إجازة أمومة وتعيين جديد...

[الحنان الدافئ]

السلام عليكم ورحمة الله وبركاته ....






بنات المنتدى العزيزات، اللي عندها معلومة تفيدني باستفساري تجاوبني بليز ...

أنا بنتي عمرها 4 شهور ونص، أرضعها طبيعي ولله الحمد، وحصلت ترشيح من الديوان، شسوي ؟ ما أبي أرفض الترشيح أخاف يطول تعييني، منو مرت بنفس حالتي !!! توظفت وبعدين خذت أمومة على طول؟؟؟

مشكورين وما قصرتو...

 

[ألول_85]

الف مبروك الوظيفه ما ودي اضيق خلقج بس جماتي طلع توظيفها مدرسه و اهي توها والده على ما ريلها خلص اوراقها كان لازم تداوم و داومة لها اسبوعين بس لانها والده قبل التعيين بس اعتقد ريلها ما تأكد
انتي داومي على ما تسوين اوراقج الا اسبوعين على ما تداومين اذا داومتي اخذي تغيب جزئي يعني نظام بالساعات يحق لج ساعتين

 

[الحنان الدافئ]

رد : رد: إجازة أمومة وتعيين جديد...

الف مبروك الوظيفه ما ودي اضيق خلقج بس جماتي طلع توظيفها مدرسه و اهي توها والده على ما ريلها خلص اوراقها كان لازم تداوم و داومة لها اسبوعين بس لانها والده قبل التعيين بس اعتقد ريلها ما تأكد
انتي داومي على ما تسوين اوراقج الا اسبوعين على ما تداومين اذا داومتي اخذي تغيب جزئي يعني نظام بالساعات يحق لج ساعتين

حبيبتي ما قصرتي ،،، يعني يحقلي ساعتين أطلع خلال الدوام ؟

 

[meen_ana]

ماادري بس للي اعرفه للي تولد بعد التوظيف من حقها تاخذ اجازة وضع وامومه بس انج والده من قبل ماادري روحي سئلي

 

[الحنان الدافئ]

رد : رد: إجازة أمومة وتعيين جديد...

ماادري بس للي اعرفه للي تولد بعد التوظيف من حقها تاخذ اجازة وضع وامومه بس انج والده من قبل ماادري روحي سئلي

أسأل الديون أو الوزارة؟

 

[Dalal.al3tibi]

رد : إجازة أمومة وتعيين جديد...

انت اقبلي الوظيفة وعلى متخلصين اوراقج يبيلج من اسبوعين لي شهر
وانت مبين عليج الي يخليج ترفضين عشان ترضعين بنتج طبيعي
انت شفطيلها حليب دايما وحطيط بممية وخليه بالثلاجة ترضع منه خلال فترة غيابج

 

[omali_store83]

يمكن على حسب الوزارة

انا بدوامي عادي اذا كانت متعينه يديد وتوها والده لها الحق تاخذ اجازة وضع وامومة واذا طاف الشهرين يصير تاخذ بس 4 شهور امومة

وبالنسبة لساعات الرضاعه اذا مسؤلج زين ويقدر الظروف يعطيج لمدة سنتين .. من حقج ان تقدمين كتاب استاذن ساعتين رضاعه ويوافقلج عليه بس اعتقد كل 3 شهور تمددينه لان انا بدوامي جذي ​

 

[ام اغلى الناس]

ما يصير تاخذين امومه اول ما تتوظفين
وحده توها توظفت معانا و بنتها عمرها شهرين
كلمي البنات بالتعيينات و قولي لهم يطولون بفترة التعيين و قولي لهم ظروفج

 

[الحنان الدافئ]

رد : رد: إجازة أمومة وتعيين جديد...

ما يصير تاخذين امومه اول ما تتوظفين
وحده توها توظفت معانا و بنتها عمرها شهرين
كلمي البنات بالتعيينات و قولي لهم يطولون بفترة التعيين و قولي لهم ظروفج

وين أسال ؟؟؟ دلليني بالتفصيل حبيبتي ،،، ما قصرتي ...

 

[مس أسد]

التعين اليديد ماياخذون امومه بس إجازة وضع هاذا في وزارة التربيه مادري عن الباجي

 

[..’’ياقلبـك الخوّاف’’..]

والله ماكذب عليك ..انا بالتربيه ووحده من البنات تعينت تعيين جديد وسوت امومتها حتى بقى عليها 3 شهور وخذتها وتوها الحين مداومه ..

 

[العيناء]

اللي اعرفه ما تاخذين اي اجازه اول 6 شهور لكن سالي يمكن الامومه غير بس نصيحه عطي البيبي اكثر فتره ممكنه انا اخذ سنه الحمدالله يولي الدوام اهم شيء الاشبال والأمامير

 

[الحنان الدافئ]

رد : إجازة أمومة وتعيين جديد...

مشكورين والله ما قصرتو ... بس وين لازم أسأل !!!!! والله والله احترت !!!! مابي أتوظف بعدين أتوهج!!!

 

[%F&R%]

رد: رد : إجازة أمومة وتعيين جديد...

رفع

 

[..’’ياقلبـك الخوّاف’’..]

اسالي بالدوام مالك .. روحي قسم الاجازات وهناك يعلمونك

 

[الحنان الدافئ]

رد : إجازة أمومة وتعيين جديد...

إن شاء الله ...