أنقذوني

[Somii_90]

السلام عليكم خواتي
بدخل بالموضوع على طول
انا يا طويلا العمر ام يديده صارلي شهرين تقريباً
بنتي اسم الله عليها حنانه وايد و امي الله يهديها عودتها عالشيل
و مو لاقيه وقت حق نفسي معاها لانها ماخذه وقتي كله
و ما عندي احد يساعدني عليها انا ساكنه فبيت حموله بس
حمولتي نظامهم يبيها نلعب معاها و بس ما يساعدون ونفوسهم شينه من طلعت من النفاس
اللهم خالتي
عيه طالبتكم اللي تعرف تعلمني شلون اتعامل مع بنتي شلون انظم وقت نومتها و كل شي تعلمني
و اللي تساعدني بدعيلها بكل صلاة
و اسفه عالطواله

 

[Somii_90]

شدعوه 25 مشاهده و ولا رد افا يا كويتيات

 

[Somii_90]

Up....Up

 

[جنون هاجري]

الله يعينك والله

 

[M!SS.LOBY]

الله يعينج ويصبرج

 

[M!SS.LOBY]

يبيلها وقت تتعود تحطينها بالسرير

 

[ضايعه بينهم]

حبيبتي هذا عمرها كله بجي بس من تخلص الثالث تخف ان شاءالله
اهم شي عطيها ينسون وكمون عشان الغازات. لان هذا سبب البجي
وحطي لج الكرسي اللي نفس السرير لها وهزيها وانتي قاعده بدال الشيل


وسبحان الله الجهال اغث سن هو اول ثلاث شهور
انتي اصبري يالغلا والله يصلحها ويخليها لج يارب

 

[Maria ~]

في مثل كرسي و يهز

 

[أم حسوون]

السلام عليكم ، تو البيبي صغير ، بس حاولي تقومينه وتفججينه قبل النوم بساعتين ولعبيه شوي بعدين مهديه وعطيه رضعته وقت النوم ، وخلي جنبج صينيه فيها رضعته وحليب وماي دافي علشان أن قام بالليل ترضعينه بنفس الوقت وينام ، وجيبي لج كرسي مسطح وهزاز تحطين البيبي فيه إذا قام وغيرتي له ورضعتيه علشان ما تعودينه أنه بيدج على طول، ونزلي هالكرسي معاج عند حمولتج راح ترتاحين منه ، وفترة وتعدي .

 

[طيبة83]

الله يعينج الياهل ما تعتدل نومته الا عقب الست شهور

المهم في سرير يحطون الياهل فيه كانه حضن امه يبيعونه في محل بليلى جالري يبيعه

http://www.q8yat.com/t992911.html

هل عضوة كتبت عنه بس مادري زين ولا لا

 

[M!SS.LOBY]

حطي سرير هزاز

 

[M!SS.LOBY]

عطيها كمون عنن الغازات

 

[Emanii]

انا بنتي مثل بنتج بالضبط كانت
واااااااي لعنت خيري والله ذبحتني مووتتني
اهيه بجري ومااعرف لها كنت
حناااااااانه و مافاد لا كرسي هزاز ولابطيخ
بس كبرت هدت شوي يعني كل ما قعد تكبر تهدا الحمدلله
استحمليها هالفتره ربج صعين و كله اجر

 

[Aloe Vera]

خليها تنام بالليل بالظلمة ماكو ليتات كلش خرمس و نفس وقت نومتج شوي شوي تتعدل و خليها تشرب رضعتها بالظلمة لو قامت ماتفتحين الليتات و لا تغيرين حفاظات الا الصبح
و بالنهار خليها تحس ان نهار حتى لو نامت

و قبل النوم عطيها حمام دافي و مساج و بجامه و تكون الغرفة ظلمة و ماكو اصوات و لا تلفزيون و اضواء خاااافته
عشان تتعود تنام على هالروتين كليوم و نفس الساعه كليوم

و عالشيل قوي قلبج و خليها تبجي شوي و علميها عالكرسي الهزاز و الدائرة اللي فيها العاب اللي يحطونها بالارض ممتازة و هم حلوة قبل حمام الليل يخليها تتعب و تنام احسن

 

[Um Tuki]

حبيبتي لازم

لين يصير عمرها تقريبا 5 شور بخف ألم بطنها

لأن بهالعمر ما يرتاحون من المغص و الغازات مساكين

لازم تصبرين عليها

1- سويلها مساج كل يوم قبل السبوح بساعة او ساعتين بزيت زيتون .. قعدوا بغرفة دافية و شيلي ثيابها كلهم حتى البامبرز .. صبي شوي بيدج وفركيه عشان يدفى و مسدي جسمها و بطنها .. دشي يو تيوب و كتبي مساج الرضع بتجوفون طرق وايد
راح ترتاح و بترقد و حتى المغص و الغازات بترتاح منهم شوي ..

2- دوا حق الغازات خلي الدكتور يكتب لج .. و شربيها ينسون دافي مع قطع نبات صغيرة

3- بطحيها على بطنها و طقطقي على ظهرها و حكي يدج على شكل دوائر بظهرها عشان الغازات تتحرك

4- كل مرة تبدلين حفاظتها بعد ما تخلصين و قبل ما تسكرين الحفاظة امسكي ريولها و حركيهم مثل السيكل و شوي شوي ضغطيهم على داخل ..

5- لما تصيح بطريقة تخرع وماترضى تسكت ( بعد ما تتأكدين انها ماتصيح تبي ترضع او تبديل حفاظة او تنام ) امسكيها و انتي واقفة و خليها يدج تحت بطنها او سندي ظهرها على بطنج و امسكي بطنها و امشي فيها لأن طوات ريلج تساعد الغازات تتحرك و تطلع ..

6- اهم شي تخلينها تتشدى ( تتجشأ ) بعد الحليب حتى لو طولت تحملي حبيبتي





اما عن ترتيب رقادها فـ بعد الشهر السادس شوي شوي راح يتعدل رقادها

علميها ترقد العصر و الظهر و المغرب لا ترقدينها .. لاعبيها و شغلي التلفزيون .. ع الساعة 7 او 7 ونص سبحيها و صبي عليها ماي وايد هههههههههه عشان تدوخ ..

بعدين لبسيها بجامتها و سكري الليتات و رقديها ..

راح تتعود لو سوي هالشي روتين يومي

انا عيالي الحمدلله مرتاحة معاهم ولدي عمره سنتين و بنتي 7 شهور

من اتطق 8 خلااااااااااااص .. داخوا و رقدوا

اعشيهم و اسبحهم و ارقدهم .. ولدي يواصل لي الصبح او ساعات يقوم اعطيه حليبه و يواصل

بنتي تقوم مرة او مرتين ..

بس الصبح على 7 ونص او 8 خلاااااص شبعوا رقاد و قاموا من السرير و هالشي احسن لي لأني اشتغل

 

[Somii_90]

تسلمون يالغالين عالردود ما قصرتوا و الله فديتكم

​