إثباتات وبراهين على معاناتنا / شرايكم ؟

[{ملاك}]

.
.
.
.
.
.
.
.
.
.
.
.
.
.
.
.
.
.
.
.
.
.
.
.


قوة حبيباتي .. عندي فكرة طرت على بالي .. مادري هل هي جهنميه / شيطانيه ..
بس اللي اعرفه انها عبارة عن (اثباتات وأدلّة وبراهين ) .على معاناتنا.
يعني .. مثال بسيط .. مو وزاره التربية الموقرة كالعادة تُعلن عن استعداداتها و تجهيزاتها للعام الدراسي الجديد ..؟
واحنا طبعا ( بعض الرياض اذا ما كانت كلها! ) نداوم وما نلقى لا تجهيز ولا غيره .. ولا حتى فراشات ينظفون
والأرضية عبارة عن كُثبان رملية !

فـ قلت ليش ما نخلي هالموضوع .. عشان نحط فيه اثباتات وادله على كلامنا ؟

يعني عني .. باجر بصور ان شاء الله الكثبان الرملية (إن وُجِدَتْ) ..
او أي استعدادات وشغلات ناقصتنا نذكرها هني مع الاثبات .. اذا قدرتوا تصورون طبعا
وعشان ماتبين هذي ايّ روضه .. تقدرون بطريقتكم ماتطلع بالصوره أي ملامح تدل على الروضه المذكوره
وبجذي .. نثبت صحة كلامنا .. و بنفس الوقت ما نبيّن عن شخصياتنا وروضاتنا بالمنتدى ..
فقط الاستعدادات أوالنواقص بشكل عام ..

موافقين ؟:tomato2:

 

[فضة المطيري]

اوكيه

 

[QUMAR]

ماشي حبوبه
وانا راح اصور اذا لقيت شئ
يعطيج العافيه

 

[{ملاك}]

قواكم الله حبيباتي .. ان شاء الله الكل يوافق عالفكره

 

[طيرشلوا]

تسلمين على هالموضوع وبكرة يالله ندور اخبار بعض ونسلم
وترا الكثبان الرملية مسؤؤلية الادارة لانهم مداومين من اول تسعة يا اما المديرة او المديرة المساعدة مو الوزارة

 

[{ملاك}]

صاجة يا قلبي .. بس هم التأكد من الاستعدادات والتجهيزات مسئوليه الوزاره ..
مو بس يقولون احنا على اتم الاستعداد وخلاص
لازم يفرفرون عالمدارس ويتأكدون ..

وبانتظار تقاريركم على مكتبي باجر << ههههه حبّت الدور ^_*

 

[فرحه ولكن؟]

مشكوووورة يا قلبي على هالفكرة الرائعة مع انها ما تحل المشكله بس على قولتهم نواسي بعض
وان شاء الله انداوم ونشوف وما ننسى طلبج يالغاليه

 

[*أبلة*]

بما اني توني قريت الموضوع يعني عقب الدوام
فكلامي من غير اثبات مصور
بس الله لا يوريكم الغبار اللي على القنفات والكراسي بغرفة الابلات
رفيجتي مسكينه لابسة بدلة سودة
صارت رمادية
ما انتبهت ان الكرسي مو ممسوح من الوناسة والسلامات واللوية
ونص الروضة طافية كهربتها
فعلا تجهيز ولا منه !!
هذا اول الغيث .. الخير بقبال

 

[تفااحة]

اي واللة ............ لا تشوفون روضتنا شنو نمل زهيوية غباااااااااااااااااااااار ترررررررراااااااااااب حر ماكو تكييف ماكومكان نقعد كل شي وصخ شنووو هذا لا ومغيرين العاب الساحه والحدايد محذفة بالارض والروضة كلها 4 خدامات لا ومن الشارع بعد شيلحقوون المساكين ........... انزين ياوزارة ليش الجذب والتظليل والتفشخر الاعلامي وتقولووون احنا على اتم الاستعدادت ليش مافريتوا اليووم وشفتوا بعينكم احنا خل نفتك من الغبار والوصخ اول وبعدين الخنازير واللة رديت البيت وانا احتك مااااااايصييير واللة بغيت اصور كل شي بس واللة خفت ماشوف احد صور ............. حلاته الصحافه تفر وتشوف وتفضحهم بالجرااااااااايد .........................

 

[عبااير]

تكفوووون انا اليوم اول مادشيت الروضه ...........لاتكييف ولا كهربا بغرفة المعلمات
والله صدورنا تنكت كلنا قاعدين بهالحر والظلام وبعدين رحنا قعدنا بغرفة المطعم
اي تجهيزات اي بطيخ ...........مكيف غرفة المعلمات من ايام الغزو تذكرووون ؟؟...........لا وتثلج بعد
الله المستعان

 

[kajool_80]

انا اليوم داومت والحمدلله ولاول مره شفت العكس منظفين الصفوف والغرفه وكل شي كان لاباس اهون من اي سنه

 

[تفااحة]

على حسب المنطقة التعليمية يمكن ناس وناس

 

[{ملاك}]

هلا بنات حياكم الله
تصدقون ؟ مع اني قلتلكم خل نصور ..
بس فعلا التصوير طلع شوي صعب لان اول يوم والابلات كلللهم متيمعين بمكان واحد فـ اللي بتصور مكشوفه لووووول :/!
اول مادشينا الروووضه شفنا فّراشات الظاهر توووه ملقطينهم يخمون الروضه! ولاا مو بلبس اليونيفورم او لبس شركات التنظيف
لابسين ساري :/
وغبرة قعدنا محكورين بالاداره ليين بعد 3 ساعات نظفوا لنا صف من انشطه اللاصفي!
لانهم يدورون مفتاح غرفه المعلمات .. ضايع مو لاقينه @@
ثاني شي وين المطهرات والمعقمات والكمامات اللي قالوا بيوزعونها بكل المدارس !!!!!!!
احنا صار العكس ..اشكرا قالولنا .. كل وحده باجر تييب معاها كلينكس ومناديل معقمه وكمام @@ كأن احنا طلبه وهم يتأمرون !
لاااا وفوق هذا حسينا بغلقه مو طبيعيه لما قالولنا راح تتوزعون عالمراحل الثانية عالمقصف ودورات ..الخ @@
امبيييييييييييييييييه احنا مو خدم ابوهم ! احنا تخصصنا تدريس اطفال مو بياعات @@ وااااااااي بنجللللللط

 

[{ملاك}]

ثاني شغله خذوا اسماء المعلمات اللي فيهم ربو او ضغط وسكر ..الخ
وعطونا تعليمات مثال اللي بتعطس تطلع بره الغرفه تعطس وترد ... تكفون مو عبط؟ مرات العطسه تصير فُجائيه ههههههههه

انتوا صار معاكم جذي ؟ خذوا اساميكم ؟

 

[طيرشلوا]

انا من الغبار كتم صدرى وللحين تعبانة لما اتنفس واحس محشورة

 

[Eva-SS]

خخخخخخخخخخخخخخخخخخخخخخخخخخخخخخ ملاك ادارنكم عبيطه .. اللي تبي تعطس تطلع برا الغرفة تعطس بعدين ترجع بالله متى يمديها هههههههههههههه صج استهبال


حنا روضتنا نظيفة تهبل شحلاتها بس لاعت جبدنا بس قاعدين نحش ونسولف ولا رضوا يطلعونا الا 12 وثلث ولا حتى قبلها بدقيقة صج نحااسة

 

[*أبلة*]

لا عيل احنا اليوم الناظرة قالت لنا اللي تتاخر عن ال 8:30 راح توقع على التاخير
والطلعة 12:20 مو قبلها
مع ان في رياض يداومون 9:00
يالله ماعليه
خوش بداية للسنة اليديدة

 

[{ملاك}]

طير شلوا .. سلامتج حبيبتي ماتشوفين شر الحال من بعضه


إيفا .. القرارات منزمان عبيطة بن شنسوي يختج


*أبلة* نفس حالتنا بالضبط قالولنا داوموا بالوقت المحدد لول :/ مو عارفين شيسوون الابلات فاضيات لازم يحرونهم شوي خخخخ