أنتـــي كويتيه دشي هنيه عيل

[أفديت ريلي]

سلاام عليكم خواتي اشحالكم

انا من :3lm1:

وخاااااااااااااااطري اسير الكويت ودوم اشوف افتتاح هلا فبراير ونفسي احظره بس للاسف كنت في ماليزيا

ويلست احن ع ريلي عشان ايبني ديرت الكويت الحبيبه اللي هي ديرتي الثااااااانيه وخاطري حد يسويلي جدول حق 3 ايام

وين انقضيها فالكويت ع فكره هاي اول زياره لي للكويت حقي انا وريلي وابا الكويتيات الشاطرات اللي عندهم اماكن فنتكيه

يخبروني وين اسير عشان ريلي مايعايرني ويعرف انه الكويت حلوه دوم يقول الكويت مافيها شي حلو اتسيرين له

انا اقوله كلااااااااااااا الكويت حلوه وايد ويسدك جوها اللي اكثر من الحلو

عشان جيه اعتزيت فيكم اتخبروني الاماكن الزينه عشان يوم ارد الامارات مايقولي شفتي قلت لج الكويت موب حلوه

بلييييييييييييييييييييييييييز لاتبخلون علي بالاماكن بنسير يوم الاثين ان شاء الله الياي

شدوا الهمه يا كويتيات

:bye22:​

 

[أفديت ريلي]

نسيت اقولكم مابي مابي سوووق محد يقولي سيري السوق الفلاني
عييييييزت من الاسوقه

4 مشاهدات ولا رد

 

[بدور الربيع]

هلا ومرحبا فيج
انشاء الله اييبج ريلج ويغير رايه وتنورون بلدكم الثاني
والامارات بعد ماشاءالله تهبل وما ينمل منها وتوني انا وألأهل يايين من دار الحي
طبعا احلى الطلعات عندنا بالكويت اهي المجمعات
لانها تسوق وترفيه بنفس الوقت
بعطيج أحلى الأماكن عندنا وعليج الجدول
مجمع الأفنيوز طبعا مجمع كبير وفيه تسوق ومطاعم وتمشي وفيه ماجيك بلانيت حق اليهال
ومجمع 360 اذا تبين تشوفين فيلم سينما روحي له لأنه هادي وحجزي فيلم my name is khan أو فيلم spy next door
حق جاكي شان اذا تحبون تشوفون فيلم سينكسيب
وعندج مطاعم على أفى من يشيل
روحي المطاعم الي عالبحر وعندج مطعم ميس الغانم علبحر بعد عائلي اذا ريلج يحب مطاعم عائليه
وقسم السياحه في وطني كاتبين البنات عن اغلب المطاعم والطلعات في الكويت
وروحي مارينا مول بس مو بالاجازه لانه زحمه وهناك فيه جسر زجاجي يوديج على المارينا كريسنت، فيه قعدات ومطاعم وكافيهات وتمشي علبحر والمجمع بمنطقة السالميه
وعندج بعد طال عمرج المركز العلمي حلو حق الكبار ولصغار وعلى البحر بعد وفيه جم مطعم والاكواريوم واقسام تونس لج واذا عندج يهال
وروحي مخيم هلا فبراير يقولون حلو ويونس وقريب من مجمع 360
انشاءالله بنروح له هاليومين
وفي بالفحيحيل مجمع الكوت وحلو كافيهاته والنافوره
وعندج حديقة الشعب كلها ألعاب وجم مطعم
وهذا الي في بالي الحين وانشاءالله قدرت اعطيج احسن الأماكن في الكويت
واذا تبين مطاعم راقيه تقدرين تبحثين في راي البنات في هالقسم
وحياج حبيبتي في بلدج الكويت

 

[أفديت ريلي]

يسلمو يا عمري انتي

 

[كويتيه رزتها ملكيه]

بعد قلبى ودى اااساعدج بس واااااااااااايد ااماكن فنكيه عندنا بالكويت اااخذيلج فره على المنتدى وشوفى الاماكن السياحيه الى واايد فنكيه وكول وبتعجبج

http://q8yat.net/forumdisplay.php?f=165


هالقسم بيسااعدج واايد اانا كويتيه وهالقسم وايد نفعنى

 

[فديت روؤحي]

حيـآج اللــه ياقلبي بديرتكم الثـىنيــه ,,

ومثـل ماقالت بدور الربيــع ماقصرت وروحوو بعــد فييلجـأآ بطراد تـآأجرون من الكشك اللي مجابل مرينـآ

ورووحي الافنيووز مجمع بس يهبل مطااعم ومحلات وفاجين صوب جديد نافوره وقعدات لاتطوفكم ومروو الابـرآج =)

وووبعد شنو اصلا احلى مافي الطلعه المجمعات مادري ليش ماتبينها

 

[رمز الموده]

هلا حيبتي حياج الله بديرتج الثانيه

عندج المنتزهات وروحي المدينه الترفيهيه روعه وحديقة الشعب واحجزي شاليه لج بالخيران او اي منتجع ثاني تستانسن فيه انتي وريلج رورحي صالة التزلج روحي البحاره وناسه اذا عندج يهال

 

[tolay]

http://www.q8yat.net/showthread.php?t=583191


ان شاءالله هالرابط يفيدج

 

[أفديت ريلي]

مشكووووووووووووورين وايد

 

[kity]

البنات كفو ووفوو

وهلا فيج اختي بديرتج الثااانيه

عاد بعطله الربيع رحنا دبييي وصج لي قالوا دبي دار الحي

شووفي الكويت اغلب شي فيها مجمعات

روحي المرينا مووول واايد حلوو

روحي مجمع الأفنيوووز الي اهو أكبر مجمع في الشرق الأوسط هاذا روحي له يوم كاامل لأن كبيييييير

وروحي أكواريووووم همن حلووو في قاعه الإستكشاااف وفي الأكواريوم صوب الحيوانات وانتي بكراامه وفي بعد سينما imax حلوه

وغير هاذا الممشى الي برا حلو مسوينه

وفي وايد مطاااعم على البحر

وفي همن مجمع 360 هاذا يبيله نص يوم لأن احلى شي في السينما وانصحج تروحين مطعم مناك اسمه زهر الليمون

وهمن وحده من العضوات قالت مطعم ميس الغاانم اكله حلوو

وفي همن عندنا مجمعاات ( المهلب - الكوت - المنشر - البيرق - أجيال )

وسووق شرق همن حلوووو بس يبيله تروحين له نص يوم

وروحي حجزي بالخيران وناااسه

وروحي المخيمات


وانشالله حبيبتي اكون فدتج واي شي تبينه قولي

 

[kity]

ايييييي نسيت أذكر لج مجمع أحبه واااااااااايد " الفنــــار " يمكن بعد اذا رحتي مناك تلقيني

بس مافي بهالمجمع مطااعم في محلات في كاافيهات في سينمات

وسلاااااامتج خيتووو