أول تجربة لي بالآي لاينر والآي شدووو ...

[F.L.O.N.A]

مسآآء البنفسج .. يا أحلى ~ كويتيآت

وأخيرآآآآ تجرأت أحط صور ~ خآآآآآصة ~ بس أتمنى إنها تعجبكم لأني بصراحه توني { مبتدئة } بسوالف الرسم والآي شدوو ,,,

من زمان ودي ارسم عيني بس لان عيني صعبة شوي كنت اخاف ، وكل ما احاول اجرب احس يطلع مو حلوو يدوووب ماسكارا وكحل من داخل خفيييييييف تصير (( بلاع البيزة )) على قولت امي خخخخخ


المهم ,, أنا قرقت وايد .. أخليكم مع لوكين بالبنفسج واتمنى يعجبونكم ... واي ملاحظة اتقبلها بصدر رحب لاني مثل ماقتلكم توووووني هذي اول مرة اجرب ارسم عيوني وادمج شدوو

:stars:FiRST LOOK :stars:

:stars:SECOND LOOK :stars:

وبث

أمانة .. أبي رايكم وملاحظاتكم .. وتذكروا انها اول مرة ارسم عيني واول مرة احط شدوو .. واول مرة انزل صور خخخخ
بس لعيونكم :eh_s(22):



بآآآآآآآي

 

[om deaj]

ناعم بس يبيلج بيس تحت الشدو عشان تبين الالوان

ومرة على مرة تصيرين فنانة

 

[ميس هارودز]

أليس لكن الألوان البني ودرجاته أحلى على ما اعتقد واللوك جديدي وحلو مثلج

 

[الأميرة جوري]

الصوره ثانيه احلي

 

[F.L.O.N.A]

ناعم بس يبيلج بيس تحت الشدو عشان تبين الالوان

ومرة على مرة تصيرين فنانة

هلا حبيبتي ... نورتتي
بصراحه انا ما حطيت ولا بيس ولا حتى فاونديشن ... لان اساسا مو حق طلعة ولا شي بس جذي قاعدة اجرب بالغرفه

حتى لو تلاحظين مو مركبة لا رمووش ولا عدسات ...


شاكرتلج مرووورج يالغالية

منورة:eh_s(17):

 

[F.L.O.N.A]

أليس لكن الألوان البني ودرجاته أحلى على ما اعتقد واللوك جديدي وحلو مثلج

هلا وغلا مس هارودز ..

البني غرامي .. اغلب بلاتاتي درجات البني ... بس هالمرة قلت بجرب هالباليت لان توه يايني هدية من فيكتوريا سيكرت والتجربة هذي بس بالبيت بالغرفة يعني مو حق طلعه عشان جذي لا حاطه عدسات ولا رموووش ولا حتى كريم اساس مجرد رسم واي شدو

مستحيييل اطلع بشدو ملون انا عادة شدوو بني لون واحد خفييييف عالجفن المتحرك وماسكارا خفيفه وبلاشر بس :eh_s(7):



حياج يالغالية وانشالله اللوك الياي بضبطه اكثر :rerrerek:

 

[F.L.O.N.A]

الصوره ثانيه احلي

عيونج الحلوة حبيبتي ...
الثانية انعم لانها لووون واحد بس مافيه دمج ومافي قليتر :eh_s(22):

منورة حياتي:eh_s(17):

 

[ناني ام عبودي]

اممممم

حلو لمبتدئة

انا عن نفسي زيك اعتبر نفسي مبتدئة


بس لي تعقيب

اعتمدي على الالوان الفاتحة مبدائيا

وبعدين الغامقة

بس سبحان الله انا اهم شي عندي في الميك اب الرسمة اذا زبطة الباقي يهون

وتاني شي الاضاءة حاجة ضرورية واحبها

عموما مووووووفقة

 

[**selena**]

حلوين :eh_s(17): ما شاء الله .

 

[F.L.O.N.A]

اممممم

حلو لمبتدئة

انا عن نفسي زيك اعتبر نفسي مبتدئة


بس لي تعقيب

اعتمدي على الالوان الفاتحة مبدائيا

وبعدين الغامقة

بس سبحان الله انا اهم شي عندي في الميك اب الرسمة اذا زبطة الباقي يهون

وتاني شي الاضاءة حاجة ضرورية واحبها

عموما مووووووفقة

هلا حياتي
حياج الله
عاد انا غشيمة بسوالف الاضاءة وتوابعه اتمنى البنات يعلموني
الالوان الفاتحه مو حلوة على عيوني احلى شي درجات البني والبنفسجي والتركواز
الفواتح احس تخلي عيني تضيع

 

[مملكه الرشاقه]

كبدايه حلو
يبيلج بعد تدربين اكثر

 

[F.L.O.N.A]

حلوين :eh_s(17): ما شاء الله .

حلت دنياج حبيبتي عيونج الحلوة تسلمين:eh_s(22):

 

[F.L.O.N.A]

كبدايه حلو
يبيلج بعد تدربين اكثر

حياتي تسلمين والله
من صجج ؟ يبيلي اتدرب واااااااايد جدامي درب اصلا
بس المشكله عيوني صعبة بالرسم مدورة شوي عرفتي؟
اتمنى اتعلم طريقه تضبط وتطلع حلوة اي رسمة ارسمها الحين احس تصير عيوني كبيرة بشكل موحلوو <<< ماحب العيون الكبيرة اتمنى لوعيني صغيرة اسهل احس بالرسم

 

[فرزاشيهـ]

حلو بس الصورا الاولى مثل ماقالوا البنات يبيلج بيس و الثانيه مع الوقت راح تضبطين الاي لاينر عدل و لو تعرضينه من فوق من وسط العين لي نهايتها احلى و بخصوص التصوير ،.<< احترافيه تصوير لول حاولي تصورين العين كلها من البدايه لي للاخر تصويرج مو مبين شي ووبس

 

[ميلارا]

حلو ومرتب

اعجبن الكل الي فوق العين ايش اسمه ولونه مميز
بدايه موفقه انشاء الله ​

 

[&موناليزا&]

حلووووووووو

مشكورة حبيبتي

 

[F.L.O.N.A]

حلو بس الصورا الاولى مثل ماقالوا البنات يبيلج بيس و الثانيه مع الوقت راح تضبطين الاي لاينر عدل و لو تعرضينه من فوق من وسط العين لي نهايتها احلى و بخصوص التصوير ،.<< احترافيه تصوير لول حاولي تصورين العين كلها من البدايه لي للاخر تصويرج مو مبين شي ووبس

هلا حبيبتي حلت دنياج ..
انا قلت للبنات فووق هذي اول تجربة لي وكانت تسلية وتجريب يعني مو 100%
عشان جذي ركزت عالرسمة بس والشدو بدون اساس ولا بيس ولا شي ثاني ...

ومنكم نستفيد بالنسبة للتصوير لاني غشيمة في تصوير العيوووون :eh_s(1)::eh_s(1):
ماني عارفة اصورها كاملة بطريقة ما يبين باقي ويهي ؟؟؟ ياريت تفيديني


ووو حياج الله واسعدني مرووورج وايد :eh_s(17):

 

[F.L.O.N.A]

حلو ومرتب

اعجبن الكل الي فوق العين ايش اسمه ولونه مميز

بدايه موفقه انشاء الله ​

يا قلبي من ذووووقج والله ... انتي الحلوة

بالنسبة للي فوق العين

اذا قصدج الاي شدو ؟؟ >>> victoria secrets هالباليت ، وحددتلج الالوان اللي مستخدمتهم

واذا قصدج الاي لا ينر البنفسجي ... فاهو من سرداب الشايع ماركته Florelle <<< عجييييييبة هالماركة كل اقلام الكحل الوانها قوية وثااابته ( اللون اللي مستخدمته البنفسجي رقم 21 ) وجربي من نفس الماركة التركوااااز خياااااااااال:rerrerek:
والماسكارا لوريال كولاجين .. <<< ما عجبتني احس تلزق الرمووش انا احب اللي تطول بدون لا تكثف

 

[Roty]

حابه اساعدج شوي

اول شي مشكورة عالصورة حبيت عليج الصورة الثانيه اللوك ناعم ولا يق على عيونج

شوفي اعتمدي درجات البنيات والبيج احلى على بشرتج

واشتري مسكرا لوريال كولاجين السوده حلوة ترا تكثف وتطول لرموش

ولاتستخدمين وايد شدوات شيمر يعني لمعه قويه حطي شي ناعم واذا تبين بس عالجفن لمعه مو كل العين

وحطي كونسيلر قبل الشدو على جفن العين وتحت عينج عشان يخفي السواد

موفقه

 

[Roty]

88888888

بالنسبه لباليت الشدو توني اشوف ردج اللي فوق

استغربت مستخدمه بنفسجي مع ازرق


ليش حبيبتي احس ما يلوق

وكااا مبتدئه وخري عن هالالوان الصعبه

صوب الشدو الازرق الباليت ايدج اليسار كل الالوان حبيتهم درجات البنيات والبيج

ياليت التقرير الياي تجربينهم

بانتظارج ومتابعتج