !

تقولي إنتي شفهمج وشعرفج توج ياهل !!وماتعرفين الدنيا !!

مع العلم إن عمري 23 !

أنا أدري إن الام طول عمرها بتشوف عيالها صغار وتخاف عليهم !! بس إللي قاعده اتسويه أمي غلط تعبت معاها !!

وحتى أبسط شي تخيلو ..

قلت لها يما بهالعطله .. بسجل بنادي وابي اضعف جم كيلو عشان شهر 9 ارد بنيولوك

جان ترد بكل سلبيه وتشائم ...... ماراح تضعفين .... ! و و و و و إلخ

وحتى سواقة السياره .... تقولي خوافه ماتسوقين خلج قاعده !!

تكسر مجاديفي وتحطمني وتحبطني وتخليني اتشائم واروح داري وابجي

عمري ماسمعت منها شي يشجع سواء لي ولا لأخواني !! :/

 

[sanyoura]

الله يحفظها لج ، مثل ماتحن عليج بالسلبيه حني عليها بالإيجابيه
( خلي بالج طويل )
ومو أي كلمه تقولها تتأثرين فيها أنتي تدرين أمج تفكر جذي
فعادي !
أكيد كلام الأم يأثر مهما كان ، بس حاولي تتعودين لمه هي تتعود
تقولج لا ماراح تضعفين قولي لها بلا وإن ضعفتي قولي شفتي شلون خليها تغير طريقة تفكيرها
ما راح تتعبين بس أنتي هي بعد راح تتعب إذا ظلت تفكر جذي ؟

ومافي أحلى من الأم سلبيه كانت أو إيجابيه
​

 

[el.mlkaa]

إنتتتتتي خليييييها تتفائل قوليلها بضحكه ششدعوه وانشاالله في نتيجه

 

[*الهنوف*]

مشكله عندنا وعندج خير
انا ابوي وامي شي اسمه تفاؤل مو موجود بحياتهم تعبت وانبح صوتي اقولهم توكلو علي الله وحسن الظن بالله
ماكو فايده لو ايشوفون اي شي علي طول يطلعون فيه عيوب

 

[{ عبره وهلت }]

قوليلها الرسول صلى الله عليه وسلم يقول " تفائلوا بالخير تجدوه "
كرريه دايم حتى لو تزفج وتهاوشج .. لين يلزق بمخها هالكلام ..

الله يهديها ويخليها لكم ..

 

[lOli POP]

حبيبتي انا امي كانت جذيه بس الحمدلله الحمدلله تغيرت حيييييييييييييييييييييييييل

قبل كانت كللله تحاتي ! عن الشغالة ما كنا نتوفق في اختيارها و الفلوس ما بتكفي وووووووووو
لان اهية المسؤولة عنا ف شي طبيعي جذيه تحاتي !
كنت دايما اقولها الرزق من عند الله ! ليش تحاتين !
قريتلها حديث قدسي : (( يا ابن ادم خلقت السماوات والارض و لم أعيا بخلقهن .. أيعيني رغيف خبز أسوقه لك ! ))
و اهم شي اسلوبج لما بتحاجينها !
يعني لا تكلمينها بطريقة كأنج تعلمينها .. حاجيها كسواالف عااااااااادي
حتى لو ما عيبها كلامج و قالتلج انتي ياهل شدراج ! ما عليج من هالحجي استمري و استمري
انا لما كنت اقعد مع امي و انسولف ادخل لها سوالف جذيه عن اليقين بالله والتفاؤل
و كنت اقول لها الله سبحانه و تعالى يقول (( انا عند ظن عبدي بي ))
فترة وانا احاول اقوي يقينها اللي بيعطيها روح التفاؤل و قريت لها عن فضل الدعااااااااء
و اهم شي ادعيلها في صلاتي ان تصير متفائلة ! كل هذا خووووووووف عليها .. ما كنت ابا نفسيتها تتعب من كثر ما تفكر و تحاتي !
مررررة يت عندي قالتلي تصدقين ان كل شي دعيته الله استجابه !
كل شي كنت احاتيه دعيته في وقت السجود ! ما كمل اسبووع الا و كل شي اباه صاااااااار
الفضل لله ! حبيبتي والله طررررررررررت من الوناااااسة !
كل شي تغير بشكل ايجاااااااااااابي و كبيييييييييير

الشي الثاني

لاااااااااااا تخلين كلللللللللش كلامها يحبطج .. خلج متفائلة ولا تخلين كلامها يأثر فيج
سجلي في نادي و سوي رياضة مافيها شي ! اللي كانو متاان و ضعفو مب احسن عنج ! و انتي بتضعفين ليش لا !
و عن الاشيا البسيطة اللي حاسة انها بتحبطج فيهم لا تسألينها
بالعكس انتي اللي أثري فيها و بتقدرييييييييييييييييييييين
حاااااااااولي معااااااااااهااااااااااا و اقري عن اليقين بالله وووووووووووووو
ادعي بصلاتج لها بعدددددددددد

و بإذن الله رااااااح تتوفقين​

 

[رحيل المرافيء]

هذي مو تشاؤم ولا سلبية هذي تكسير مجاديف مثل ماقلتي
ومدري اشوف هالشي طبع بالمجتمع الكويتي
لاقلتي بسوي رجيم يقولون لج ماراح تضعفين لاقلتي باشترك بنادي قالوا ماراح تروحين وبتقطين فلوس على الفاضي
لاقلتي بدخل كلية طب ولاهندسة قالوا وي الحين كلش عاد بيل غيتس على غفلة
هذي طبيعة في مجتمعنا للاسف
في ناس تقول هالشي بحسن نية لانهم تعودوا وفيه ناس من الغيرة مايبونج تصيرين احسن منهم

 

[bella 81]

عندنا وعندج خير

 

[divaness Q8]

كلميها شوفي يمكن تتغير

 

[sakura-san]

تعرفين انا لو حد قال مابتقدرين تسوين شغلة اتشجع اكثر واسوي الشيء

انتي خذيها كحافز انج تنجحين وتغيرين رأيها

اذكر يوم قلت بسوي نظام رجيم عشان اضعف قالوا لي ما بتضعفين عاندت وسويت وضعفت الحمدالله حتى السواقة قالوا لي صعب ما بتقدرين نفس الشيء عاندت وتدربت وخذت الليسن ابي اغصصهم هههه امممم الحين افكر اخذ دورة سباحة بس مافي حد قال لي صعب ماتقدرين عشان اعاند

 

[Alias]

يمكن شخصيه امج اكتئبيه حاولي ما تفاائلين جدامها تفاائلين بروحج

 

[brettey]

قسما بالله نفس امي الله يهديها

 

[الدنيا لحظه**]

صج الكلمه الحلوه تفتك الباب القفل والتفاؤول وايد مطلوب خصوصا حقنا احنا البنات ميخالف هاذي الغاليه شوي شوي تتفهم انشالله

 

[HoT P!nk]

حبيبتي والله
عااااادي الموضوع و هذي سالفه كل ام مو تشاؤم و لا تكسير مجاديف .. امچ بس خايف عليج و خايفه انچ تتخذين قرارات غلط هذا كل ام تسويه

والام مهما تقول و مهما تسوي اتأكدي انه بحسن نية مو قصدها تكسر مجاديفج ابداً

و سبحان الله الام عندها غريزه انها تعرف الاحسن لعيالها فلاا تتحسسين من الموضوع و take it easy و خلي الحياة ماشية

 

[HoT P!nk]

اي و نسيت اقولج ترى هالموضوع بزيد مع الكبر
انا اكبر الخواتي عمري ٢٠ و امي الله يطول بعمرها توها داشه ٤٢ و الله صااايره تخاااف علي اكثر من اول و مثل ما تسمينها تكسر مجاديفي اكثر من اول و هم تحسفني على وااايد اشياء مرات اعصب و مرات اقول خلاااص اكيد مو قصدها و اهوا اكيد مو قصدها فمثل ما قلت لا تتحسسين من الموضوع