إجابه ضروري يالخوات : محتاجه أي معلومه عن مدرسة التميز بخيطان

[حلم الطفولة]

السلام عليكم ،،
خواتي محتاجه معلومات عن مدرسة التميز لأحدى الاخوات والحاله والظرف عااجل جدا ،،
إن كان أحد يعرف أي معلومه عنهم تزودوني فيها وتقولونلي ،،
مشكورين مشكورين ،،

 

[الفتاة السماوية]

المعلومه اللي عندي ان ولد بنت جيرانه كان فيها واهوى بالابتدائي ويحب مدرسته حيل ويحب مدرسينه
وأمه حيل مرتاحه من المدرسه ، اهيا مدرسة مافيها اختلاط والبنين يدرسونهم اساتذه مو أبلات
بس اهوى انتقل لبعدها عن بيته
أعتقد مكانهم بالفروانية عند الفندق

ورسومها مو غاليه ما توصل ال500 للابتدائي على حسب علمي
يمكن زادوا هالسنه مادري

اعذريني هذا اللي اعرفه
والله يسهل عليها يارب

 

[الفتاة السماوية]

على فكرة في مدرستين بهالاسم

مدرسة التميز النموذجية

ومدرسة التميز الباكستانية

وأعتقد وحده بالفروانية
والثانية بخيطان

انا تكلمت عن النموذجية

 

[فنتك كويتية]

ولدى كان فيها خوش مدرسة

 

[حلم الطفولة]

المعلومه اللي عندي ان ولد بنت جيرانه كان فيها واهوى بالابتدائي ويحب مدرسته حيل ويحب مدرسينه
وأمه حيل مرتاحه من المدرسه ، اهيا مدرسة مافيها اختلاط والبنين يدرسونهم اساتذه مو أبلات
بس اهوى انتقل لبعدها عن بيته
أعتقد مكانهم بالفروانية عند الفندق

ورسومها مو غاليه ما توصل ال500 للابتدائي على حسب علمي
يمكن زادوا هالسنه مادري

اعذريني هذا اللي اعرفه
والله يسهل عليها يارب

على فكرة في مدرستين بهالاسم

مدرسة التميز النموذجية

ومدرسة التميز الباكستانية

وأعتقد وحده بالفروانية
والثانية بخيطان

انا تكلمت عن النموذجية

الله يجزيج الخير الفتاة السماوية ماقصرتي عالرد مشكووووره

 

[حلم الطفولة]

ولدى كان فيها خوش مدرسة

مشكوووووره

 

[123kookoo]

بنات ما تعرفون مكانهم اليديد وين او رقم التلفون
مدرسة التميز النموذجيه بليز بنات ابيه ضروري

 

[بيتي بوب بس كويتيه]

من اي مرحله يأخذون ما يأخذون مو الروضه

 

[قهوووه]

المدرسه عربيه ولا انجليزيه
اقصد يقبلون طلبه من مدارس حكوميه ؟

 

[طبعى خجوله]

مدرسة التميز بخيطان من اولى ابتدائي الى رابعه ثانوى بصراحه حلووه انا عن نفسى عيالى الاثنين كانوو فيها بالعكس خووش مدرسه وكلها رياجيل