أم محمد (جمعية الفيحا) .. الله لايحرمنا منج

[اعييز]

حتى ام محمد دشت بالمنتدى
هذي وراي وري
بالعطله كل يوووم الصبح يدتي تقطع نومتي الحلوه وتقولي امشي بروح حق ام محمد
واااااااي الناس معطلين وانا احوس هناك مع يدتي
لا ومن باجر نرد الي خذيناه مو عاجبها
بس عندها دلاغات تونس خميت منها شكثر

لوووووووووووووووووووووول والله العظيم مت عليج من الضحك ..



صح صاجه استانس على الدلاقات




وعسى الله يطول بعمر يدتج .. وتروحين وياها كل عطلة:eh_s(15):

 

[اعييز]

اعييز ياحلو سوالفج00000
ومثل ماقلتي أم محمد صاحبة محل النوفوتية اللي في جمعية الفيحا يعني أي شي يخطر ببالج من مستلزمات تبين أغراض الحج والعمرة عندها تبين دراريع وقمصان بيت عندها تبين عبي هم عندها محتاجة حجابات وملافع ونقابات عندها تبين دلاقات 00دسوس 00ملابس داخلية 00كورسيهات شغل عدل ( حق الكروش ) تبين ملابس حق الخدم 00تبين ملابس حق المدارس ياسلام هم عندها 0000يعني بتاع كله 000و إذا احتجتي شي بشكل مفاجئ لاتروحين يمين ولا شمال ولاتعبين روحج ولاتتعنين حق السوق يعني على قولة القايل ماإلك إلا أم محمد00000
وللأمانة آنا شايفة بعد في (الشامية مول) محل شبيه لمحل أم محمد في السرداب 0000000والمحلين أسعارهم مناسبة00

ياحلوج يالفريدة . . صج صج صج فريدة:eh_s(3):

مشكووووووووورة وتستاهلين نجمة على شرحج الوافي :eh_s(21): :eh_s(21): :eh_s(21): ---> مالقيت الا قلب
يبيله الشامية مول:eh_s(15):

 

[اعييز]

انا اخذ منها امطات ويونيفورمات الخدم ودلاغات البيت يهبلون مايزلقون على الرخام و وايد سوالف

.. ياربي على هالامطات .. على كثر مانشتريهم يضيعون :eh_s(14):


بس فعلا الامطات والدلاقات احسسسسسن شي :eh_s(17):

 

[اعييز]

اليونيفورمات على دينار ونص بس اغلبهم دينارين ونص و بثلاثه وحلوين ماتلقينهم بره

:eh_s(15):

والله زين عيل انشالله رايحه لها احسن من سوالف المعلم الي يصير ينورفماته شفافه......................مشكورين حبايبي ماننحرم والله يوفقها انشالله

روحي افا عليج .. وطبي وتخيري بعد .. وووو حياج الله

 

[اعييز]

لوووووووووووووووووووووول اعييز ضحكتيني والله على هالموضوع
شكل ام محمد معطيتج رشوه والا عموله عالدعايه
خخخخخخخخخخخخخخخخخخخخخخخ

بس جد شغلها يونس
واليونيفورمات رووووووعه
بس هم انا ما احبها وايد اس نفسها شينه
مادري يمكن انا ليش شكلي قشره ونفسي خايسه فالناس يعاملوني بالمثل يمكن؟؟
خخخخخخخخخخخخخخ​

شسوي يختج والله مااستغنى عنها :eh_s(3):


لا ضروري اقولها اني مسويتلج دعاية جود تسوي لي خصم


بعدين اسمالله عليج شزينج لا قشره ولا شي يتروالج :eh_s(15):

 

[اعييز]

فتون علف

يحليلها طلعت مشهورة
ناخذ منها ملابس الخدم والامطات للحجابات والفنايل القطن

ايواااا عاشت فتووون :eh_s(9):

ما في احسن من يونيفورماتها ملوت الخدم ... ملابس داخلية للخدم

ملافع ... قبعات

ساعات بجايم حق بنتي ولا حقي

ملابس للقرقيعان حق بنتي

ملابس العيد الوطني

وهمن بنات عندكم الي نفس بضاعتها بجعية العديلية فوق ... والله خوش شغل عندها بعد

وهم يبيله العديلية + الشامية موول :eh_s(15): شووووكراااااااااان :eh_s(3):

 

[اعييز]

انا اخذ منها ينيفورم للخدم والملابس الداخلية حق اعيالي

عليكم بالعافيه :eh_s(15):

 

[أم بدير]

ليوم قاعده مبجر قلت بمر الجمعيه اشتري اغراض (طبعا هالحجي قبل لا ادري عن الجو الجميل والهواء العليل :eh_s(14): )
عاد مريت ام محمد والا أول مره اوفهم قاعدين ينزلون يونيفورمات خدم يديده قلت ايواااا الحين كل الموديلات بلاقي قياس خدامتي
مو كل مره اقعد ادور ادور بلا جدوى
عاد خذيت أربعه شزينهم
والله منزله البنجابياج وايد حلوين وشكلهم كشاخي
والموديل الياباني شحلاته بس عشتوا خدامتي ماتلبس الياباني تقول يخنقها​

 

[زيـنـه]

محلها يونس .. بس لويه و حوسه .. ما عمري شفته مرتب .

 

[أم بدير]

اي والله زينه صاااااااااااااااااجه
وهذا اللي يخليني ما احب اروحلها وايد مع ان عندها شغلات حق الخدوم تونس
اطق درب لين حولي مجمع بيروت والا شارع الجهرا والسبه عفسة محلها

اعييز دام انج مندوبتها بالمنتدى اقترحي عليها تسنعه شوي وترتبه
خخخخخخخخخخخخخخخخخخخخ
والا اقترحي عليها نروح كلنا بنات المنتدى نعيد تنظيم محلها عاد انا هذي سوالفي كل ما ادش مكان عفسته وغيرته وطلعت
خخخخخخخخخخخخخخخخخخخخ​

 

[هدوي]

اكثر شي نشتري الدلاغات والخمار حق الحج والعمرة

يازين الفيحا وأهلها

 

[لانا]

آخذ منها ملابس الخدم (كل شي حقهم)__يونيفورمات_اندرويرات_فوط_شبابيص_دلاغات_جاكيتات بالشتا

 

[nonia]

بس يونفورمات حق الخدم .

 

[ساره ستايل]

اكثر شي نشتري الدلاغات والخمار حق الحج والعمرة

يازين الفيحا وأهلها

هدوي مشكووورة
جنج تقصديني ههههه
انا بلفيحا
ومحل ام محمد عادي نفس محلات السوق
بس الللي متميزة فيه يونيفورمات الخدم
والاشياء الباجي عادية برايي

 

[هدوي]

هدوي مشكووورة
جنج تقصديني ههههه
انا بلفيحا
ومحل ام محمد عادي نفس محلات السوق
بس الللي متميزة فيه يونيفورمات الخدم
والاشياء الباجي عادية برايي

العفووووووووووووووو..... ياحبي لج ياسارة يابنت الفيحا خخخخخخخخ​

 

[ورده البنفسج]

اعييز ياحليلج انتي نفس اختي الكبيره لازم تمرها كل اسبوعين
جنها مسويه اشتراك معاها بس صج صج حلو شغلها دايم ناخذ حق الخدم منها
كل صيف وشتا وبالمناسبات حتي فنايل اليهال اقطانها حلوه وانا اخذ منها امطاااات اللي تضيع دايم وحتي بدياتها والله حلوه خذيت منها جم واحد شحلاتهم يعني ام محمد بتاع كلوووووووووووووووو

 

[ساره ستايل]

هدوي :
يماا راسي راسي عورني راسي
يمه دخلت الفيحا وعورني راسي
(اغنية ميامي اهداء لج ولكل رواد ام محمد )

 

[نطوووعه]

محلها يوننننس بس احس ماعرفتله عدل ليلحين يعني توني ادري عندها بديات شلوون قايلين الله يخليكم؟؟


انا اخذ منها شبابيص و امطاااااااااااات لان الارضض تنشق و تبلعهم كله يضيعون!

 

[امون حبيبة زوجها]

ماعرفها
توني عرفتها منكم
انشالله نمر عليها

الله يعطيج العافيه اعييز

 

[اعييز]

ليوم قاعده مبجر قلت بمر الجمعيه اشتري اغراض (طبعا هالحجي قبل لا ادري عن الجو الجميل والهواء العليل :eh_s(14): )
عاد مريت ام محمد والا أول مره اوفهم قاعدين ينزلون يونيفورمات خدم يديده قلت ايواااا الحين كل الموديلات بلاقي قياس خدامتي
مو كل مره اقعد ادور ادور بلا جدوى
عاد خذيت أربعه شزينهم
والله منزله البنجابياج وايد حلوين وشكلهم كشاخي
والموديل الياباني شحلاته بس عشتوا خدامتي ماتلبس الياباني تقول يخنقها​

وعليه عليييييييييج ياام بديييير ..!


بس يالله انتهزتي الفرصه ولقيت لج شي قبل لايطخونهم الاوادم :eh_s(15):