إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[بدر البدور]

إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

السلام عليكم

بعد ماشاركت في موضوع آآآه من الطلاق حسيت أنه في نسبه من المطلقات في المنتدى ففكرت لو نخلي هالموضوع فرصه لكل وحده تفضفض بالي في خاطرها وترتاح خاصه إذا كانت من نوعيتي الي مااحب اتكلم مع ناس يعرفوني عن مشاكلي .


شاركينا بمشكلتج أو حتى نصيحتج أو أكثر شي مضايقج بعد الطلاق وأكون طماعه لو طلبت قصتج علشان نستفيد وتستفيدين ؟

أهمالأسئله ؟؟؟
كم دام زواجك؟
هل تظنين أنك غلطتي وأنك سبب الطلاق؟
حاسه بالظلم ؟
شنو أكثر شي مضايقك بعد الطلاق؟
تشتاقين له وتتمنين تردين له ؟
شنو أكثر شي ندمتي عليه وعطي نصيحتج لنا؟


وأترك لك المجال تختارين السؤال الي في بالك وتجاوبين عليه بصوت عالي ؟

وتأكدي انه موبس المطلقات بيستفيدون من الموضوع حتى المتزوجات ممكن يتجنبون أخطاءنا ويتعلمون من تجربتنا..
خلونا نساعد بعض ونقوي بعض

 

[أغلى حبيبه]

رد : إذا أنتي مطلقه شاركينى؟

الله يعوضكم بالرجل الصالح

واللي يستاهلكم

بدوره ماقلتي شنو اسباب الطلاق

 

[بدر البدور]

رد : إذا أنتي مطلقه شاركينى؟

راح أكون أول وحده طبعا...

دام زواجي 4 سنين وكنت أسعد وحده اول سنه ونصف سعيده بعد سنه وست أشهر وميقهوره وحزينه على طول بعدها وعشنا اغراب أخر سنه الحمداللله ماحملت رغم انها من المشاكل الي صادفتني غلطتي الوحيده اني كنت أتجسس عليه صحيح أهو الي سبب بس الحين اقول لنفسي ماكان لازم اخليه يخرب اخلاقي رغم إني بالأول لما كانت الباحثه تقولي هذا غلط كنت أقولها أعذريني شتبيني أسوي وزوجي له رفيجه من 9سنين وهذا يحبها وهذا زميله وهذا تسليه وكل ماكنت أقول ماراح أسوي جذي كان يستفزني بالمسجات الليله وقعدة بالسياره لساعات !!!
أحس إني غلطت بثلاث اشياء منها التجسس ..السمنه... النوم؟ بس احب اوضح انه السمنه كانت من العلاج والياس والنوم طبع فيني ماكنت اقدر اغيره والله يعلم إني عمره مادخل ولقى بيته وسخ او ملابسه واو غيره ؟أكثر شي مضايقني الفراغ العاطفي خصوصا اني عمري ماكلمت ولاأنا من هذا النوع دايما كان طموحي الزواج علشان ألقى الحب فيه؟حاسه بظلم كبير ؟اشتاقله احيانا بس بسبب الفراغ بس مستحيل ارد له؟التجسس ندمت عليه ولجهلي كنت أظن في رجال أوفياء لكن الحين نصيحتي مادام زوجك زين ويحترمك وإذا كان الشي الوحيد الي مضايقج فيه أنه يغازل طنشي ولاتفتشين وراه ؟أنا من بعد شهرين عرفت بعلاقاته وصبرت ولو كانت مشكلتي الوحيده بس هالموضوع كانت صبرت بس اهو كان عزوبي متزوج

أسفه للإطاله وأتمنى أنكم تستفيدون ؟
أ

 

[نفيشه]

رد : إذا أنتي مطلقه شاركينى؟

بدر البدور
الصراحة موضوع حساس وحلو ان نتناقش فيه مثل ماقلتي علشان نتعلم من بعض
وانا رايي ان اللي زوجها عنده سوالف بنات لازم تشده ناحيتها وتنسى سالفة انها تصارحه وتواجهه او تكلم البنات اللي يعرفهم لانها تحط نفسها بموقف ضعف وراح يكون شكلها حتى جدام رفيجاته ضعيفه وقليلة الحيلة مع انها ممكن تستغل هالوضع لصالحها
وبالنسبة للزوج بعد رايي انها ماتواجهه لانه خلاص بيعرف ردة فعلها
المرة لازم تصير ذكية بهالمواقف وتشغل كيد النسا
تصلح اخطاءها وعيوبها بدون لا يحس انها درت
تحاول تجذبه ناحيتها وتشده
تهتم بنفسها اكثر
تعاملة مثل رفيجته مو زوجته
يعني توفر له الشي اللي يبيه من رفيجته
يعني رفيجته شنو بيكون عندها غير؟؟؟ ولا شي
مجرد صحوة مننا ترى وترد الامور احلى من الاول
وترى قوة المراة بضعفها
يعني استعبطي مو شين ولا عيب
المهم توصلين للهدف اللي تبينه
اذا كان الهدف اهو ردة زوجج لج واستغناءه عن هالعادة
فاسعي لهالهدف بكل الطرق
بذكاء
ومع الدعاء طبعا
هذا اولى انسان تتعبين علشانه
والحياة مو سهلة والواحد ما يحس بقيمة الشي الا اذا انوخذ منه
فالمرة تحاول تكسب هالمعركة بذكاء وحكمه وحسن تصرف
المهم ان الريال يرجع بقناعه لان رجعته عن قناعه راح تكون افضل من رجعته بالغصب لانه بيرد على خماله مرة ثانية من تسنح له الفرصة

وسامحوني عالاطاله

 

[حبنا الله عليه]

رد : إذا أنتي مطلقه شاركينى؟

بدر البدور الله يرزقج باللي يعوضج يارب

وانسـي

انســي

ماتوقف الدنيـــا عشان رجال
لا صار هو والغدر توم و ولايف

 

[بريق]

رد : إذا أنتي مطلقه شاركينى؟

الله يعوضج باللي احسن منه .. ويستاهلج ويصونج .. وانسي على قولة حبنا الله عليه .. دام انتي ما ظلمتيه صدقيني وثقي ان الله بيرزقج .. وعليج بصلاة الليل وسورة البقرة ..

 

[سحايب8]

رد : إذا أنتي مطلقه شاركينى؟

ماقول ألا التم المتعوس على خايب الرجا

 

[سحايب8]

رد : إذا أنتي مطلقه شاركينى؟

والله احنا مساكين يا هالبنات نكسر الخاطر وكلمة مطلقه هذي في هالمجتمع الظالم جريمه احنا مسوينها . ولو الرجال فيه عيوب الدنيا كلها يمشي حاله ويقدر يتزوج بدال البنت بنات.
عدل يابنات؟ والله معاج يابدر البدور ومعانا

 

[StEllA]

رد : إذا أنتي مطلقه شاركينى؟

اختي بدر البدور..الله العالم اني ما اعرفج بس لما قريت قصتج الدموع اترست اعيوني...سمعيني اختي الغلطة مو غلطتج انج طحتي على واحد واطي مثل هذا ...هذا نصيبج و لازم تحمدين ربج الف مرة انج افتكيتي منه و مليون مرة لانج ما حملت منه...اعتقد الغلطة غلطة اهلج اللي ما سالوا عنه ...الرسول صلى الله عليه وسلم اللي ما ينطق عن الهوى نصحنا و نصح اهلنا نصيحة ثمينة من الف و اربمية سنة و ما زالت واهي "من ترضون دينه وخلقه" مو بس الدين و الاخلاق بعد ...انا ما اقول هالشي عشان تلومين اهلج لآلآلآلآ ابيج تخففين عن نفسج الحمل اللي انتي شايلته باعتقادج انج السبب في الطلاق واحد مثل هذا ما عليه حسوفة .....الحين الحل....
1-انسي الماضي و اعتبريه تجربه للاستفادة
2-اشغلي وقتج اذا ما خلصتي دراسة ردي كمليها و اذا عندج شهادة توظفي فيها لان الدراسة و الوظيفة بتنسيج و تغير الجو اللي عايشة فيه و بتعرفين على ناس و وجوه جديدة يمكن عن طريقها توفقين بزوج صالح.
3-اهتمي بنفسج ضعفي نفسج سوي نيو لوك على ما قالوا لا تكون مطلقة و لمنو اتسنع لالالالالالالالا غيري مطهلرج لنفسج و كلنا بنات و نعرف انه مجرد روحة الصالون تغير المود
4-تقربي لله اكثر ما تدرين يمكن الله حطج بهالوضع لانه يحبج و عشان تتقربيله اكثر : صلاة و صيام ودعاء و عمرة و قراءة قرآن
5-اتسبي لاحدى الجمعيات الدينية أو عمل تطوعي لملأ وقت فراغج
6-اذا قبل كنت ماشية سيده ..الحين لازم تديرين بالج اكثر على اخلاقج لان بعض الرجال و الحريم اللي يشتغلون.......يلقون المطلقات صيدة سهلة
الله يوفقج و يعوضج كل خير

 

[brettey]

رد : إذا أنتي مطلقه شاركينى؟

اختي بدر البدور الله يعوضج بأبرك منه انشالله انت حمدي ربك انك ما يبتي منه عيال انا مريت بمشكله الطلاق انا الحمدلله زوجي ما عند سوالف وخرابيط بس كان عديم المسؤوليه يبي عيال وعيزان يربيهم انا زوجي دوامه شفتات يومين دام و4 ايام عند اهلي وما كنت اسوق فلما يروح الدوام كنت اروح عند اهلي ولما يطلع من الداوم ما اييني الا بليل عقب ما يشبع من البر والمزارع انا ريلي يحب يربي دياي وحمام وطيور ويهاوش جلاب فلما احتاج للطبيب او جمعيه كله يقولي خلي سايق اهلج يوديج واهلي يعصبون واحيانا الله يهديهم يشيشوني بقصد انهم يبون لي الزين وانا بعد المشكله كانت غلطتي ان ما عودته انه يوديني واييبني لاني كنت استحي انا ساكنه عند حمولتي بس الحمدلله طيبين وانا زوجي طيب مو عصبي بس عنيد ولما كنا نتهاوش يخليني في بيت اهلي ولا يرد علي اسبوع شهر عادي عنده والاهل يدخلون ونتصالح عقب معاناه اهو حنون وايد على العيال بس مشكلته كان عديم المسؤوليه ويو اتوظف كنت حامل بولدي الثاني وعقب ما ولدت تدربت وعقبها صارت مشكله بينا واضطريت ارفع قضيه عشان اادبه لاني مليت من الحقران بس اهلي الله يسامحهم كان لهم يد في مشكلتي انا عندي خدامه واهلي اصروا اني اييب خدامه ثانيه وابوي قال لي ماتدخلين بيتي الا ومعاج خدامه ثانيه وخلوني اتهاوش مع زوجي واهله الله يسامحم كشتوا فينا وحماتي الكبيره بينت حقارتها بقيتها عون وصارت فرعون بقيتها تصلح بيني وبين زوجي تخيلوا اهي مرت بنفس مشكلتي وانا حامل بولدي الثاني اهي كان كان عندها بنت وزوجها خارب يشرب ويخونها وياخد فلوسها وتهاوشت معاه ورفعت عليه قضيه ووقفت معاها وواسيتها وبعدين رجعت لزوجها من ورى اهلها وعصبوا عليها اهلها وخصوصا زوجي بس بعدين تصالحوا معاها الا زوجي ويوم شكيت لها منه وقفت معاي وطلعت كل عيوبه وبعدين قالت انه انا قلت عنه كلام يخرع وطلقني بسببها الحقيره انشالله اشوف يوم فيها ويوم رحت اخد اغراض مدت لسانها يامال القص عليي وعلى امي مع انه ما سكتنالها وقالت لي تستاهلين الطلاق وامي بسببها دخلت المستشفى ارتفع عندها الضغط والسكر بس الحمدلله الله استجاب لدعائي وردني لزوجي بفضل الله ثم امه الي اهي خالتي صالحت بينا والحين الحمدلله وايد مرتاحه وقمنا نحل مشاكلنا بروحنا ومحد يدري عنا كل شي نحله بدارنا وصار قد المسؤوليه كله يهون عشان عيالي وحماتي اتعامل معاها رسمي حتى رقم تلفونها ما اعرفه ولا ابي اعرفه حتى يوم ولدت ولدها الثاني مارحت لها بالمستشفى وانشالله اشوف حوبتي فيها ولاعمري راح اسامحها ودايما ادعي عليها

 

[بدر البدور]

رد : إذا أنتي مطلقه شاركينى؟

نفيشه=شكرا لمشاركتج في هالموضوع وبالنسبه لكلامج فعلا لازم المره تشد زوجها يمهابس حبيتج تعرفين إني من هالناحيه ماقصرت أنا بطبعي أنسانه متجدده وكانو دايما خواته وزوجات أخوانه دايما يقولولي منين تجيبين هالأفكار سواء بشكلي ولابلبسي ولابتغيير أثاث البيت ولا بالجو الرومانسي ولابجنوني احيانا صدقيني بس إذا أهو كان في ليلة زواجي تأخر علي علشان يكلم رفيجته وانا عروس تخيلي ماشاف لا خير مني ولا شر تعتقدين المشكله إني ماشديته يمي ؟؟؟؟


حبنالله عليه=شكرا وصدقي هذا التجربه تقربني من الله أكثر وأكثر .

سحايب= منو المتعوس ومنو خايب الرجا؟ مشكوره لج على زيارتنا وعموما انا الحمدالله كلمة مطلقه ماتهمني واهلي بعد متفاهمين .

stella=مشكوره وماتبجين على غالي وصدقيني هذي رتوش من قصة زواجي وكل ماقريت مشكله لوحده أتأكد أن مااحد مر بتجربتي إللا إلي زوجها مدمن او يشرب.
معاج حق أهلي ماسألو عنه لإنه ولد خالتي وأنا كنت بعمر 15 لما ملجت فكنت مستسلمه للوضع.
انا ماقلت إني السبب في الطلاق لا انا مو السبب بس انا أحب أواجه نفسي بأخطائي علشان أتعلم منها وتزيد قوتي أما الماضي لايمكن أنساه لأنه أخذ 9 سنين من عمري بس أكيد ماراح أكون أسيره له.وعلى فكره اليوم انا بعد سنتين من طلاقي مابجيت ولا مره على هذا الطلاق وبعد شهر من روحتي لأهلي درست والحين أنطر الوظيفه ويمكن أدخل الجامعه وبالنسبه للشكل أنا الحين اسوي رجيم أما الأخلاق انا قلت أنه عمري ماكلمت وهذا مومعناته أني ناويه أكلم لا أنا مااخسر ربي علشان متعة ساعه بس أقول هذا لان الي ماجربت الحب دايما نفسها تعيشه مع زوجها فتكون العاطفه والحب فيها أكبر من الي جربت .

brettey= شكرا للمشاركتج معانا بقتصج وفعلا أكبر الأخطاء ان الزوجه ماتعود
زوجها على المسئوليه وتدخل احدبمشاكلها أما حماتج فنصيحتي لج مهما كانو زينين معاج خلي لج حدود معاهم يعني أضحكي سولفي وأخدميهم بس أسرارج لا أحد يدري عنها إلا في مشكله توصل لدرجة الطلاق ممكن تدخلين أحد عاقل وفاهم من أهلج واهله والله لايجيب الطلاق لحد أبدا .

أغلى حبيبه كتبت بعض اسباب الطلاق وشكرا لج

 

[FOZQ8]

رد : إذا أنتي مطلقه شاركينى؟

بصراحه بنات تعقدت
يعني الوحده اذا درت انه ريلها يخونها اطنش ؟؟
حتى لوبتعدل روحها هذا اذا فيها عيب بس شلون تتحكم بعواطفها ؟؟
اشمعنى الريال نعذره و اذا سوا اي شي نقول شرفه وشعوره وكرامته
عيل المره شنوو ؟ ما تنجرح كرامتها ؟؟ ولازم يكون فيها عيب عشان اهوه خانها؟؟
منويقول ؟؟ صدقوني اغلب اللي يكلمون البنات اذا سألتوهمفيها شي مرتكي قول لأ موقاصرها شي بس انا لعوبي وهالحجي
الدين مايفرق بين المره الخاينه والريال الخاين لكن للاسف مجتمعنا عودنا انه المرهتسكت وتاكلبروحها وتنطم والريال مسكينمعذور اكيدفي شي بمرته ناقص
اذا جذي الزواج هاليومين عيل مافي ريال يستاهل الوحده تسلم نفسها له ولو حتى بالزواج وتقعدببيت اهلها وايد احسن لانه الزاهر مافي رياييل بهالزمن

اختي بدر البدور انا احط اي لوم عليج وانتي لواهملتي جسمج من اللي صار فيج لانه انتي نفستي عن غضبج واحباطج كله بالاكل ولاتقولين انج انتي السبب لانه الزاني لا ينكح الا زانيه يعني الزاني يحرم عليه انه يعاشر مره عفيفه شريفه
والله يكون بعونج

 

[Dancing^Queen]

رد : إذا أنتي مطلقه شاركينى؟

بدر البدور

بريتي
الله يعوض عليكم ويخلفكم كل خير

بدر البدور الحمدالله انج طلعتي اقوا من هالتجربه وعلي قوله الاجانب IF It doesn't kill you, it will make u stronger
بس اهو حاليا شنو وضعه؟؟ شصار عليه؟؟؟
والله يوفقج بوظيفه ممتازه وجدامج العمر كله

_________________________________________

بريتي
مبين من تجربتج انج كنتي صغيره لمات زوجتي وواثقه بالناس زياده عن اللزوم
بعدين مع احترامي لاهلج المفروض مايسوون اللي سووه ، المفروض يهدونج والمفروض ياعزيزتي مو كل المشاكل اللي بينج وبين ريلح تنقال في اسرار تحفظ فيها الزوجه لنفسها وماتقولها حتا حق امها
انتي مرته يراضيج وتنسين امج وخواتج ماينسوله بس ماقولج صيري غريبه ولاتعلمينهم شي
بس عاد لاتخرين كل شي باجر المشاكل ماتنتهي
وبعدين نصيحه
لاتدعين علي حماتج
ادعي لها بالهدايه ، ترا في ملك يقول ولكي مثله

 

[الشيف رقيقة]

رد : إذا أنتي مطلقه شاركينى؟

البنات ماقصروا وياكم ومااقدر ازيد غير دايما وابدا رددي في كل مصيبة ومشكلة

:: اللهم آجرني في مصيبتي واخلفني خيرا منها :: والله ان شاءالله بيفرجها عليج وعلى الجميع ويتم هذا نصيب وقضاء الله وقدره

والله يعوض صبركم خير ان شاالله ويرزقكم برياييل اصحاب دين وخلق قولوا آمين

 

[brettey]

رد : إذا أنتي مطلقه شاركينى؟

عزيزتي dancing qween انا يوم اتزوج عمري 20 سنه وبعدين انا الحين قمت ما اقول شي حق اهلي حتى لو مثلا كنت زعلانه ما ابين هالشي خصوصا اني بعد ما رديت لزوجي قمت ازور اهلي مره او مرتين بالاسبوع لان الحين عندي سياره وماخده راحتي وحماتي حسبي الله عليها انا مثلا ما ادعي عليها بالشر مثلا يارب تتطلق او تموت او...الخ انا دايما اقول حسبي الله ونعم الوكيل فيها ويارب تنتقم لي منها وتوريني يوم فيها والله يفرج هم كل وحده مطلقه وعانت من الطلاق ويعوضها بخير امين

 

[بدر البدور]

رد : إذا أنتي مطلقه شاركينى؟

FOZQ8=شكرا لمشاركتج أحنا نقول للزوجه الي ماتبي تطلق لاتفتش وتحكم بأعصابها وتطنش لسبب بسيط إذا واجهتي زوجك بخيانته وأعتذر وأستمريتي تفتشين لأن لاحظي إذا فتشتي من اول مره أو حتى بديتي تفتشين بعد موقف أوسبب يخليج تشكين فيه صدقيني من تجربتي أقولج ماراح تقدرين تمنعين نفسج من التفتيش ..نرجع لموضوعنا ممكن يعتذر مره ويراضيج مرتين هذا إذا كان لعوب بعدين بيصير مالج أي إعتبار عنده وممكن يكلم قدامج أو يقولج هذا أنا كيفج وبدال ماكان يخبي خوف على مشاعرج وأحترام لج ولحياتكم يصير مايهمه .. أما الزوجه الي مايهمها أمر الطلاق ممكن تواجها من اول مره وتحطه قدام الامر الواقع وتكون حاطه في بالها الطلاق .

فعلا أخر سنتين زاد وزني وايد وماانكر أني حطيت همي في الاكل لأني ماعندي أحد أشكيله فكان هذا الحل قدامي.

Dancing^Queen=شكرا للمشاركه
الشيف رقيقه= أميـــــــــــــــــــــــــــــــــــــــــــــــن



بنات بلييييييييييييييييييييييييييييز هذا الموضوع موقصتي بس اتمنى كل وحده تذكر قصه لها مشكله ممكن نتعلم منها أنا ماكتبيت الموضوع علشان تواسوني رغم شكري الكبير لكم بس أنا حابه نتعلم اكثر من بعض أكثر من الطبطبه على بعض

وشكـــــــــــــــــــــــــــــــــــــــــــــــــــــــــــــــــرا لكم

 

[نفيشه]

رد : إذا أنتي مطلقه شاركينى؟

نفيشه=شكرا لمشاركتج في هالموضوع وبالنسبه لكلامج فعلا لازم المره تشد زوجها يمهابس حبيتج تعرفين إني من هالناحيه ماقصرت أنا بطبعي أنسانه متجدده وكانو دايما خواته وزوجات أخوانه دايما يقولولي منين تجيبين هالأفكار سواء بشكلي ولابلبسي ولابتغيير أثاث البيت ولا بالجو الرومانسي ولابجنوني احيانا صدقيني بس إذا أهو كان في ليلة زواجي تأخر علي علشان يكلم رفيجته وانا عروس تخيلي ماشاف لا خير مني ولا شر تعتقدين المشكله إني ماشديته يمي ؟؟؟؟

حبوبة بدر البدور انا ما اتكلم عنج شخصيا ... سوري اذا فهمتي كلامي موجه لشخصج
انا قصدت اخاطب الكل والعموم يعني الحريم عامة وليس حالتج بشكل خاص
واكيد لكل قاعدة شواذ وحالتج يعني فيها تمادي كبير من ناحية طليقج والله يعينج على ما ابتلاج
ولكن هالامور تنفع مع بعض الرياييل
وليس جميعهم

 

[بدر البدور]

رد : إذا أنتي مطلقه شاركينى؟

حبيبتي نفيشه لاداعي للإعتذار وكان كلامي بس للتوضيح وعموما أنا أيدج مليون في الميه بالنسبه للتجديد وإن المره لازم تشدزوجها يمها خاصه في أيامنا هذي الشباب يشوفون البلالوي لازم يكون في منافسه من قبل الزوجه وبالنهايه علشان تكون مرتاحه انها ماقصرت في شي .

اناأرحب باي أنتقاد وماازعل وعلشان جذي اعترفت بأني غلطت لما حطيت همي في الاكل وسمنت .
كلنا خطائــــــــــــــــــــــــــــــــــين


عفيه بنات وين قصصكم او مشاكلكم .

 

[نفيشه]

رد : إذا أنتي مطلقه شاركينى؟

كلج ذوق حبوبة
وعسى الله يعطيج على قد نيتج
)))

 

[معلمه متميزه]

رد : إذا أنتي مطلقه شاركينى؟

بدر البدور الظاهر مافي مطلقات بالمنتدى الا انا وانتي بس

عسى الله يوفق باجي البنات ويخليلهم رياييلهم وعويلهم ويسخرلهم ازواجهم ويجعلهم من اسعد الناس امين ..

ويعوضني انا وياج وباقي المطلقات خير انشاء الله ..

ثانيا ..ردا على اسالتج ..


كم دام زواجك؟

سنة

هل تظنين أنك غلطتي وأنك سبب الطلاق؟

لا مافيني شي الحمد لله وهو بعضمة لسانه قالي مو منج بس ( لو اقولكم القصه راح تعرفون ليش بس اعذروني ما بي اقولها )

حاسه بالظلم ؟

من ام ام امه

شنو أكثر شي مضايقك بعد الطلاق؟

انه ما يسال عن ولده ولا يبي يشوفه بس حده الصور حسبي الله ونعم الوكيل

تشتاقين له وتتمنين تردين له ؟

قطع لا انشاء الله ..

شنو أكثر شي ندمتي عليه وعطي نصيحتج لنا؟

اني تزوجته لاكن قدر الله وما شاء فعل

والف الحمد لله على كل حال وانا الحين مرتاحه بفضل ربي ومدلله عمري وعسى الله لا يحوجني لحد امين .. وعسى الله يخليلي زبوط النقعه الي عندي ويحفظه لي امين ..

وتسلمون