أنا ضايعه ومو قادرة افكر

[jnan]

السلام عليكم

أشلونكم خواتي عساكم بخير

أنا توني عروس ما صار لي شهر من تزوجت

وريلي خوض انسان طيب وحنون

بس خش علي سالفه ما ادري اذا هالسالفه يديده او لا

بس وانا ارتب شقتي لقيت تقارير طبيه وإشاعات

ترجمتها لان بالانجليزي بس ما فهمت شي بس كان يتعلق بالمثانة

واجهته ما رد ولا بكلمة ظل ساكت وانا عيوني تغورقت من الدموع

خذيت اغراضي ورحت بيت اهلي بس ما قلت لهم سبب قلت بيروح يسافر اييب شهادته من برا

المهم من الساعه 4 لي قبل شوي اتصلت امه وقالت لي

ان ريلي بيسوي عمليه وحيل منهار وحالته النفسيه صفر


والعمليه أهي تنظير للمثانة لان في ورم اقل من 2 سم بالمثانة


ومحد عارف شنو نوع هالورم حميد خبيث الله اعلم



ما ادري شسوي الحين وخايفه من المستقبل ممكن ينتقل لي وممكن ياثر عالانجاب

أنا ضايعه ومو قادرة افكر

 

[الريمـ اللعوبـ]

الله يكون بعونج حبيبتي
بس انتي غلطانه على طول شلتي اغراضج ورحتي لاهلج الرجال مافيه شي
ومافيه مرض معدي مجرد ورم وصغير يشيلونه وخلاص
وبعدين توكم متزوجين يمكن استحى انه يقولج المفرض انج تفاتحينه وتساعدينه وتكونين جنبه بضيقته

الله يهديج رديله وخليج معاااه ووقت العمليه عنده حرام هالشي مو بيده

موووووفقه

 

[غرام القمة]

مثل كلام اللي فوقي الله يهيدج هذا زوجج يعني اذا ما وقفتي معاه هالوقت مافيج خير
وبعدين الزواج مو كله عسل ووناسة لازم في صبر وفيه مواقف يعني لو انتي صار فيج مرض فجاة بيخليج هو يعني بيتبري منج مثلا
يا بنات خلوا تفكيركم اكبر من هالتفاهات عموما الله يهديككم

 

[jnan]

انا خايفه من المستقبل شسوي وشنو بيكون مصيري !!! وإشلون عالانجاب
رحت بيت اهلي لان غبا عني وخلا امه تصارحني

 

[احلى ديما]

من صجج خليتي الريال بهالظروف حرام اكيد ماقالج عنده أسبابه عالاقل نطري بعد العملية وسئلي الدكاتره عن حالته ذيك الساع اذا.طلع.يأثر عالانجاب والا عليج هديه !!!

 

[_ظل الياسمين _]

الله يهديج حبيبتي ...
شلون طاوعج قلبج وخليتي ريلج لو شنو كان فيه...
وبعدين المثانه شنو لها علاقه بالانجاب ..!!
وبعدين انتي نفسج ضامنه انج مافيج شي ميه بالميه
اذكرى الله ووحى لريلج وشيليه بعيونج هذا وقتج
ماتدرين المريض شلون نفسيته تكون واهو بعمره مابينسي
لج وقفتج معاه والعيال رزق من رب العالمين موبيد احد..
روحي لريلج وطمنينا عليه.

 

[أأأميرة الورد]

المفرووووض الوحده توقف يم زوجها ومو حلوه جذي قدام اهلج واهله تفضحين الريال


الله يهديج بس

 

[عيون^^زوجها]

حبيبتي مايشوف شر المفروض تقوفين معاه وترفعين معنوياته وةةتفهمين منه كل شي قبل ماتهدين البيت لان اهو حييييل محتاجك باهالوقت

 

[sosowaty]

و عليكم السلام

ريلج عور قلبي

المفروض توقفين يمه مو تحرجينه

و لو وقفتي يمه بتكبرين بعينه و مراح ينسا هالموقف منج

و الورم مو معدي

الله يهديج

اكيد بيخش عنج توكم ما صارلكم شهر يمكن يستحي

 

[رضاهم جنه]

أنا مع كلام البنات كسر خاطري يوم قالت امه منهار روحي بيتج وأوقفي مع زوجج هو محتاج لج وبعدين اذا شالوا الورم تشوفين اذا يأثر والا لا

 

[t.o.o.ot]

الحرمة ما يبين اصلها وتربيتها الا بهالظروووووف خليج معاااااه ولا تهدينه وهذا امر الله مو بيده الله يشفيييييه يارب

 

[ملاك ^ الحب]

شوفي حبيبتي من تزوجت وانا ابي عيال والعيب من زوجي وظليت معاه ٧سنوات واشجعه على العلاج لين ما الله كتب ويبت بنوته وبعدين ردت حالته مثل اول
وبعد اربع سنوات من عمر بنتي الله يخليها لي ويحفظها حملت والحمد الله

يعني ١١سنه راحتمن عمري وانا ماعندي الا بنت والحين حامل واقول الحمد الله يارب هذا كتبت رب العالمين

ما يخالف روحي حق زوجج وفهميه انج ماتقصدين انج تطلعين من البيت
وقوليله راح اقوف معاك لو شنو صار

ترى نص العلاج الكلام الطيب وراحه البال والنفسيه الحلوه

 

[حآلية الذوق ~]

حبيبتي الي سويتيه غلط هذا ريلج انتي سترره وغطااه مثل مااهوا سترج وغطاج
ومفروض توقفين وياه. وتساعدينه يكفي ان فيه ورم مو عارف خبيث ولا حميد واكيد ماكان يبيج تحاتين

واذا علي اليهال ترا ناس مافيهم شي وربي ماكتب لهم الذريه وناس فيهم امراض ورزقهم
والله يشافيه

وعقب ماتمر السالفه سالي ياثر ولا لا

حرام تتركينه وهو بهالحال ترا اهم شي طيبه الريال واهتمامه ياما ناس عندهم كوكش يهال والريال لا حاط لها قدر ولا احترام

والي صبرت علي ريلها ربي رزقها باحسن الذريه

مثا ماقالت الي قبلي نص العلاج الراحه والكلام الطيب

لاتصيرين انتي والزمن عليه

 

[((غلاي))]

حبيبتي الي سويتيه غلط هذا ريلج انتي سترره وغطااه مثل مااهوا سترج وغطاج
ومفروض توقفين وياه. وتساعدينه يكفي ان فيه ورم مو عارف خبيث ولا حميد واكيد ماكان يبيج تحاتين

واذا علي اليهال ترا ناس مافيهم شي وربي ماكتب لهم الذريه وناس فيهم امراض ورزقهم
والله يشافيه

وعقب ماتمر السالفه سالي ياثر ولا لا

حرام تتركينه وهو بهالحال ترا اهم شي طيبه الريال واهتمامه ياما ناس عندهم كوكش يهال والريال لا حاط لها قدر ولا احترام

والي صبرت علي ريلها ربي رزقها باحسن الذريه

مثا ماقالت الي قبلي نص العلاج الراحه والكلام الطيب

لاتصيرين انتي والزمن عليه

كلامها صح

لكن اذا كان فيه المرض من قبل لاتتزوجون كان المفروض انه يعلمكم
الله يشافيه

 

[مناوووي]

الله يهديج


انا مع البنات


عسي ربي يشافيه


ويسخركم لبعض


طمنينا عليج

 

[ناتشوو]

الله يهديه
هو فعلا غلط ماقالج
بس ماتدرين شنو اسبابه؟
الحين
رايي ردي
وشوفي الوضع
ويارب يطلع بالسلامة
وناقشيه وعاتبيه واعرفي منه اجوبه لكل اسإلتج

 

[granted]

ردت فعلج تفشل الصراحه
هذا انتي من اول موقف صعب واجهتوه ببدايه حياتكم الزوجيه ماطلعتي قدها ووقفتي معاه
على اولج شلتي قشج وعلى بيت اهلج!!!؟

 

[عيون مبارك]

بسرعه كشفتي نفسج

 

[ناتشوو]

اشلون كشفت نفسها
واشلون معدنها ووقفتها
تخيلو العكس
لو وحدة فيها ورم بالمبيض ولا الرحم ولا اي مكان
ومو معلمة الزوج قبل الزواج وبالصدفة يكتشف؟
مابينهم عشرة ولا هو مرض فجأة طلع علشان يبان معدنها
اوكي تقول طيب وحنون بس خش عنها شي مهم المفروض تدري عنه قبل لا تتزوج
وهي تقرر تستمر معاه او لا
فالوحدة تحط نفسها مكان الاخت قبل لا نجاوب

 

[jnan]

أنا ما طلعت من البيت ليش فيه المرض كثر ما زعلت ان خاش علي ومو قايل لي
ولما عرفت وواجهته ما رد علي ولا بشي ظل ساكت والله أنا احبه وابيه وتمنيته من زمان يكون زوجي او زوج المستقبل بنفس مواصفاته
بعدين امه اتصلت وقالت واحلفت ان ما يدرون قبل الزواج بس من جم يوم وراح مع نسيبه بروحهم المستشفي والإشاعات لما شاف الأعراض اللي حاشته
عقبها يه اهوا وامه واقعدو يتعذرون واللي ابيه اهم حاضر ولحنا كنا ومازلنا اهل مافيها شي دام من حقي
رحت معاه المستشفي وشفنا دكتور التخدير والدكتور اللي بيسوي له العمليه
وقال إحنا للحين مو عارفين نوعها
بس حجمها صغير كبر الزيتونه والسونار غصب لقطها بس هالورمه مو يديدة
وتحاليله زينه تطمن بالخير
وان شا الله يكون ورم حميد
عاد نوموه عندهم مع اخوه العود
وباجر عمليته والله كريم
دعواتكم له