أموت بعزتي أرحم؟؟؟؟؟؟؟؟ هذا مشكلتي ؟؟؟

[بنوته الحلو]

أموت بعزتي أرحم...
كتبت الشعر مولجالك .. ولكن فاض بي البركان
واما أنت فلا تسوى قصيدة في نظر عيني..
حلفت انك تصوني إذاصارالزمن خوان..
وأول ماعثر حظي على دربك خذلتني..
كسر رمح من صدري وفي ظهري طعنتني !!
خسارة كيف حبيتك؟نعم والله انا ندمانه..
غبيه ادري نعم ادري مادام انك سكنتني..
ست سنين من عمري وانا في لعبتك غرقانه..
أشيل الشوك من دربك وجرحي كان يدميني .
وكنت أقرب من رموشك لعينك يوم تبغاني..
عرفتك للأسف صحرا !!وحولتك الى بستان..
حفرتك داخلي ..ظني تصون عشرتي أزمان..
وكنت أحفر قبر موتي على ساحل شراييني..
على كف الشقا نامت جروحي والألم سهران..
يحطمني ..يبعثرني ..وفي صحراك يرميني..
ولكن عزتي ترفض أكون بدنيتي سلطان..
وأن ظنك أجي أركع لرجلك ماعرفتني ..
أنا ماعادتي أشحت من أمثالك رضا وحسان..
وأموت بعزتي أرحم ولا ذالك يغطيني..
ومادام الوفا عندك يدور له على عنوان..
ولو قلبي ذكر حبك بولع فيه النيران...
وأبكسرها أنا رجلي اذا صوبك توديني..
أموت بعزتي أرحم اذا كذبت علي بيوم..
ليش هذا المطلوب من الحب وسنينه ..
انك تحب انسان والكذب عايش معاكم..
انت طلبته يكون أغلى من اثمان..
ونهايه تخسرالحب وتعيش مع الكذب أزمان..

هذا قصتي أحبه موت وافديه بعيوني وهو يحبني بعد ويموت علي ولا يقدر يتخلى عني بس
يكذب علي كثير ويخبي علي وش اسوي علموني وش حل معه اذا تفارقنا نشتاق لبعضنا ونرجع
ويرجع كل شي مثل ماهو

عندنا ولد عمره 6سنوات​

تكفون ابي حل ياحبيباتي .............​

 

[مطيرية وأفتخر]

أولا :
ماشاء الله عليج قصيده روعه وقمة

ثانياً :
الله يكون بعونج

وحاولي انج تساعدينه بأنه ما يكذب عليج

وصارحيه ,,,, ليه هو يكذب عليج



ويمكنن التهديد يجيب نتيجه
قوليله اذا انت مو صادق معاي

أجل يكون الفراق هو الحل لأن لا يمكن أنج تعيشين مع واحد يخبي عليج أمور كثيره ويكذب عليج

 

[بنوته الحلو]

صارحته كم مررررررررررررره حياتي بس مافي فايده

 

[StrOnG WoMeN]

حبيبتي مبدعه بطررحج
والله يوفقج
بس نصيحه الفراق خلي شي مستحيل بينكم
دااام في بينكم طفل
وانا مثلج اعاني بس مشاكل اخرى من كتاباتي تبين
مع هذا لجل عين تكرم الف عييين
عشان العيييال نضحي
يا الدور الي ننسى انكون زوجات وبس بل نصحي ونشوف نفسنا امهات
لانه الاطفال يبون ام وابو
وربج كريم ماينسى احد
ودااايم ادعي له بالهدايه
واستغفري الله
اما الفررررراق لاتفكرين كل مشكله لها
حاولي تعبي فلابد من نتيجه لو مو الحين مع مر السنين
هذا نصيبناااا
حاولي تجنبين السلبيات تمسكي بالبيجابيااات
حلي بعينج
والله يوفقج مليون مره ويسخره لج ويسخر كل وحده زوجهاا لها جد حاااسه فيج لاني امر باصعب من مشكلتج
بس الحمدالله الصبر جميل
تقبلي مروري ضحيه القدر

 

[om_dodo]

عسى الله يسخرة لج
تقبلى مرورى

 

[بنوته الحلو]

تسلمون عسى الله يوفقكم على دعواتكم ويسخرلكم

ونقول دايما الصبر مفتاح الفرج وشكوى الغير الله مذله

ومشكوررررررررررررررررين حبيباتي .......

 

[غــرام]

ابصراحه ابدعتي بطرحج
والله يوفقج....
وانشالله .. الله يهديكم لبعض ويصلحكم
صبري الله ما ينسى عبده .. ما رده الريال لبيته وعياله
موفقه حبيبتي