أم علي لذييييذه

[<miss botamba>]

الســـــلام علــــيكم ورحمه الله وبركـــاته


طبخاتي السابقه تلاقونها في برفايلي :eh_s(17):


اليوم يبت لكم ام علي عجيييبه ولذيييذه بس حسافه بدون صور


الكميه تكفي بايركس نص نص متوسط


المقادير:

علبه باف بيستري امريكانا او اي ماركه تحبونها ولازم فاج الثلج عنها عدل ولينه

علبه حليب سائل

علبه كريمه (كويك كريم)

سكر حسب الرغبه (نص كوب الى كوب)

دارسين حسب الرغبه (ملعقتين صغار الى ثلاث)

جوز هند تقريبا كوب لصوص والزينه وممكن استبعاده اذا ماتحبون

لوز شرايح حسب الرغبه

فستق شرايح حسب الرغبه


اختياري لتزيين (جوز - بندق - زبيب) بس انا ما استعملتهم لان بعضهم مو متوفرين عندي ومايحبون الكشمش

علبه قيمر


والخلطه السريه لصوص:

هذي خلطه القشطه مالت البسبوسه كان باقي عندنا من امس كميه صغيره وضفتها على صوص ام علي


علبه قيمر - علبه كريمه - ملعقتين سكر - ملعقتين ماي زهر او ورد حسب المتوفر - ملعقه ونص نشا


ينخلطون مع بعض عالنار لين يثقلون





الطريقه:


نحمي الفرن على حراره 160 - 180 ونفتحت من فوق على نار صغيره


نصف الباف بيستري على الصينيه بدون دهن

ندخله الفرن ونخلي بالنا عليه لان بسرعه ممكن يحترق واذا انتفخ وتحمش شوي وصار ذهبي نطلعه


عالنار نخلط الحليب مع الكريمه والسكر واذا سخن نضيف كميه قليله من الجوز هند مقدار ربع كوب والدارسين

نتركه يغلي شوي ونضيف مقدار صغيره من الخلطه السريه


اذا برد الباف بيستري نقطع كل حبه اربع قطع ونصفه في البايركس


نرشه باللوز و الفستق والخيارات الثانيه اذا حابينهم


نصب عليه الخلطه واذا صارت حيل سائله لا تحاتون لان تشرب فعادي


نحط علبه القيمر عالوجبه ونواسيها عدل ونزين بالمقدار الباقي من جوز الهند و اللوز و الفستق


ندخلها الفرن عشر دقايق



وبالعافيه

 

[أحلى همبه كويتية]

يسلموووووووووووووووووووووووووووووو
عليكم بالف عافيه​

 

[ذات الهمة العالية]

حسافة ميس مافى صور ياربى ما اعرف الا بالصور ما ادرى ليش


ما عندك بعد شغلة سهله جدا وتبيض الوجة اتقصها حق بيت جيرنا لأان دوام فابى شىء سريع وسهل

 

[زوجة عزيز]

مشكوره

 

[ABEER FLOWER]

يعطيج ألف عافية بوووتمبه

 

[نماين]

يسلموااا
شهيتيني عليها

 

[جوري الصالح]

ابـــــــداع:hjy5jewf::hjy5jewf:

 

[M!SS.LOBY]

يعطيج العافية

 

[M!SS.LOBY]

عواااااااااااافي

 

[تبيني آرضى عليك]

يسلموووووووووووو

 

[عآليه !]

ام علي عشق لا ينتهييي ..

 

[فوزيه الراسي]

يسلموا