السلام عليكم ورحمة الله وبركاته
هذه اول مشاركة لي وأتمنى انكم تفيدوني
أنا عمري 26 سنة و طول عمري أشوف ابوي أحسن ابو في الدنيا الله يخلي لي ويطول بعمره ان شاء الله علاقتي في كصديق أكثر من ابو اكلمه بكل شيء و هو أقرب لي من امي أقول أشياء مستحيل أقولها حق أمي
مشكلتي ان في اخر ثلاث سنين صاير وايد يقط علي كلام يجرح شعوري يمكن انتوا تعتقدون اني دلوعة وايد
اهو صج أنا حساسة بس.... ما أدري
يعني أنا طلعت من الجامعة ورحت تطبيقي وهو مو عاجبه لان يعتقد ان الدراسة الجامعية أهم وان الي يتخرج من المعهد انسان فاشل ومن هذاك الوقت وهو يكلمني بطريقة مزعجة
وايد يقولي انت ما عندج شخصية انت عقلج صغير
أنا ما أرد عليه و اذا قال كلمته انطر الليل ادخل غرفتي و ابجي
انا ادري يبي مصلحتي لان انا ما أطلع من البيت وايد وخواتي وايد يطلعون وأنا اقعد بروحي بس شسوي ما عندي احد احتك معه أنا عندي صديقات بس كلهم متزوجات وأنا ما أقدر اقولهم يلا نطلع لان مشغولين في بيتهم وعيالهم وحتى مرات أقولهم خلينا نطلع أو تعالوا بيتنا ما ييون دايما يعطون اعذار ف أبوي على باله انا وحيدة وما عندي صديقات
و ما عندي الا عم واحد وبناته ما تعجبني قعدتهم يحوشني حاله من الملل معهم كل حجيهم عن الخدم و الزواج أو الحفلات والعزايم وانا ما حب هالسوالف
انا ما احس اني ماعندي شخصيه بس أحب أساعد الناس خصوصا القراب مني بس يعني مو طول الوقت أو انهم مستغليني
وبديت شوية اصدق ان عقلي اصغر من لاني للحين مو متخرجة وفي من صديقاتي اصغر من في العمر و اهتماماتي اهتمامات مراهقين
هل تعتقدون ان صج الشخص الي ما يحتك بالاوادم يصير عقله صغير ؟؟
شلون أعرف اذا صج انا ما عندي شخصية ؟
على فكرة مو غرور بس انا أعتقد اني وايد انسانة زينة واحسن من خواتي بس ابوي الله يهديه وايد عنده اني انا صرت غبيه وما افهم
هذه اول مشاركة لي وأتمنى انكم تفيدوني
أنا عمري 26 سنة و طول عمري أشوف ابوي أحسن ابو في الدنيا الله يخلي لي ويطول بعمره ان شاء الله علاقتي في كصديق أكثر من ابو اكلمه بكل شيء و هو أقرب لي من امي أقول أشياء مستحيل أقولها حق أمي
مشكلتي ان في اخر ثلاث سنين صاير وايد يقط علي كلام يجرح شعوري يمكن انتوا تعتقدون اني دلوعة وايد
اهو صج أنا حساسة بس.... ما أدري
يعني أنا طلعت من الجامعة ورحت تطبيقي وهو مو عاجبه لان يعتقد ان الدراسة الجامعية أهم وان الي يتخرج من المعهد انسان فاشل ومن هذاك الوقت وهو يكلمني بطريقة مزعجة
وايد يقولي انت ما عندج شخصية انت عقلج صغير
أنا ما أرد عليه و اذا قال كلمته انطر الليل ادخل غرفتي و ابجي
انا ادري يبي مصلحتي لان انا ما أطلع من البيت وايد وخواتي وايد يطلعون وأنا اقعد بروحي بس شسوي ما عندي احد احتك معه أنا عندي صديقات بس كلهم متزوجات وأنا ما أقدر اقولهم يلا نطلع لان مشغولين في بيتهم وعيالهم وحتى مرات أقولهم خلينا نطلع أو تعالوا بيتنا ما ييون دايما يعطون اعذار ف أبوي على باله انا وحيدة وما عندي صديقات
و ما عندي الا عم واحد وبناته ما تعجبني قعدتهم يحوشني حاله من الملل معهم كل حجيهم عن الخدم و الزواج أو الحفلات والعزايم وانا ما حب هالسوالف
انا ما احس اني ماعندي شخصيه بس أحب أساعد الناس خصوصا القراب مني بس يعني مو طول الوقت أو انهم مستغليني
وبديت شوية اصدق ان عقلي اصغر من لاني للحين مو متخرجة وفي من صديقاتي اصغر من في العمر و اهتماماتي اهتمامات مراهقين
هل تعتقدون ان صج الشخص الي ما يحتك بالاوادم يصير عقله صغير ؟؟
شلون أعرف اذا صج انا ما عندي شخصية ؟
على فكرة مو غرور بس انا أعتقد اني وايد انسانة زينة واحسن من خواتي بس ابوي الله يهديه وايد عنده اني انا صرت غبيه وما افهم
