أيام العمر من يعوضنا عنها

[حـور]

صباحكم ورد وخير ان شاء الله ,,,

حبيت اطرح هالموضوع منها فضفضة ومنها ابي اعرف رايكم ...
الموضوع يا خواتي عن بعض الريايل اللي صج ينطبق عليهم التعبير ان العمر ضايع معاهم ...
وايام الزوجة معاه ماتنحسب من ايام السعادة....
والله ان شي يكدر الخاطر...
لما المفروض ان زوج...وأب بنفس الوقت...في هالزمن ولما اليوم...موعارف يحسن من نفسه..وموعارف حقوق اسرته عليه....
أستغرب ان لليوم..مع كل هالبللاوي اللي يسمعونها...للحين في رياييل يتركون بيوتهم بالليل يوميا وسهر مع الربع...والاسوؤ لما يكون اصحاب سوء....
أستغرب ان للحين ومع ان صار مشهووور ومعروف دور الزوجة وخصوصا هني بالكويت...تشيل اكثر جزء من المسئولية...وتقول بوعيالي وانا وياه واحد...ويظل اهو اول مايخطر في باله انه يسافر مع ربعه ويخليها ...وبامكانه ياخذها على الاقل لو مرة معاها ومرة ومع ربعه....
ابي اعرف شنو هاللذه العجيييبه بالظلم هذا...
وصدقوني انا قاعدة اتكلم عن ازواج..لو ندخل بقلوبهم ...اقدر احلف انهم يحبووون زوجاتهم..ويرتعبووون من فكرة ان زوجته تتركه...ويموووووت بعياله...لكن ماني فاهمة هالتركيبة الغريبه..انه بنفس الوقت...لا مبالالي,,,أناني...
وهذا طبعا شي من أشيااااء وايد...ولا يكون بعد يخوووون...ويزيد الطين بله....
صدقوني بنات...اعرف تقريبا 3 او 4 بنات هذي معاناتهم واكيد غيرهم واايد...
ووحدة منهم تقول ..تخيلي ...كل يوم بالليل...انام واقعد القى السرير يمي فاضي:eh_s(2):
مرات احتاجه...مو فاهم انه وجوده بالبيت امان..لي ولعياله...يقول انه يحبني...ويحلف انه يحبني...ويقول باجر ليكبرنا كله مجابلج وبتملين مني..واهي تقولي...شبي فيه لما اكبر ..وايام شبابي ظليتها بروحي...اذا ما اعيش معاك الحين ...واستانس...باجر ليجابلتني ليكبرت بتجابلني شنو بنسوي مثلا؟؟؟
بنسافر؟؟؟
بنطلع نتمشى ويشوفنا الناس ويقولون ياحليلهم الشياب يتمشووون :eh_s(10):
ولا بنصير معاريس نعوض هالايام اللي احلى ايام بصحتنا نعيش حياة جنسية صحية واحنا شياب اقعد انطرك على ما مفعول الحبه يشتغل علشان احنا نشتغل:eh_s(1): والله الواحد يستحي يقول هالاشياء..بس هذا الصج اللي يدور بقلوب هالزوجااات...والازواج بكل هذا ماكو احساس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والله ودي احط علامات استفهام من هني ليما المجرة اللي عقب اللي عقبنا!!!! وما يوفي استفهاماتي....

وانتو شرايكم؟؟؟؟؟​

 

[iLLuMinaTion]

جراح الله خير

 

[ريماس77]

الواحد شيقول غير الدعاء لهم بالهدايه ماباليد حيله

 

[حـور]

اي والله الدعاء اهو الي بيدنا..الله يهديهم

 

[حبيبه هيثم]

رد : أيام العمر من يعوضنا عنها

اى والله وانتى الصاجة:yaaaaaarb:

 

[الأميرة جوري]

الله يهديهم ..فعلا انا اسمع واااااااااااااااايد تارك زوجته وكل شيء عليها طبعا باول حياتهم وتالي العمر ليمن يكبر ويشبع هياته ...كله عندها تعالي حطى وسوي ولا يكون مريض الله الشافي يعني وينكم ايام الشباب ضيعته بين الربع والسفرات واخرتها تعالي يا الغاليه ابيج الحين شيء يقهرررررررررررررررررر ما اقول الله يكتب لكل زوجه الاجر عالصبر والتحمل ويارب اخرتها جنات لنعيم .....والمشكله قاريه حديث اذا زوج لاسمح الله توفى واهو موراضي عليها ماتدخل الجنه:eh_s(2):

 

[هاديهـ&مطيعهـ]

تدرين وين المشكلة
المشكلة بتربية عيالنا من اهم صغار انت الولد وانت غير وانت شايل عيبك ومافي أحد مثلك وانت أحسن واحد حتى لو كان ولا شي يكبر ويكبر معاه هالكلام ويتزوج ويعطي البيت طاف ليش لأن تعود من اهو صغير الدنيا تنحط بين ايدينه مو اهو اللي يتعب ويشقى وحاط في باله ان بدال البنت 100 بنت اذا اهي راحت في غيرها وايد يتمنوني ( هذا تفكيرهم ) تعود ان الزوجه اهي اللي تقعد من الصبح وتودي العيال ليش يرد البيت مبجر وينام مبجر عشان يقعد الصبح لا أهو يسهر والزوجه اهي اللي تنام مبجر عشان تتحمل مسؤولية العيال وغير كل هذا الربع بالدوانية يستلمون اللي يقابل زوجته ويطلعها بالتطنز ويعيبون عليه ليش انه مهتم بعايلته وتلقين اللي يطنز سكانه مرته ( كلام قالته لي أكثر من وحده عن حديث الدوانيات ) بس هذا طبع فيهم من واقع المجتمع والتربية

 

[هاديهـ&مطيعهـ]

يارب عليك العوض :eh_s(11):

 

[iLLuMinaTion]

عليك العوض يارب

 

[vanilla-D]

رد : أيام العمر من يعوضنا عنها

اي حياتي الله يعين الحريم يعني اهي تتزوج عقب ما كانت وحيده يصير عندها ريال سند لها بالدنيا تحط راسها على صدره و تنام و اهي مرتاحه بس وين هذيل بس الاتراك اللي يجابلون حريمهم :d

 

[زوجة عزيز]

رد : أيام العمر من يعوضنا عنها

اااااااااااااه يا قلبي هالشي اللي اسئله من زمان ليش يسوون جذي والمره تنتظر صلاحه وهدايته والريال مو مفتكر ولي صارت مشكله يرجع ندمان ويواعدها بحياه افضل وانه بيعتدل وحده يومين مايطول وترجع حليمه لعادتها القديمه انا وحده الصراحه عمري ضايع معا زوجي ما احس بطعم السعاده معاه ابدا وما اعرف لي متى بستمر جذي معاه

 

[نفهمها صح]

رد : أيام العمر من يعوضنا عنها

المقطع الاخير ......
هم يضحك وهم يبكي
عني اتمني من الله يارب ....يعوضني بسنيني الي راحت
بعيالي...ميخيبوون املي....ودايم اقول لهم انا صبرت علشانكم عشرين سنه
ومابغي شي من الله الا انهم ينفعوون نفسهم وينجحوون في حياتهم
وبعدها ان شاء الله اشووف حياتي ويعوضني الله عن الي راح من عمري
بس متندمت لاني احب عيالي والله رزقني فيهم واحلي شي لي في الحياه بعد رضي ربي علي ان شاء الله
عادي عشت يتيمه
وبكمل يتيمه
يرب تعووض علينا يارب
وعلي كل محروومه​

 

[ناتشوو]

الموضوع حيل مؤثر
واسلوبج حلو بصياغته :eh_s(7):

بس كل وحدة تحط في بالها:
يقول سيد المرسلين عليه الصلاة والسلام: «عمل المرأة في بيتها وحسن تبعلها لزوجها يعادل الجهاد في سبيل الله»

هل هذا العمل هو إعداد الطعام وترتيب المنزل وغسل الملابس ووو...؟ - لا
بل هو مجاهدة النفس وتقويمها على الصبر على الحياة الزوجية ومتطلباتها، ومعرفة أن ما تواجهين من إهمال لك من زوجك أو احتقار لشأنك أو سوء معاملة إذا قابلته بالصبر والاحتساب عند الله فلك أجر عظيم.
إنك على علم ويقين بأن الله يراك فاصبري واحتسبي ولك الجنة

وهذا مطلب كل مؤمنة

والله لايضيع الاجر ولا التعب

 

[ناتشوو]

احب هالموضوع
حافظته عندي
اليوم قاعدة ارتب اجهاز
وقريته مرة ثانية
يستاهل الرفع

 

[معلمة شيسمونه]

كلامج يعور القلب
وصحيح ميه بالميه

لازم انتي تدورين الشي اللي يسعدج

طلعي استانسي عيشي حياتج وكل عمره له حياه تناسبه

في ناس عايشه ببيتها وضاعت سنينها وكبرت من غير حتى زواج وصلت الخمسين وعايشه بروحها

على الاقل عندج بيت وعيال يحبونج ومحتاجينج
ونسيهم وبتستانسين

حاولي تأدبيــــــــــــــــنه صحيح بوطبيع ما ييوز عن طبعه

لكن تقدرين تأدبينه بشغلات وايد ولازم يحس انه انتم مو مستانسين
يقسم الوقت بينكم وبين ربعه مافي مانع يستانس مع ربعه بس هم انتم بتستانسون

والله ياجر كل وحده على جذي ريل

 

[د.مشمش]

بنتي عندي تسوى الدنيا ومافيها
اشوف النور طالع من عيونها لما تضحك لي
وغير هالشي لايهم عندي

 

[ترجمة احساس]

رد : أيام العمر من يعوضنا عنها

الله يعين