السلام عليكم ورحمة الله وبركاته.....
بصراحة ما حبيت تكون أول مشاركاتي في هالموضوع لكن قدر الله وما شاء فعل
أولا ودي أعزيكم وأعزي أهالي الضحايا و لا يسعني إلا أن أقول.......
لاحول ولاقوة الابالله ,,,,,وإنا لله وإنا إليه راجعون
اللهم اغفرلهم وارحمهم وسائر اموات المسلمين واجمعنا بهم في الفردوس الأعلى ..
اللهم ألهم ذويهم الصبر والسلوان على مصابهم وأعظم أجرهم واجبر مصيبتهم.
أولا ودي أعزيكم وأعزي أهالي الضحايا و لا يسعني إلا أن أقول.......
لاحول ولاقوة الابالله ,,,,,وإنا لله وإنا إليه راجعون
اللهم اغفرلهم وارحمهم وسائر اموات المسلمين واجمعنا بهم في الفردوس الأعلى ..
اللهم ألهم ذويهم الصبر والسلوان على مصابهم وأعظم أجرهم واجبر مصيبتهم.
ثانيا:-
حبيت أكتب هالموضوع في منتداكم الرائع اللي يجمع كثير من حريم الكويت بمختلف أعمارهم ووظايفهم..
ما أدري إذا في أحد كتب عن نفس الموضوع أو لأ لأني ما قريت كثير من المواضيع اللي تتعلق بكارثة الجهراء,,,, كل اللي قريت عنه الزوج والزوجة لازم تاخذ جزاها والأدلة وغيرها....
ما أبي أطول عليكم, ولا أطول على نفسي.(لأني بصراحة مو متعوده أتكلم واجد)
حبيت أكتب هالموضوع في منتداكم الرائع اللي يجمع كثير من حريم الكويت بمختلف أعمارهم ووظايفهم..
ما أدري إذا في أحد كتب عن نفس الموضوع أو لأ لأني ما قريت كثير من المواضيع اللي تتعلق بكارثة الجهراء,,,, كل اللي قريت عنه الزوج والزوجة لازم تاخذ جزاها والأدلة وغيرها....
ما أبي أطول عليكم, ولا أطول على نفسي.(لأني بصراحة مو متعوده أتكلم واجد)
أيتام الضحايا
هالأطفال الأبرياء اللي سبحان الله فقدوا أماتهم وخواتهم وجداتهم وخالاتهم وعماتهم فجأة من دون أي مقدمات(لا اعتراض على حكم الله)....شلون راح تكون حياتهم؟؟ شلون راح يجاوب الأب إذا اسألوه عياله: أمنا وين راحت؟؟ أختنا ليش ما رجعت؟؟
ولا منو راح يوكلنا أو يلبسنا حق المدرسة؟؟ و...و....و.....و من هالأسئلة اللي أنا متأكده إنها راح تنسإل للأب أو الأخ.. أو الزوج !!
محد سأل شلون راح تكون صحتهم النفسية اللحين؟؟ محد طرح اقتراح يناقش فيه صحة هالأيتام النفسية؟؟
درست في صحة نفسية عند الدكتور بدر الشيباني( واللي أتمنى اللحين أسمع تحليله عن هالكارثة و تأثيرها على هالأطفال)
إن حرمان الطفل من أحد والديه راح تنشأ عنه اضطرابات في الشخصية و قد يعانون من التبلد الانفعالي الاجتماعي بحيث انهم ما يهتمون بتكوين علاقات مودة مع الآخرين....ويمكن يتولد عنهم العنف بحيث إنهم راح يحطون اللوم على المجتمع أو أي أحد لفقدانهم أعز الناس لهم سواء أمهم أو اختهم أو حتى أخوهم.....
وبعد يمكن يصابون بأمراض نفسية الله أعلم بها
وأنا بصراحة ما أدري لأي جهة لازم أوجه هالكلام ,,, التربية أو الشؤون أو الخدمة الاجتماعية وحتى أولياء الأمور لازم يفكرون بصحة هالأطفال اللي لا حول لهم ولا قوة....يمكن التأثير ما يبين اللحين بس تعرفون ان راح يكون لهذي الكارثة تأثير سلبي على هالأيتام وأهالي الضحايا طبعا".....
عشان جذيه أتمنى من أي وحده منكم تتبنى هالفكرة أو تقدر توصلها حق الجهات اللي تقدر تساهم على الأقل في تقليل الضرر النفسي على الأطفال وأهالي الضحايا....وترى علاج الآثار النفسية ما تقل عن علاج الأمراض الجسمية
ولا منو راح يوكلنا أو يلبسنا حق المدرسة؟؟ و...و....و.....و من هالأسئلة اللي أنا متأكده إنها راح تنسإل للأب أو الأخ.. أو الزوج !!
محد سأل شلون راح تكون صحتهم النفسية اللحين؟؟ محد طرح اقتراح يناقش فيه صحة هالأيتام النفسية؟؟
درست في صحة نفسية عند الدكتور بدر الشيباني( واللي أتمنى اللحين أسمع تحليله عن هالكارثة و تأثيرها على هالأطفال)
إن حرمان الطفل من أحد والديه راح تنشأ عنه اضطرابات في الشخصية و قد يعانون من التبلد الانفعالي الاجتماعي بحيث انهم ما يهتمون بتكوين علاقات مودة مع الآخرين....ويمكن يتولد عنهم العنف بحيث إنهم راح يحطون اللوم على المجتمع أو أي أحد لفقدانهم أعز الناس لهم سواء أمهم أو اختهم أو حتى أخوهم.....
وبعد يمكن يصابون بأمراض نفسية الله أعلم بها
وأنا بصراحة ما أدري لأي جهة لازم أوجه هالكلام ,,, التربية أو الشؤون أو الخدمة الاجتماعية وحتى أولياء الأمور لازم يفكرون بصحة هالأطفال اللي لا حول لهم ولا قوة....يمكن التأثير ما يبين اللحين بس تعرفون ان راح يكون لهذي الكارثة تأثير سلبي على هالأيتام وأهالي الضحايا طبعا".....
عشان جذيه أتمنى من أي وحده منكم تتبنى هالفكرة أو تقدر توصلها حق الجهات اللي تقدر تساهم على الأقل في تقليل الضرر النفسي على الأطفال وأهالي الضحايا....وترى علاج الآثار النفسية ما تقل عن علاج الأمراض الجسمية
أتمنى تكون الرسالة وصلت واعذروني على الاطاله والأخطاء الإملائية
أختكم جنى الجنتين888
