أنقذووووووني يا معلمااات

[طـفولية]

السلام عليكم ورحمة الله و بركاته

انا طالبة تربية عملية تخصصي اسلامية مساند لغة عربية متوسط و ثانوي و طلع اسمي بمدرسة نائلة المتوسطة بكيفان ..

وكنت فرحانة ..

بس للأسف اليوم لمن رحت ولا يقولولي ماكو رئيسة قسم ..

وانتوا تعرفون اهمية رئيسة القسم بالنسبة حق طالبة تربية عملية

أولا : بيدها 40 درجة

ثانيا : والأهم ان اهيا الي بتدربني و بتنقلي خبرتها ..


مو معقولة اسلم نفسي حق معلمة من المعلمات واتوهق ..


الاستاذ قال ان بينقلني اذا حبيت مدرسة الشامية المتوسطة

بس انا ما رديتله خبر ..


ولي يعافيكم الي يعرف عنها شي يقولي ..

الناظرة والوكيلة اهم شي ..
قسم الاسلامية شلونه ؟


انا ابي اشتغل و اتعلم وباجر لازم ارد خبر اقعد بالمدرسة ولا انتقل​

:eh_s(16):

 

[نونا 3000]

مستحيل مدرسة مافيها رئيسة قسم نطري جم يوم اكيد بتجي بس تعرفين نقل واخلاء طرف يبيله وقت اذا عاجبتج المدرسة قعدي فيها
انا اقول روحي للناظرة واخذي الخبر منها قولي فيه رئيسة قسم جايه ولا ماكو لا تستعجلين اذا حابه المدرسه
وبالتوفيق ان شالله

 

[PuPa^^SWeeT]

فيه تحويلات الحيين راح اتتم هالاسبوع


هدي بااالج



اذا مافي مدرسة اولى ماراح يسلمونج لابلة لانه السالفة مو لعب




خلج هاليومين بالمدرسة و سالي الوكيلة اذا بتوصل رئيسة القسم قريب ولا لا

 

[Your Dream]

إذا مافي رئيسة قسم


راح تكونين مع موجهين من برا

مافي مدرسه يسلمونها ميداني

 

[Winter Q8]

إذا مافي رئيسة قسم


راح تكونين مع موجهين من برا

مافي مدرسه يسلمونها ميداني

كلامها صح .. شتبين برئيسة القسم علشان تنكد عليج و تقط شغل القسم عليج بحجه التعاون و تخفف على معلماتها و تطب عليج بأي لحظة .. على الاقل تعرفين متى يحضرون الموجهين و ترتبين نفسج على دخلتهم ..

 

[hayaween90]

حبيبتي انتي الي قالولنا عنها
اصلا امج داعيتلج يا بختج انج يايتنا
المدرسه الي ماخذه مكان المدرسه الاولي تهبلللللل وخبرة ٢٠ سنه ومن زمان يطلبونها و ماتبي تكون مدرسه اولى ومستحييييل تظلمج قلبها ابيض
وقسمنا معروف بالمدرسه يهبل ماشالله وكلنا خواتج ونساعدج كلنا باذن الله بكل شي

 

[mi corazon]

استخيري