أنقذوني.. زوجي يبيني أكوي له غترته مثل المصبغة

[shahoda]

السلام عليكم خواتي شلونكم....
انا محتاجه مساعده بطريقة كي الغترة والشماغ... أعرف انه لازم استخدم النشا المريتو وهالسوالف بس شلون مادري.. قبل لا أكوي والا عقب ماخلص وبس على الجفسة احط النشا؟؟؟
Please Help!

 

[صلاتي-حياتي]

ههههههههههههههههههههههه

العنوان ضحكني

سهله حطي الغتره على طاولة الاوتي بعد ما تطوينها بالنص ورشي المريتو ثم بلشي كوي وبس وكثري المريتو على المرزم عشان يوقف واقلبي الغترة على الوجه الثاني ونفس الشي وتطلع تهبل جنج توج جايبتها من المصبغه

موفقه

 

[shahoda]

لا تلوميني أبي انقاذ لانه سألني قلت له افا عليك اعرف ونص .. واكويها لك احسن من المصبغه انته بس اشترلي مريتو باجر وانا اضبطك بالكواي

شكرا عزيزتي على الرد ماقصرتي ... يعني بس رش وكوي.. هذي السالفه وانا مختبه

 

[اموت فيه]

وديها المصبغه وقصيه عليه << اشرايج فيني لوووووووووووووووول

 

[shahoda]

لا شحلاتي اوديله شغله المصبغه، مساهمه بمصروف البيت ومصبغة بعد؟ كدينا خير

 

[omajiad]

1. بعد ما تغسلينها اكويها مربعة
2. سويها مثلث
3. رشي عليها ماي بس المكان اللي بتكوينه يعني الرش بالتدريج وابدي اكوي
4. الحيين رشي المريتو واكوي مرة ثانية عليه

بالنسبة لي زوجي ما يحب اجفسها فأخليها بس مثلث

والله يكون بعونج

 

[مخروووشة]

صج وهقة

 

[بحر الرمال]

عادي اكويها و بعدين رشي عليها شوي كمفرت عشان تدوخه الريحه و يستانس و ما يلاحظ اخطاء الكوي

 

[dnyay_mll]

اول شي اكويها كامله
بعدين جفسيها على شكل مثلث
وحطي بخاخ فيه شوية كمفورت وماي
ورشي واكوي
اخر شي رشي المريتو واكوي شوي صوب الجفسات
وسلامتج

 

[حنون المزيون]

أنا خدمه زوجيييييييييييييه طاااااااااش سنه وليما ألحين ما اعرف أكوي الغتره وكاسر خاطري بصراحه عالمصبغه

أسوي نفس طريقتكم تتكسر صوب المرزم وإلا صوب المثلث لمن أجفسه ...

وعقب ما أسوي نفس طريقتكم بالضبط أرفعها ألاقي في أماكن الأوتي فيها مو شيء عيزت مو راضيه أتعلم

 

[shahoda]

يعطيكم الف عافية عالردود صراحة ماقصرتو
وبالنسبة للكمفرت مع ماي طريقه حلوة للتعطير استخدمها مع كل شي وتعلمتها من هني من المنتدى

والوضع الحين اوكي مية مية