أم البنات

[^_^ حوراء ^_^]

ما اتابعه للاسف


^_^

 

[عاشقة الكاكاو]

فييي ونص واعرفهم بعد

ومحكووورين حكره مو طبيعيه اكثرر من المسلسل بواااااااايد

:0bee2e8d89:

 

[الآنسة الشحرورة]

خالتي وزوجها مثل سعاد وغانم بس بناته معطيهم الحرية الا خالتي
وزوجة خالي ابوها كيذا الثانوي وبسسس ومافي طلعه ولاشيء في بالخليج تقريبا مو بس الكويت

 

[مزيونةq8]

السلااااااااام
كيف الحال خواتي الحلوين
عساكم بخير
حبيت اقول ان انا من وجهة نظري اقول هو اكيد فيه بس ما اعتقد لي هالدرجه

 

[العــــ الناعسه ــيون]

صراااااحه المسلسل

قوي ويشد المشاااهد حيييييل


وانا اتوقع ان في ناس جذيه وقريييب من الوااااقع

وشكثر في حرييييم امثال شريفه الفقيره المسكييييينه

بس اللي يحر ويقهر صج xxبشايرxx
وااااااي ودي اكسر شاشة التلفزيون واطقها طق

 

[متألقه دائما]

في هذي النوعيه من الرياييل
الي يكون متسلط على بناته و هم على مرته
يعني مثل الي ما يخليهم يروحون مع احد لا مع اخوها و لا حتى السايق اهوا يوديهم بس على الانتظار
و هم الي يجبرون بناتهم بتخصص معين او ما يخلونهم يكملون الدراسه
و الي يجبرهم انه يزوجهم الريال الي اهوا يبيه حتى لو اهيا ما وافقت
يعني بالمختصر في هذي النوعيه من الراييل في الكويت و لو انهم قليلين
و تقبلي مروري
متألقه دائما

 

[Maryomah_q8]

وااااايد مبالغ بالدور وإذا كان في جذي مو لدرجه هذي ...

 

[tolay]

في وايد رياييل متشددين بس مو لي هالدرجه


المتشدد عندنا صح مايخلي البنات يطلعون الا مع اخوهم وابوهم .... بس هذا كلش

المتشدد عندنا ينقب بناته ويخليهم يدرسون بس موجامعه ومكان مافيه خلط .... مو ولا مكان

مشكلته مع شريفه وبناتها متشدد

اما بشاير ديايه لييييييييييييييش ؟؟؟؟؟؟؟

 

[Q8Buying]

أقدر أقول إن المسلسل ما فيه مبالغه كلش..
الكلمات .. التصرفات .. الأفعال .. المواقف ..

كل شي ..

بس .. يمكن .. الكاتبة جمعت شخصيات .. أو مجموعة تصرفات .. في شخص واحد ..
بس يظل .. أكو شخصية مشابهه.. له .. ولو باختلاف بسيط

بس .. قصة واقعية ! .. عادي..
بس الفرق .. إنها مروية .. واحنا قاعدين نشوف الصورة الكاملة !!!!

والفقيرة سعاد عبدالله (شرفووه) ..
كانت تؤدي واجبها .. كزوجة..
بس بعدين .. انكسر قلبها .. كردة فعل .. حق وجود مشاعل الزنكوي (بشاير) ..

ونتابع الأحداث.. إن شاء الله نهاية سعيدة ..
عشان ما ينكسر قلبنا..

شبعنا قهر !

 

[a7la_7b]

أتوقع في بمجتمعنا فئات من هالنوع الأبو إللي يحكر بناته ومايطلعهم ولا يعطيهم حريتهم والأم إللي ماعندها شخصيه وتراعي الزوج ولاتهتم بعيالها وأتوقع إذا مات الأبو البنات راح ينحرفون بسبب الكبت إللي شافوه بحياتهم بصراحه الله يعين البنات إللي أهلهم جذي

 

[أم@الحلوين]

بنات شنو تتوقعون راح يصير في الايام اليايه ؟؟

تتوقعون تييب بشاير ولد؟؟؟؟؟؟

 

[miss abrar]

اتوقع فيه بالنسبه لدراسة البنت مثلا فيه اهل ما بون بناتهم يدخلون جامعات مختلطه او يبونهم يدخلون تخصصات معينه والبعض ما يخلون بناتهم يسوقون سياره او تكون السياره بس للدوام ونفس السي بالنسبه للزواج يتسلطون وايد من الابهات وما يخلون بناتهم يطلعون بس بعض الاشياء مبالغ فيها مثل لما سعاد تغسل ريله بالغرفه او لما تهف عليه واهو ياكل وشلون يخدمونه ما اتوقع هالشي موجود بالواقع بهالزمن وان وجد فهو نادر حيل

 

[rawan22]

فيه بعد العن من جذيه

 

[~Unreachable]

في اكيد .. خصوصا رياييل قبل

حجريين حييل ..

الصراحه المسلسل اينن و قصته حلوه

احسن من غيره مخدرات .. فقر .. قلة ادب .. و عرض ميك اب و دراريع انسام الخلف حتى اوهيا نايمه لوول

 

[عذوق]

أممم

بصرااحه فيه واعرفهم بعد بس ابووهم مو حييييل صاااك عليهم بس نفس تفكير بو صقر حييييييييل حتى متزوج وحدة تجيب له عياااال لووووووووووووووول

يعني الاختلاف الوحيد ان اللي اعرفهم ابووهم خلاهم يدرسوون ويكملوون دراستهم

وترى ابو صقر عاادي كانوا بناته يدررسوون ويطلعون بس لما حاولت تنحااش طيبه خلاهم يقعدوون بالبيت

واتوقع اللي اعررفهم بعد نفس الشي لوتسوي وحده من بناته هالشكل راااح يقعدهن كلهن بالبيت

 

[عذوق]

ام الحلوييين



أنا اتوقع ان بشروووه النسرره بتجيب ولد بس معووّق الله يكافينا الشر

بعدين عااد ماعندي تصوور للجاي حدي جذي لووووووووول




المسلسل حده يشوووق الحلو فيه ان كل حلقة فيها احدااث جديدة تصير وينتهي داايم على شغله مشووقة للحلقة الجاايه

بصرااحه مخرررج ذكي يعرف شلوون يركب المشااهد وكيف يبدي وينتهي

على فكررة لو القصه مخرجها اي كلام ماكان تاابعنا المسلسل يعني القصه مو كفاايه عشان يصير مسلسل حلو

لازم مخررج متمكن يعررف يطلع المشااهد صح وبواقعية ويخلي الممثل يطلع المشااعر الصح

 

[Princess Tota]

إي فيه ليش لأ و آنا أعرف ناس جذي .. بنفس الحكرة و الأم نفس شخصية شريفة ..
أكيد الناس بيستغربون ويقولون معقولة 2009 و وصلنا لهالتطور و هالتقدم و فيه ناس جذي عايشة ..
بس ترا الواقع إنه فيه بعض الناس و لو كانو قلائل عايشين هالعيشة .. بس البيوت أسرار و وين اللي يدري عنهم ..
و بصراحة آنا أشوف إنه هالمسلسل أنجح مسلسلات هالسنة من كل المقاييس..
و كافي إنه مافي ابتذال و سوالف استعراض ملابس و مكياج ..
و مشكورة حبوبة على الموضوع

 

[خزااامى]

انا اعرف وحده نفس شخصيه سعاد عبدالله بالضبط

 

[كااارميلااا]

الصرااحه اعتقد مافي ناااس نفسهم

وثانكس ع الطرح

 

[rosemary777]

طبعا في

شنو تتوقعون من وحده بعمر شريفه لا دارسه ولا تشتغل ولا عندها اهل تروحلهم لان اخوها فقير ويشتغل عامل

اتوقع ولد خال البنات يتعرف على مشاعل اكثر واكثر وينتقم للبنات وامهم

بس شريفه لانها محتاجه ابو صقر وماعندها سند على بالها هو كل شي بالدنيا والرزق منه ماتدري ان الله هو اللي يرزق

بعدين هذي نتيجه طبيعيه لاي وحده ادلع ريلها وتخاف منه يزيد ويزيد وعلى باله مغفله ماتفهم ولا تحس *