أوووهووووو صج صج معقده فكيـــــنا عـــــــــــــاد ...!! @@

[EleGanZa]

السلام عليكم ورحمه الله وبركاته ..

بنات في موضوع شاغل تفكيري وايد ..

الا وهوه النصيحه بالدين ..

يعني هالايام اللي ينصح اي احد ان يلتزم او يصلي مثلا او يصوم صار معقد ...!!!
ومو شايف الدنيا ؟؟:eh_s(10):

بنات انا بتكلم عن نفسي شوي ...

انا مو ملتزمه وايد بالدين واللي يشوفني يقول هذي فري بس الحمدالله رب العالمين فيني وازع ديني قـــــــــــوي ولله الحمد مع ان عندي معاصي :eh_s(16)::eh_s(11):

الله يهديني ويهدي الجميع ادعولي ..:yaaaaaarb:

بس لما انصح ياخذونها على طنازه ويستهزؤن بالشي ..!

هالشي وايد يحر ويضايق مو عشان انا نصحت واندقرت لأ ..انا ما يهمني المهم قلت اللي بقلبي واللي يرضي ضميري ..!

بس اللي يضايق ان مافي خووف من عقاب الله سبحانه ..!!

كل ما قلنا شي قالو بعدين بعدين الله غفور رحيم ..!!

صح الله غفور رحيم بس ما يغفر لاي احد وينسون ان الله شديد العقاب :rgewrg:

يعني جد الدنيا صارت تخرع كله فساد فساد فساد

وخراااب ماله اول ولا تالي وتقليد اعمى للغير بدون تفكير وهدف للحياة ..!!

وصلنا لزمن القابض على دينه كالقابض على جمره ..!!:eh_s(11):

بعطيكم مثال ..

يعني لما انصح وحده اقولها فلانه انا احبج وانتي رفيجتي بس لا تقليدين رفيجتج لانها سوت عمليه تجميل والله حرام تغيرين اللي الله خلقه لج ..

الجواب (( ان الله جميل يحب الجمال ))

يفسرون الشي على كيفهم ..! الله اخلقج جذي وسواج باحسن صوره تقومين تغيرين اللي الله سواه لج وانتي اشزينج وشحلاتج ومافيج لا عيب خلقي ولا شي ..! الواحد يقول الحمدالله عالنعمه .. غيرنا محروم من نعمه الصحه والعافيه

واذا يبناهم فتوى يقولون لا تفتين من كيفج :eh_s(10):

انا ما افتي من كيفي بس شنو اكثر من ادله موجوده بالقران والسنه وعلمائنا :eh_s(10):

وانا ادري ان اللي يفتي من كيفه عقابه مو هين يوم القيامه عشان جذي اذا شي ماعرفه اقول الله اعلم ..!

ادري بتقولولي لا تعورين راسج ماكو فايده بس الدين نصيحه والساكت عن الحق شيطان اخرس


:eh_s(17):بنات انا يبت مثال من عندي عشان اوضح الصوره لكم :eh_s(17):


وبنات اخذوها مني والله اللي ينصحكم يعني قلبه عليكم وخايف عليكم ..!! :eh_s(15):

في آيه بما معناها (( اذا قلت له اتقي الله اخذته العزه بالاثم فحسبه جهنم ..معناها ان لما واحد ينصحك تتمسك بالاثم اكثر عنااااااد اللي جذي مصيره النار الله يكافينا شرها ))

انتي مو قاعده تعاندين اللي انصحتج انتي جنج تتحدين الله وتعاندين نفسج استغفرالله ..!!

وتظلمين نفسج وتحرمينها من نعيم الجنه (( الله يجمعنا فيها قولوا امين ))


والله بنات الفراق مو فراق اللي نحبهم بالدنيا والموت لأ

الفراق لما يكون اللي تحبه بالنار وانت بالجنه :eh_s(11): لان الآخره اهيه اللي راح تبقى ومافيها موت بس الدنيا مده معينه وتنتهي :eh_s(16):


وايد كلام بقلبي ودي اقوله بس اترك المايك لكم :eh_s(7):




وبنـــــــــــــــــــات رجاءا ....

اللي تخالفني الراي انا اتقبل النقد والنصيحه وكلشي بس باسلوب محترم مو بهواش ونجره

الاختلاف بالراي لا يفسد للود قضيــــــــــــه :eh_s(22):

احبكم بالله :eh_s(17)::eh_s(8):

 

[بنت ديرتها]

معاج بكل كلمه قلتيها مشاءالله الموضوع روعه

بس !!
انا الصراحه قمت اسكت لاني تعرضت حق جم موقف
مثل ما قلتي يطلعون انج المعقده و انتي ما عندج سالفه و يتغيرون و سوالف
قلت ابعد عن الشر


و يعطيج الف عافيه

 

[UNICORNA]

معاك حق والله بس لا تعذبين حالك

الحين حتي الشيوخ صارو يحللون الحرام ويحرمون الحلال

والموازين تغيرت واختلفت

عموما انتي انصحي لان الدين نصيحه

وبالنهايه كلن حسابه منتظره ومأراح نتحاسب عن احد

 

[بنوته كيكه]

اموووووووووووووووووووووواح صح الكلام عين العقل فيه بنات يمشون طريق حرام واذا جيتي تنصحينه تقولج
لا تزوجة بتوب شي يقهر توبي للحين وبطلي السولف هذي بس ينات هل جيل كل مانصحيته شي غلط انها تكلم شباب
ولا لبسها مو زين ولا نصحيته صلاه كنج سابته ماقول الي عسا ربي يهديهم
ملاحظه ماتحظون شي انه وقت الارمضان كل بنت تصلي بس خلص رمضان خلاص ردة سوالفها
مشكوره اختي عساء ربي يحفظ وين مارحتي ويحفظ كل بنات المسلمين والله يهدي الكل بنات وشباب

 

[AL-DMERA]

هالظاهره منتشره حييييل ,,
آنا ماقمت أنصح وماآلي شغل بأحد لأن إذا نصحت ارفعوا الخشوم وقالوا لاتصيرين مثاليه ومعقده ,,!
حتى المثاليه مايبونهاآ ,,
نآس عقليه مادري شلون صايره والله يعينهم على نفسهم ,,
آآنا متأكده إنهم من الدأآخل يدرون إن اللي نقوله صح بس فيهم كبر مايبون يعترفون ولا يحبون يصيرون جدام النآس إنهم غلطانين
حتى جداآم أنفسهم ,,
الله يهديهم إن شاآء الله ,,

 

[مزن الكويت]

صااجة اللحين الي يتكلم ببالحق صاار معقد
والي فررري وكل شي عندة عادي هذا انسان عايش حيااته بشكل صح

 

[نــggر]

جزاك الله خير

معااك حق الحين اللي ينصح كنه عدو مو يبي لك الخير طبعا البعض مو الكل

وانا عن نفسي بالعكس افرح اذا احد نصحني اعرف انه يبي لي الخير وما يبيني اوقع في الشر

 

[Angel-Lady]

انتي ما تنصحين الا لان قلبج نظيف و اتحبين الخير لغيرج

الي عليج تنصحين ما اقتنعو بالطقاق المهم اخذتي اجر النصيحه

و طبعا لازم اتكونين متاكده من الي اتقولينه فاذا ردو عليج اي رد كبري راسج و اسهل طريقة الناس تتاكد من الاي فون تدخل النت على موقع شيخ معروف مثل بن باز و ابن عثيمين و تعرف

تقبلو النصيحه تقبلوها ما تقبلو انتي اخذتي الاجر :]

 

[ƒα6σσM]

آلحيـن صـآرو يحـللون و يـحرمون على مزآجهم
و إلي تنصـح و مـآ تحب تشـوف آلغلط صآرت معقده و متدينـه لـ درجه آلتخلف !
آلمشكله إذآ نصحنـآهم " إذن من طيـن و إذن من عجين " ، تدخل من صوب و تطلع من صوب
آلله يمهل ولآ يهمل ، و ربـج آلهآدي .. رآح إييلهم آليوم إلي يحسـون على دمهم إشوي

قـوآج آلله ~

 

[عبالي حبيبي]

بارك الله فيج

 

[وريف الظل]

والله انا معاااج يالغاالية بس اذا على قواتج ادقروج لا اتضايقين لان انتي سويتي اللي عليج جدام الله سبحانه وان شاء الله يضاعف اجرج عالصبرر

 

[Tom ♥ Jerry]

,

الناس الي مآ يحبون يسمعون النصيحه من الآشخاص القراب منهم !
هذول ناس ضعاف الشخصيه و 100% يدرون آنهم غلط
و كلأآمج انتي الصح .,! بس يبون يقنعون نفسهم آنهم صح ,،

الله الهـآدي :*

 

[عادت ذكرياتي]

الله يهديهم بس إنتي صح

وبميزان حسناتج

 

[ساره أمها كويتيه]

معاااااااااااج حق
والله يهدي الجميييييع
يعطيج العاااااااااااااافيه

 

[ألبندري]

قال رسول الله صلى الله عليه وسلم (إذا رأى أحدكم منكرا فليغيره بيده فإن لم يستطع
فبلسانه فإن لم يستطع فبقلبه وذلك أضعف الإيمان)

الواحد يسوي اللي عليه
واذا لقى رد يضايقه يقول جزاك الله خير
ولايتعب قلبه مع هالاشكال اللي تتمادى بالمعاصي

الزم ماعلى الواحد يعيش ببيئه نظييييييفه
والله يعوضه خيير​

 

[انونا]

انا بتكلم عن نفسي
اقبل النصيحه لكن بشروط
١- ان يكون ملتزم اداب النصيحه
٢- ما ينصحني على شي واهو يسويه الا مثلا شغلات معينه يتله ضرره منه
غير جذي ما ارضى ينصحني وشرط ان يكون ما يتكلم يعيد وزيد مجرد نقطه معينه يقولها افهمها ويكون نبرة الصوت الهاديه الي فيها حنان.


والصراحه مو اي احد انصحه مو علشان شي في ناس ما تتقبل وتزف بس ادعي ان الله يهديها وهذا اضعف الايمان*

 

[عيوني مودي]

ولد الاسلام غريبا وسيعود غريب
لاتستسلمين انصحي لان الرسول عن المنكر
امرنا بعدم ترك الامر بالمعرف والنهي
لان هاذا الي اهلك اليهود وسبب لعنهم

 

[KSA ROSE]

ايوا في نا س كثير ما تتقبل النصيحة..
بالنسبة لي صعبة اتقبل احد غريب او مب صديق حميم ينصحني..ما ابلعها
الله الهادي

 

[EleGanZa]

فديتكم بنات نك نك
:eh_s(7):

بنات انا قصدي بالنصيحه مو بالهواش والصراخ لا

ان تاخذين وحده عالجنب وتكلمينها بهدوء اهيه راح تنحرج اذا كانت قريبه منج طبعا بس اللي عليج سويتيه :eh_s(10):



وصاير لما تذكرون احد بيوم القيامه والقبر والحساب والعقاب اللي ناطرنا يتمادون :rgewrg:

جنه ضامن عمره :bbbiu:


الله يهدي الجميع يارب

 

[A5tsloom]

كلامج حيل عجبني ماشاء الله عليج ^^
وحسيت انج شايله هم الاسلام ماشاءالله علييج
والي تقولج مالج دخل والناس هاذي مو كفوو نصيحه لا تردين عليهم بالعكس واصلي نصحج لكل الناس
انا اول كنت نفسج كل ما انصح وحده تقول صايره شيخ دين وانا مادري كنت اتضايق بس الحين صار عندي عادي اهم شي اني اوصل الرساله للناس
وتذكري الرسول عليه السلام والسلام اشلون كان يعاني من قومه عشان نشر الاسلام راح ترتاحين راح تقولين انا الي اشوفه ولا شي الرسول هاجر من مكه بسبب قومه وانتي بس كلمه تهزج لاااا خلج مثل الجبل إلا الدين
ماشاءالله علييج والله يجعلنا من الداعيات الى ديينه آميين
مشكووره ع الموضوع الحلو
تقبلي مروري