أنا مش أنانية

[حلوة ومتينة]

السلام عليكم يا متزوجات
حدي طااايحة في مشكلة .. واحس انه مالها حل :eh_s(16):....
طبعا مشكلتي رفيج زووووجي
من فترة هذا الرفيج انفصل عن زوجته وطبعا ناشر غسيله عدل مدل يعني قايل حق زوجي كل اللي يصير بينهم بالتفصيل....
مو هذا موضوعي...
اللي حارني انه واايد الحين مع زوجي مو مثل اول كل ساعة يدق عليه وينك وين بتروح ويتسلط علينا اذا رد زوجي من الدواام تعال تغدا معاي .. تعال نشترك في نادي..تعال الديوانية عندي ....الخ لين وصلت فيه انه يتسال شقاعد تسوي الحين ... لا والادهى انه يا الشقة عندي انا و زوجي وعيالي وشقتي صغيرة كلش... تسمت حروة الساعتين ..بس جذي يبي يسولف مع زوجي....خرب حياته الحين يبي يخرب حياتي مع زوجي ... زوجي مو راعي سهر ولا دواووين ولا ولا هالاشياء الحين لي قتله وينك انا في ديوانية فلان ....ويقعد لي تالي الليل يرجع وطبعا اذا قتله لي عليك حق انا واليهال رد علي حمدي ربج انا ما اسهر مرة بالسنة اسهر وانا الغلطان اللي ما علمتج من البداية على طريقتي اني اسهر باديوانية و اطلع مع ربعي لااااا والحين هاب لي هبه يديده بسافر معاهم
تكفون انا على حافة الانهيار ....لا انا منهارة وااايد وجم مرة قاعدة افكر بشكل جدي بالطلاق
زوجي الحين ما يرد البيت الا حق النوم حق باجر الدوام بس غير هذا ما اشوفه ... وعياله ماله خلقهم مثل اول....ساعدوني بلييييز شورو علي شسوي
جم مرة فاتحته بالموضوع .. يعصب ويقول انا مو شايف اصلا انه فيه مشكله انا الوضع عاجبني جذي لااازم تعودين نفسج انه هذا برنامجي من اليوم ورايح!!!!!!
ساعدوني ارجووووكم يا متزوجات ..اكلم اهلي ...اخاف تكبر المشكلة وابوي بعد عمري راعي سكر ما ابي اغثه ..اكتم بقلبي والله انه حايشتني حالة اكتئاب مو طبيعية ...بس ابجي بالساعات بغرفتي ولما اروح بيت اهلي يلاحظون علي التعب احاول اني ما ابين لهم بس لي متا الحين طارلي 4 شهور على هالحالة وما اتوقع اقدر اكمل
عفيه اذا في منكم وحدة مرة بنفس ظرفي تقولي شنو سوت وتصرفت .... بنات انتوا حطوا نفسكم مكاني شتسووون .... انا مو أنانية بس هما ابي زوجي يحس فيني..مو كله ربع مو كله طلعه
بليييييز ناطرة ردودكم

 

[جودي 130]

الله يسخره لك ولعيالك ومالك الا الدعاء والله يكون بعونك ياحياتي

 

[lolab]

حبيبتي انا اشوف انج وايد امبالغه بالمشكله كل الرياييل جذيه يعني تبينه ٢٤ ساعه بالبيت انتي قلتي انه بس هلفتره يعني من عقب ماصار رفيجه فاضي فمرده بخف شوي شوي عن هالرفيج وبطخ وبتصير طلعاته اخف ونصيحه لاتحنين واتحسسينه انه الي قاعسويه شي منكر وغلط واهوه امقصر لا بالعكس خليه شوي افج عن البيت لين يوله وبرد اهم شي انه ماعنده خرابيط والباجي كله اهوون وبعدين اشياب الطلاق على بالج؟ من صجج؟ الله يهديج بس

 

[ScarletteO'Hara]

شدعوة توصلينها للطلاق كبري عقلج ترى مشكلتج مو كبيرة
ريلج اشوف تصرفه طبيعي اغلب الرياييل جذي بالدواووين
و لا تحطين بذمتج من ناحية رفيجه شدراج بيخربه؟
الريال اكيد ضايق خلقه بعد ما طلق و ريلج مو مقصر معاه خليهم مع بعض هالفترة لا تصيرين انانية
تتوقعين شنو الحل انج تربطين ريلج يمج عشان ما يشوف احد غيرج؟ الريال هم بيقعد مع ربعه
و الله يزاه الله الف خير ان توه يبلش بطريج الدواوين غيره من اول يوم يعد العرس هذا سستمه
عموما انتي اذا طلع بالبيت لا تقعدين تاكلين بعمرج شغلي نفسج مو معقولة حياتج كلها متعلقة بريلج
طلعي
روحي بيت اهلج سيري عليهم
رتبي بيتج
و قعدي معاه اتفقوا على جم سوم من الاسبوع يخصص لج يوم تطلعون فيه و تستانسون
و يوم ثاني حقكم كلكم انتوا و عيالكم
بس سالفة الحنة و الرنة عمرها ما تنفع بهذي المواقف بيعاندج و يطنش فيج اكثر

 

[Tulips]

الله يعينج الصراحه ..

شوفي ترا مشكلتج ابدا ابدا مو حلها الطلاق .. فمسحي هالفكره من بالج موووليه

يمكن الريال شايف انه وناسته مع ربعه .. يمكن روتين حياتكم ملله .. انتي حاولي تكسرين هالروتين .. غيري شوي بالشقه حاولي تكثر قعداتج معاه بروحكم بدون اليهال .. عزميه بره .. انتي سوي نيولوك بشكلج مو بس عشانه عشانج انتي ترا وايد يلعب هالشي بالنفسيه .. والاهم من كل هذا شغلي نفسج باي هوايه او بعيالج او ايا كان .. يعني لا تركزين على وجوده فالبيت وايد .. وترا الريال متى ماحس انه مرته تبيه معاه 24 ساعه على باله تبين تحبسينه فاهو يخاف من هالفكره فتشوفينه كله بره البيت .. قوليله خصص لنا يوم بالاسبوع تطلعنا فيه انا واليهال .. وعسى الله يسخره لج ويبعد عنه اصحاب السوء

 

[جنون الغيم]

اشغلي نفسك روحي اهلك صديقاتك يعني لاتربطين نفسك فيه
ع طول وهو اذا حس انك انشغلتي عنه
اكيد بيتغير شوي
وهذا طبع اي رجال لازم طلعات وارتباطات مو مثلنا
اغلب وقتنا في البيت ونبغاهم جالسين معنا

 

[iLLuMinaTion]

الله يعينج

 

[تفاصيل الغرابه]

عليج بالدعااااء والله وااايد رياييل تغيرو بسبب دعاء زوجاتهم لهم واولهم زوج اختي
كانت تدعي له فكل وقت حتى فالسجود والحين ماشاء الله تبارك الرحمن مرتااااحه معه وماتشكي ابد من تصرفاته
الله يسخر لج زوجج ياااارب

 

[عروس فبراير]

بصراحه ما اشوووف اكو مشكله
عااادي كل الريياايل يحبون الديوانيات والروحات والردات والقهااوي
حبي لا توصلين السالفه للطلاق ترى الموضوع ما يستاهل
بس الشي الي حسيته مشكله السفره مع الربع ما احب ريال متزوج يسافر مع ربعه << مادري اذا البنات معاي بالنقطه ولا لا

 

[عاشقة هواك]

الله يسخره لج

 

[Seriously!!]

ياقلبي لاتفكرين بالطلاق هاي يسمونها مطبات الحياه الزوجيه
الحل الاول:
1-لاتحنين علي كلش ولاتدقين عليه خله اهو يدق ويسال
2-اول مايوصل استقبليه بابستامه كلش لاتفتحين الموضوع

الحل الثاني وارشحلج اياه احسن من الاول:
في وحده في المنتدى مرت بنفس هالحاله تقول كنت اسهر ان شاء الله لين 3 الفجر واتفنن باللبس والميك اب واقص فاكهه وذاك الحلو بس عشان ماتندقرين دزيله مسج مثل (حبيبي وحشتيني ,,شرايك الليله تسهر معاي؟) يعني دزيله على شكل سوال عشان ايج الرد وماتندقرين وحطي لج موسيقى رومانسيه..على حسب كلامج من زمان ماقعدتو مع بعض الا وصراخ وهواش على هالسالفه فـ الغيها واياج تخربين ليلتج واتيبين طاري رفيجه لان انتي جي بالنسبه له بتدخلين فـ ربعه ..خلج ذكيه وشوي شوي هو بيطخ
ويارب تتحسن اموركم والله يهديه ويسخره لج حبيبتي

 

[احلى من القمر]

الله يبعد عنكم عيال الحرام

 

[Al-RoRo77]

وعليكم السلام ورحمة الله وبركاته
من صجج اتفكرين بالطلاق؟ تعوذي من الشيطان الله يهديج عيل شخليتي حق اللي ريلها يخونها واللي مشكلتها مع ريلها اكبر من مشكلتج ؟!!!!!
كثري استغفار ودعاء وتعوذي من الشيطان وفهميه انج تبينه يمج واليهال يبونه باسلوب حلو مو جنج اتحدينه او تهددينه علشان لا يعاند
وع فكره انا معاج انج مضايقه بهالموضوع من حقج بس لا تخلين السالفه توصل للطلاق وان شاء الله ماراح يتم ع طول جي مرده بيمل ويحن للقعده معاج انتي وعيالكم
الله يهديه يارب

 

[Freakya]

أول شي شيلي الطلاق عن بالج نهائيا

ثاني شي اللي تقول السالفة ما فيها شي لا فيها شي و نص بعد

يروح دوانيات و طلعات و قهاوي مع الربع وما يرد البيت الا للنوم ليش حظرته عزوبي؟؟ ولا قاعد بفندق ؟؟

حبيبتي مالج الا الدعاء و انج تتفاهمين مع ريلج بكل هدوء

 

[ELFAD3Ah]

الله يهديه يارب

 

[miss_whitemocha]

الريال يحب يكون حر..متى ما حس إنه مرته بتقيد حريته يحاول يطير أكثر و أكثر..
المراد,, سكتي عنه و خليه براحته..مرده لج ولعياله و بيته..​

 

[Tom ♥ Jerry]

,


من صجج تتطلقين !
حبيبتي هاذي كلها فتره و تعدي
بآجر رفيج زوجج يتزوج و يرجع مثل أول
يعني ليه تطلقتي باجر آهوة يتزوج و زوجج يتزوج بعد
وآنتي الي رآح تخسرين ،
الحين قوليله طلعنآ يووم بالاسبوع على الاقل
و لا تضغطين عليه .،
ترا رآح تخلينه يشكي حق رفيجه و رفيجه رآح يمدحله حياه العزوبيه
لا توصلينه لـ مرحله آنه يتأذى منج
خليه على رآحته و قد مآ تقدرين خليه مستانس وياج :*