أول زياره

[روووان]

السلام عليكم :eh_s(7):
كيفكم بنات =) قريب إن شاء الله بتكون لي زياره للكويت :ggdw:لأول مره
ومحتاجه مساعدتكم الله يخليكم وين الأماكن اللي تستاهل نزورها وتكون في أي مناططق ؟؟
المجمعات وين تكون ؟؟ وبغيت أسئلكم فندق ايبيس ايش رايكم فيه وهو بعيد عن اماكن السياحه ؟؟؟:bbbiu:
ومشكووووورين ​

 

[دلعوهآ]

السلام عليكم :eh_s(7):
وعليكم السلام ورحمة الله وبركانة

كيفكم بنات =) قريب إن شاء الله بتكون لي زياره للكويت :ggdw:لأول مره
ياهلا وغلا فيج بأي وقت بتنورين :d:ggdw:
ومحتاجه مساعدتكم الله يخليكم وين الأماكن اللي تستاهل نزورها وتكون في أي مناططق ؟؟
النادي العلمي وابراج الكويت
المدينه الترفهيه بالدوحه بعيده شوي :eh_s(10):
حديقه الحيوان بالعميريه يم المطار
حديقه الشعب
صاله التزلج
الاوكوبارك
حولي بارك

المجمعات وين تكون ؟؟ وبغيت أسئلكم فندق ايبيس ايش رايكم فيه وهو بعيد عن اماكن السياحه ؟؟؟:bbbiu:
ومشكووووورين ​

الفندق : حلو مكانه بين الاسواق اعتقد بشارع سالم المبارك اذا ماني غلطانه بالسالميه .


المجمعات :
سوق شرق بشارع الخليج العربي مقابله بيت ديفا وبيت سدره وكاريزما هذول معارض حلوه
مجمع الرايه فيه الماركات العالميه
المهلب بحولي
مارينا مول شارع سالم المبارك حلو حده
الفنار البستان ليلى جاليري سنتر بويت ماركس سبنسر مركز سلطان كلهم بشارع سالم المبارك
مجمع ديسكفري خاص بالاطفال
الافنيو اكبر مجمع بالكويت يقع بمنطقه الري على امتداد الداير الخامس



اتمنى اكون افدتج

 

[عبق البنفسج]

بنسبة لفندق ايبس هو فندق عملي يعني مو فخم ولكن مكانه مميز بالسالمية صوب المجمعات ..
عندج فندق كورت يارد ماريوت حلو ..
قارني بالأسعار وبصور الغرف بينه وبين ايبس ..
أو دشي موقع Booking ورتبي الفنادق من حيث السعر وقارني بينهم ..
وعندج بعد هوليدي ان عالبحر بسالمية قبال شوبيز هم اسعاره معقولة

بنسبة للأماكن الي تستحق الزيارة
المجمعات .. عندنا الكثير منها ولكن راح أذكرلج الي تستحق الزيارة بس لأن في مجمعات حرام تتعنين لها ومافي شي أصلاً
(الأفنيوز وهو أكبر مجمع بالكويت وتلقين فيه كل المحلات تقريباً وسينما ومطاعم فاست فود ومطاعم راقية وألعاب ماجيك بلانت وهو معروف بدول الخليج)
(مجمع 360 أكثر المحلات الي فيه ماركات ولكن هالمجمع يتميز بالديكورات الحلوة من الداخل وفيه سينما ومطاعم وألعاب للأطفال والكبار وصالة بولينق تقدرين تخصصيله ثلاث ساعات كافي عليه)
(مارينا مول حلو هالمجمع بس يعتبر صغير بنسبة للأفنيوز هالمجمع فيه صالة ألعاب للأطفال صغيرة وفي محلات مثل زارا واش اتد ام ونكست .. الخ وفيه سينما ومطاعم فاست فود وفيه جسر يوصلج لي منطقة كلها مطاعم وكافيهات تقابل البحر حلوة القعدة فيها يعني هالمجمع كافي عليه نص يوم أو أقل)
وعندج سوق شرق بس أنا أشوف ان مايستحق الزيارة لأن نفس المحلات بتلقينهم بالأفنيوز والألعاب الموجودة مو ذاك الزود ..

ني حق الحدائق الترفيهية
عندج المدينة الترفيهية وهي بالدوحة وهذي مدينة ملاهي تقضين فيها اليوم كله
عندج حديقة الشعب بمنطقة الشعب البحري وموجودة عالبحر
حولي بارك نفس طقة الشعب وموجود بمنطقة حولي

الحدائق المائية
الأكوابارك اذا عندج عيال وديهم اذا ماعندج ماتصلح حق الكبار مادري بنسبة لي ماأحبها وولا مرة رحتلها هي مدينة عادية مو بمستوى المدن المائية بأوروبا ودبي
المسيلة ما أنصحج تروحيله

*المركز العلمي عالم الاسماك الأكواريوم وموجود عالبحر
*حديقة الحيوان وموجودة بمنطقة العميرية على الدائري السادس
*الجزيرة الخضراء موجودة عالبحر وهي عبارة عن جزيرة صناعية مدورة تصير داخل البحر هي وايد قديمة وانا صايرلي فترة طويلة مارحت لها ... أتوقع فيها ألعاب .. تقدرين تسوين سيرج عنها وتشوفين الصور
*أبراج الكويت
*عندج الأسواق الشعبية القديمة مثل سوق المباركية
*يوم البحار وهو يصير عالبحر صوب الشويخ تقريبا
*القهوة الشعبية عندج بالسالمية عالبحر وصوب سوق شرق هم عالبحر وأنا أفضل الي صوب سوق شرق حلوو هالمكان فيه أكلات تراثية مثل خبز الرقاق
*في رحلات بحرية تلقينها بنادي اليخوت ولكنها شوي غالية وجنا سمعت هم بسوق شرق في مكان تأجرين قارب ويفتر فيج وسعره معقول
*البينت بول وهي صوب الأبراج وعبارة عن حروب بأسلحة من الكرات الي فيها اصباغ. أنا جربتها بتايلند وكانت حلوة بس ماجربتها بالكويت
*سبيد زون وهو صوب الأبراج بعد وهو عبارة عن سباق سيارات هذيل الي يكونون صغار
ولا تنسين شارع الخليج العربي عالبحر فيه مطاعم وشواطئ فيها قعدات
وشارع المطاعم بسالمية وكلها عندها أنواع مختلفة من الصمون بس طبعاً هالمطاعم تكون تيك أوي يعني مافيها قعدات وجذي
عندج بهالشارع بوظة الفارس حلو ولذيذ :rerrerek:
وعندج حلويات كواكب بالديرة قبال البلوكات هذا عنده حلويات كويتية قديمة