أنا من السعوديه وأبغى مسآعدتكم في زيارتي لديرتي الثانيه الكويت ..

[Layal ..]

السلام عليكممم ..
كيفكم !!*




بس بغيت استفسر !!*
1- احتفال هلاآ فبراير متى بدآيته ومتى نهآيتهه !!*
2- هل فيه حفلات غنائيهه ومسرحيات في هلا فبراير ووين !!*
3- الفعاليات في هلآ فبراير وين ومتى تبدأ !!*
----------------------------------------------
4- افضل مطعم للريوق مين !!*
5- محل سابليه وين موقعه !!*

عذراً على الإطآلهه ..
وشكرآآآآ مقدماً .. 3> ​

 

[لآلئ الكويت]

1 و 2 و3 مادري

اما احلى اماكن ريوق

عندج مطعم البلد
عندج لونوتر
عندج برايم اند توست البدع
ووايد بعد

واماكن سابليه موجود بوايد اماكن
بوايد جمعيات
موجود بالسالميه
موجود بجمعيه مشرف
موجود بجمعيه الخالديه

حاليا هذيله الافرع اللي بمخي
واهو موجود بمليون مكان غيره


حيااج الله

 

[Roty]

حبيبتي حفلات هلا فيراير راح تبدي بتاريخ 4/2 اتوقع
وموجوده بصاله التزلج

ينتهي هلا فبراير باخر شهر فبراير

عاد الفعاليات وين تبدي والله مادري اصلا كل سنه ما يقولون وين الفعاليات الا اذا حصلتي لبروشور مال الفعاليات
غير جذي انا بنت الديره مادري وين الا اذا شفنا بالتلفزيون

 

[lonty]

اولا حياج الله اب بلدج الثاني الكويت
انا متاكدا راح تستانسين انشالله بالكويت و خصوصا اب فبراير
المهم (سابلية) موجود اب اغلب الجمعيات و في بالسالمية
(جمعية السرة و جمعيه مشرف و بالجابرية بس مو بالجمعيه مادري اذا في ثاني بالجمعية)عمووما هذا رقمهم 24832070
المهم و فعاليات هلا فبراير راح تطلع بدعايات و الحفلات جدول ابينزل كل سنة في فبراير ما ينزل قبل
و (روحي المجمعات دائما يكون في فعاليات عندج الافينيوز و سوق شرق و المرينا و البيرق و الكوت و الراية و مجمع 360)هذيلي مجمعات معروفة و قديمة بس الافينيوز فية توسعه اليديدة عندج (الاولمبك و ميسوني و الاحمرا)بس ترا مووو كلهم مفتوحين المحلات (تبين فندق خيالي )عندج ميسوني اينن صراحة بس الشوي غالي بس موووووووووايد اهبل على الاقل قعدي في يوم واحد او دشي اكلي بالمطاعم الي فية لانة الفندق اينن و عيالي و مووو طبيعي والله شي ما تتخيلينة


(مطاعم الريوق)
عندج كفية بزة(في اب منطقة بنيدر القار و عندج اب جمعية الشامية) و عندج مطعم البلد صراحة حدااااااااا لذيذ و قعدتة خياااال شي مو طبيعي (اب دسمان يم برج الوطنية) و عندج جوكلت بار(في بالبدع و اب مرينة مول و بالافينيوز و بسبونز) و عندج زيت و (زعتر بالمرينة مول و في بالافينيوز) و عندج شاي و نعنع اب (شرق) و عندج مطعم السوليدير ريوق لبناني بس موووو صج صراحة لذيذ هذا (بالفنطاس)
و الله اذا ذكرت اي شي راح اقولج انشالله بس اني جم يوم قاعدة ؟؟
و اذا تبين مطاعم غدا و مطاعم حلويات احسن و اكشخ من سابلية من اعيوني و اي شي تبين تعرفينة عن ديرتج الثانية الكويت انا مستعدة اساعدج
و انشالله تقضين وكت حلو بالكويت
مع السلامة

 

[FJ style]

انصحج ف بوفيه مطعم عبدالوهاب عالبحر
ريوقهم يونس
لونتر قريب منه بعد حلو

في مطاعم بالمارينا عند البحر ريوقهم حلو والقعده حلوة بهالجو

 

[إحسسسآس]

اولا ياهلا ومرحبا فيج بديرتج الثانيه الكويت
حياج الله بتنورينهــا وان شاء الله مانقصر معاج بشي
وأي شي تبينه لايردج الا لسانج

ثانيا /
في مسرحيه اسمها شاليه بنيدر توني شفت دعايتها بالجريده

الممثلين اللي فيها هند البلوشي و مرام و احمد الفرج
ويمكن تنزل مسرحيه طارق العلي اللي سوآهآ بالعيد اللي طاف
وبالنسبه للحفلات الغنائيه في شكثر من اول يوم تبتدي وعلى فترات
وفي حق اليهال حفله لفرقه طيور الجنه تاريخ 11 فبراير
وفي أيضا امسيات شعريه اذا تحبين الشعر

واحتفالات فبراير بالضبط تبتدي من بدايه شهر 2
والتنزيلات بتكون بأغلب المجمعات : )

من ناحيه المجمعات عندج الافنيوز و 360 و الرآيـه والمرينا والبيرق
و الفنار والمهلب والكويت وسوق السالميه واجيال وكويت ماجيك وشرق
وضروري تروحين سوق المباركيه سوق شعبي قديييييم راح تستانسين فيه
ولاتنسين تشترين منهم الحلوى والرهش والدرابيل من محلات الحلويات اللي هناك

المطاعم كثيره البنات ماقصرو وجربي بعد مطعم فريج صويلح اكلهم لذييييييذ

وارشح لج فندق النخيل أو الموفنبيك بالبدع و مسيوني كذلك لايعلى عليه

بس على فكره سابليه اللي ذكرته lonty عباره عن محل حلويات وفطاير
مثل الخباز والفيصل .. الخ

حيآج الله ياقلبي

 

[عذرك سمين]

مااااااا قصصصرؤا معاج البنات ..

ؤحيااااج الله بديرتج ال2 ..

 

[مظلومة حيل]

ما قصروا البنات وحياج الله بديرتج الثانية الكويت و بتنورينا

 

[((غلاي))]

ماقصروا البنات
بس هلا فبراير بدا حياتي امس

 

[درة أهل الطولات]

لازم اتيين الكوت مجمع عجيب