أول مره اسوي حنة حق حواجبي وتوهقت ههه !

[jwaira]

السلام عليكم
شوفوا بدش بالموضوع على طول لول
من زمان بخاطري أغير حاجبي وجذي فاليوم رحت الصالون وشفت جم بنت يحطون حنه والله كان شغلها حلو
فقررت اني اجرب ..
المهم النتيجه طلعت حلوه بس يبيله تفتيح شوي وتوهقت شلون أفتحه الحين !
يعني اهو زين بس ودي أفتح لونه شويه راح يطلع احلى
حاولت أنزل لكم صورته بس ماعرفت
المهم بليز اللي توهقت مثلي أن طلع أغمج من اللي تبيه تقولي شنو سوت عشان تفتحه
وثنكيو مقدما :eh_s(17):

 

[Vampira]

حبيبتي لا تحاتين باجر اللي بعده يرد خفيف غسليه يخف

 

[شهد-الكويت]

هههههههههه عادي مع الغسيل يخف انا عاد اطول فيهم عشان يصيرون غامجين ومايروحون بسرعه

 

[كـآتـيّ]

مثل ماقالو البنات مع الغسيل يخف لونهم عآديے ^_^

 

[N.o.L]

ايه صح حبيبتي مع الغسيل يخففف لونهم..~~

 

[jwaira]

مشكورين
لوووول شهد اي في وايد يطولون فيهم عشان مايروح بسرعه بس مادري انا يمكن عشان مو متعوده على شكلي
وامي بعد حبطتني تقولي مو حلو هههههههههه

 

[MakeupAholic]

يوم يومين يخف اللون عادي

 

[barbya_q8]

عادي يخف اصلا هالحنة ماتقعد اكثر من يومين ولا حطي تونك اى نوع عندج بقطنه ومسحي راح يخف اللون بس مو تفركين حيل تطيحين حواجبج

 

[أريد حلا]

ترى يومين وترجعج حواجبج مثل ما كانت

بس يقولون صبغ الحواجب بالحنه يشيبهم لوول يا كثر ما يقولون

راح يروح حبوبه​

 

[BeNt PaRiS]

اول مره اسمع ان الحواجب ينصبغون بحنه

 

[^LILY^]

اول مره اسمع ان الحواجب ينصبغون بحنه

مثلي :eh_s(10):

 

[jwaira]

لووووول اي ينصبغون
:eh_s(22): قلنا نجرب
وزين طمنتوني بعد

 

[أريد حلا]

اول مره اسمع ان الحواجب ينصبغون بحنه

فديتج معقوله اول ما تدشين الصالون على طول ركزي على اللي يشقرون اغلبهم

يصبغون علشان يبرز مع تشقير يخف من ناحية النظر يخليه ما يبين اكثر لووول

اشوفهم جذي يسووون

وحتى اللي يحفون بعد يصبغون علبالج البنات اللي تشوفينهم حواجبهم سود

هذا قلم هههه ومرسومين لا اغلبهم صبغ حنا

وبس

 

[دلع86]

غسلي بماي وصابون مره مرتين راح تحسين انهم فتحوا
أنا عكسج أحاول كثر ما قدر أني ماحط عليهم ماي وصابون أخاف يفتحون بسرعه لووووول

 

[قــل مـا تـشـاء]

مثلي :eh_s(10):

+2
خخخ أنا أسمع انه ينصبغون بصبغ للحواجب مو حنا ؟؟
انتو تقصدون حنا حنا اللي يستخدمونها للنقش وللشعر والا صبغ الحواجب ؟؟

 

[ام عبد العزيز م]

اااااااااب

 

[candice]

ترى بس اسمه صبغ حنه بس اهو بصوب والحنة بصوب ثاني كللش انا شاريته عندي بالبيت اهو عبارة عن غرشة صغيرة فيها بودرة لصبغ الشيب وفي كل الالوان تنباع عند العطار

 

[jwaira]

اليوم رحت بيت يدتي عجبهم واايد اشووووه ههههههههه استانست بس خلاص بخليهم مثل ما اهم :eh_s(22): وترا اهي حنه بس حق حواجب مو مثل مالت الشعر وجذي
انزين صج اللي قالت انها تسوي شيب حق الحواجب ؟ وليش تسوي شيب يعني غريبه !
اللي عندها معلومه خل تفيدنا :eh_s(7):