أوت ليت..... لندن بليز

[فـدوه]

صباح/مساء الخير

بنات شنو أحسن الأوت ليتز اللي بلندن..... ؟؟؟

أنا الصراحة ولامرة رحت و في ناس ما يمدحونهم.... بليز نصحوني و مشكورييين

 

[ربوع الحلوة]

وووويع أنا أنصحج بأوت لت أمريكا وبسسسس إهوا صج السنع أما لندن لواعه حتي خامة الجنطه الماركه مومتوفر أصلا بالأصليه

والأسعار فرق يمكن 20 أو 30 دينار شحادج ومافي أصلا إلا سوقين قريب من لندن أوت لت رحت مره ومافكر أروح بعد تمشيت وتغديت

هناك ورجعت ماشريت شيء

 

[فـدوه]

ماتقصرين حبيبتي ربوع.... ماراح أروح عيل

 

[شندوخه]

لندن نفسها مافيها بره لندن في قريه اسمها بكستر فلج تروحيلها عن طريق القطار
بالظبط مادري المسافه من لندن لي بكستر فلج جم لان لم رحت ماكنت بلندن نفسها

 

[البسمه العذبه]

رحت يالغلا لبكستر فيلج ..........والله موذاك الرخص بس اعجبتني جنطه دولتشي غبانا وباخذها خلاص ولاماخذتها انجليزيه ونجيك ولااخر حبه ب 180 تهبل بسحابات الوان واهي سوده مالله كتب اشتريها وخذيت لعيالي من كاث كدز cath kidsعندنا الماركه بالافينوز وراح تفتح بمجمع البيرق حلوه الجنطه ورخيصه علي 7 دنانير واهي بالافينوز غاليه حيل بس مادري عندهم جناط مدرسه
وخذيت عطورات من محل مقابل مصافط يبيع عطرين ب 50 باواند =25 دينار واحد لي واحد لاخوي مكتوب عليه no9
حلووو العطر وحده قوي لدرجه تدوخين شكيت فيه نسبه كحول
وخذيت من نفس المحلات الي قدام مصافط لوشن لليدين نفس الي بمغاسل الفنادق 2 ب 12دينار علي لافندر وعطر ثاني بس ترطيب قوي
هذا عن بكستر فلج وتبعد عن لدن ساعه الا ربع تقريبا
وبعد تبين اي شيء .........انا حاضره

 

[حضاره]

احلى اوت لت في لندن البيشستر فيلج وهو برا لندن تروحين لها بالقطار00

تروحين محطة (مارليبون ستيشن)وتقصين تذاكر حق (بيشستر نورث)اللي فيها الآوت لت(بيشستر فيلج)

وهناك بتلاقين اغلب الماركات ديور وجابانا ودكني وبربري وفولي فولي وجسوا ورالف لورين ولاكوست وهاكيت وبالي

وجيرارد دوريل وجووووووووووووووووتشي هذا فتحوه آآآآآآآخر 9 اللي طاف بس مالحقنا عليه

ومحلات اشكثر بعد بس موذاكره الحين00والله يوفقج

 

[ربوع الحلوة]

هذا البيستر فلج اللي أقصده موشيييي اللي متابعه الماركات لاشافت البضاعه اللي هناك بتعرف قصدي !!! مايسوي من يروحله

بس التجربه خير برهان تقدرين تروحين تتطمشين بس قبلها روحي البوتيكات اللي بلندن بسلفرجز أو هارودز شيكي علي الماركه اللي تبين

علشان لارحتي هناك تشيكين عليها الشكل والسعر

 

[حضاره]

ربوع قصدج ان البضاعه اللي فيه تكون قديمه؟؟

 

[البسمه العذبه]

شوفي بالنسبه لي الجنطه الي قلتلج لقيت شبيه لها بسلفرج وبسعر 4دبلات وموحلوه نفسها مت من القهر ان هذيج راحت علي والاسعاااار انا معاج نار بس فيه اشياء حلوه خذيت قميصين من مون سون يكفي لقيت مقاسي وبنص السعر وحيل يمدحوها مادري الناس اذواق وانا حريصه افتش عدل اتعب عالقطعه واتمني اكون افدتج

 

[شندوخه]

هذا البيستر فلج اللي أقصده موشيييي اللي متابعه الماركات لاشافت البضاعه اللي هناك بتعرف قصدي !!! مايسوي من يروحله

بس التجربه خير برهان تقدرين تروحين تتطمشين بس قبلها روحي البوتيكات اللي بلندن بسلفرجز أو هارودز شيكي علي الماركه اللي تبين

علشان لارحتي هناك تشيكين عليها الشكل والسعر

ترا على حسب المواسم بالصيف يلوووووع الجبد بس بالشتا لانه ماعليه دووس وماكو عرب خبرج احنا العرب خبول نسافر عشان نتسوق لوووووول

 

[لموية العسولة]

انا رحتله بعيد الفطر اللي طاف ...حلو والمنطقة حلوة ...يعني حلوة للتمشي...ووالله شرينا منه ماشاءالله ..لان ماكان في وايد خليجيين ..
واللي صج كان سيلهم مو طبيعي محل بولو وهكتار ..موديلات يديدة ...وتلقين عالتاغ مكتوب 50 باوند وتروحين الكاشير والا تطلع ب 15 باوند ...خمينا شكثر حق الشباب واليهال الله يحفظهم

بس طبعا ماكو مقارنه بينه وبين الاوت لتات اللي في باقي اوربا خيااااااااااااااااال

روحيله عن خاطرج وطريجه تقريبا من ساعة الا ربع الى ساعة...مو أكثر

 

[addict to me]

انا رحت بكستر فيليج بالاضحى الي طااف

والاوت ليت عموما مسأله حظ

يعني اهواا ستوكات على قطعه قطعتين وانتي وحظج اذا مقاسج موجود او لا

والله تشريناا منه يعني تلقين اشياء حلوة

شريت من بولو قمصان وبلوزات و جاكيتات لي انا واختي ولاخوي
من فيرغامو شريت جوتي
من فيزاجي شرت اختي وامي جناط
شرينا من هاكيت بلوزات حق اخوي
دي كي ان واي شريت منه قميص وجاكيت


وانا الي عجبني ماكس مارا بس مالقيت مقاسي بس هدومهم وايد حلوة
وعندج لوكسيان مال العطور والكريمات واايد حلو عروضه حلوة
محل فولي فولي مال الساعات عنده كان اشياء
محل كاث مال الجناط الي بالافنيوز اسعاره زينه

غوتشي ماعجبني
ديور ماعجبني
دولتشي اند غابانا نوعا ما غالي

بس عموما اذاا يعني كنتي فاضيه مري عليه

 

[law love]

روحيله المسافه قصيره يعني ما يضيع و قت و عشان ما تحسفين ليه رديتي روحي الصبح مبكر وردي كملي يومج بلندن

 

[mr000]

آنا رحت له شهر 4 اللي طاف الجو حلو يهبل والمكان حلو يونس حق التمشي وهادي ماكان فيه زحمه ولاعرب وايد ماقولج البضاعه تهبل بس تحصلين شغلات حلوه تشترينها يعني حق عيالي شباب شريت لهم تي شيرتات بولو وشيروتي وكرفتات حق ولدي والله بسيلفريجز كله على 150 باوند الكرفتات الماركه وفي الآوت لت لقيتهم على 40 و35 باوند فيرساتشي ودولتشي آند غابانا! وكان محل كلاركس مسوي تنزيلا جواتي اليهال على 15 و17 باوند اشكثر شروا منه وحتى حق الكبار.. هم شفت كويتيات شروا جناط فيرساتشي... وحق اليهال شريت من بولو... والله آنا من رايي تروحين المكان حلو... بس للعلم ترى أكو كذا آوت لت غيره بلندن سوي سيرج بقوقل ويطلع لج

 

[فـدوه]

مشكوووووووورييييين وااايد وااايد كل اللي ردوا