إبرة الخشم .. سويتها :d

[Augie]

قوه بنات..
من زمان وانا بخاطري هالابره, سألتكم عنها الاغلبيه مامدحوها وان مالها داعي
وهم شفتها باليوتيوب ومالاحظت هذاك التغيير عليهم عقب الحقن..
اذا تبون تشوفونها ب اليوتيوب كتبوا بالسيرج:
rhinoplasty non-surgical
بس فيني طبع خايس لا حطيت شي براسي ماكو شي يردني.

أمس الخميس كان موعدي عند د.عاطف في بو حمره كلينيك
خشمي نازل شوي الدكتور بنفسه قال مايتعدل إلا بعمليه
بنفس اليوم سويتها حطتلي السستر كريم مخدر عقب نص ساعه قزني هالابره
الماده اللي داخل الابره على كلامه عبارة عن احماض فواكه
مدتها 6 اشهر تقريبا, الشمس و الجو الحار يقلل من عمرها
البخار و السونا بعد تقلل
في الدول الاوربيه و اللي جوهم بارد تطول لين السنه
مممم بعد شنو
ايه تكلفتها..
فتح الملف:15
الابره:80

ماتسوى محد لاحظ كلش حتى زوجي اللي مجابلني هاليومين
ما قال فيج شي متغير إلا ولدي الصغير يقولي: ماما خشمج كبير صار ههههه
بكحلها جني عميتها

بحطلكم صورة قبل و بعد
ماكو فرق بس اللي لاحظته ان فتحات خشمي بينت اكثر من قبل


اسمحولي الصوره صغيره حيل
لاني مالقيت صوره لي قبل الابره على جنب إلا هذي

عموما ما أنصح فيها
اوفر فلوس الابره حق عمليه وايد أضمن لي
خاصه أن مفعولها مؤقت بجونا الحار مو أكثر من 6 أشهر.

شفت بنتين هناك يايين مراجعه حق الدكتور مسوين عمليه حق خشومهم
ماشاءالله خشومهم تهبل و حيل امدحولي الدكتور
الحق ينقال الدكتور تعامله حلو والسستر الهنديه اللي معاه تينن
كنت بسألهم بجم بس استحيت لول.

 

[Kirsten storms]

ماحب هالسوالف اخااااااااااااف

 

[بآشة الخود]

خشمج احسه حلو وزين لا تلعبين فيه ؛

وحسافه فلووسج لأن ماكو تغيير واضح !

 

[q8helwa]

رفيجتي تمدحها سوتها بعياده نورة الصليلي

 

[انوثتي غير وياك]

انتي يمكن تشوفين الفتحات بينو

لانه ارتفع شوي

 

[عروس مايو 2012]

انا اشوف في تغيير بسيط بس حلو
يالله شي بخاطرج وسويتيه الحين عالاقل تفتكين من التفكير

 

[ạ7ạśêś ~]

بالعكس قاع اشوف تغير من قبل والحين
يلآِ المهم لي في خاطرج سويتهٍِ.

 

[غرور الريم]

مم في تغير بسيط بس حلوو خشمج لاتسوين تجميل بعدين يخرب

 

[^لغموضي معاني^]

يمممه اخاف من الابر

 

[!! دلوعته !!]

اب اب

 

[قطوة@@]

ايه صاجه الابره ما منها فايده
بس احس فيه فرق بسييط

 

[منال $]

في فرررررررق بسيط جدااااا

 

[@ DLOO3TAH@]

في تغيرر بسيط بس

 

[باربي برونزيه]

امبلا تغير خشمج

 

[&موناليزا&]

تغيير بسييييييييييييييييييييييييييييط جدا

عزيزتي انصحج بالعمليه افضل

 

[عسولة كويتيه]

حبيبتي لا عمليه ولا بطيخ سبحان الله

الله سبحانه وتعالى خلقنا في اجمل صوره ولما يتغير فيج شي بعمليه او غيره ممكن يغير ملامحج

بس انا اشوف خشمج اول مافيه شي وحلو

حبي نفسج مثل ماانتي ياما ناس خشومهم كبيره او صغيره بس حلوين

الله خالق الانسان في تناسق وهيئه معينه سبحانه

الله يوفقج ويسهل عليج وخشمج حلو قبل والحين

مع انه اشوف حلو مايحتاج عمليه ..

 

[خلطات المذهله]

في تغير وصار للاحلي وعموما اهي مؤقته يعني حتي لو موعاجبج التغير مراح تطول بسرعه بتعدي الايام

 

[بيلسسان]

خششششمج حلو لاتفكرين تسوين فيه شي

 

[BaiTotia]

أمبلا ماشاالله فيه تغيير

ومايسوى تلعبين بخشمج وعمليات لأن مافيه شي على حسب الصورة اللي حاطتها

 

[Augie]

أشكركم على ردودكم كلامكم و نصايحكم. وماقصرتوا ♡