أنا قطرية بازور الكويت ؟؟؟

[سارة قطر]

السلام عليكم يا كويتيات أنا طبعاً في منتداي الغالي وأنا من نيكي مبين من قطر العز وإن شاء الله إذا الله كتب بزور الكويت الغالية الفترة الجايه بس بغيت منكم تساعدوني وين ممكن ألاقي جلابيات كشخة هدايا للأهل والصديقات وسعرها معقول ويين محلات للشنط والإكسسوارات ومحلات الأطفال الماركة وشنهو المجمع التوب عندكم ؟؟؟؟ أدري ثقلت عليكم بس أبيكم تساعدوني وأول ما أوصل الكويت بدش المنتدى عشان أقولكم أني بينكم يمكن أكسر خاطر وحده فيكم وتجيني تلففني الديره ههههههه؟!!

 

[mahawe]

هلا فيج بين أهلج وحيالله بنت قطروأذا على الاماكن الي أعرفهم عندج الافينيوز ومالاينا مول والفنار وسوق شرق ومجمع الكوت وووين بعد أذا حق الدراعات عندج مجمع الاوقاف ووووووبعد شنوووو والله وايد اماكن وأنشالله البنات بعد يفيدوونج

 

[سارة قطر]

أختي mahaweمشكورة وفعلاً نورتي موضوعي وأبي الكل يساعدني

 

[LoOoLy]

حياج الله بالكويت يا سارة انحطج بعيونا بس انتي تعالي و انشاء الله بتستانسين .. بالنسبة حق الدراريع (الجلابيات) في مجمع الاوقاف و اسعارهم هناك تتفاوت بين الغالي و المناسب , و الشنط موجودة كل مكان انتي شنو نوعية الشنط اللي تبينها ؟؟ و تبين ماركات حق اليهال مجمع الراية في ماركات وايد و مجمع زهرة والمهلب ( محل اسمه لحظة من فضلك ) و المجمعات التوب وايديين ( الافنيوز - سوق شرق - الصالحية - الراية - مارينا مول- الفنار ) و ترى في اماكن وايد حلوة بالكويت و اتونس انشاء الله بتستانسين عندذنا

 

[الزيزفونه]

:q8:هلا اخت حياج الله بلادج الثاني اقدر افيدج ان شاء الله بنسبه للدراعات حق هدايا الفروانيه مجعات الحمرا مول +العربيد بلازا+(العربيد كله دراريع نواعم بس تفصال)مايطول التفصال 3ايام تقربيا اما اشنط وملابس الاطفال مثل ما ذكرت الاخت mahawe المجمعات

 

[فروحة الكويتية]

اي شي تبينه انا حاضرة

 

[بنت الكـويت]

حياج الله اختى قطريه الديره ديرتج راح تستانسين وايد انشالله بى ديرتج على موضوع الدراعات والجناط تعالى عندى 3 محلات بسوق شرق انشالله تحصلين الى تبينه بى اسعار حلوه حق اهل قطر تستاهلين انشالله كل خير يا بنت قطر لكم وحشه منى .......................................................................اللهم إني أستغفرك وأتوب إليك
سبحان الله وبحمده سبحان ربي العظيم
اللهم صلي وسلم على سيدنا محمد

 

[zooona]

حياج الله يالغاليه بديرتج الكويت الحبيبه ... وانا حابه اتعرف عليج .. [email protected].. احلى اماكن فى الكويت للدراعات قى مجمع الاوقاف والهدايا .. عندنا المهلب بحولى .. وبعد الكوت والمنشر بالفحيحيل .. وتري وايد مجمعات بالكويت الله يعينج على الفره وتشرفنا فيج فديتج .....

 

[Ice CreaMa]

يا هلا ويا مرحباااااااااااااااااااااااااااا هلا وغلااااااااااااا

حيااااااااااااااااااااااااااااااااااااج

بينااااااااااااااااااااا

 

[بسمتي]

جياج الله في ديرتج الثانية الكويت أنا عندي صديقة من قطر وإذا زارت الكويت دايما تروح لمجمع العربيد تفصل دراريع وخلال ثلاثة أيام تستلمها موديلاتهم وايد