إجتماااااع الأمهات

[معلمة متقاعدة]

لا تخبون روحكم بنات

من خبرة سنوات

اهتمى بالابداع بالدرس

الامهات

حطيلهم قهوة وصنيه حلو وسلام عليكم

الاطفال - لبسيهم لبس من اهلهم ( مثلا كلهم بدل لونها احمر - او ابيض او اخضر ) الصبيان دشاديش

المسابقات ما منها اي فايدة

طلعى اليهال يغنون نشيدة للام عقبها اخذى المكرفون

ورحبى بالامهات

وسويلهم مثل ندوة تنويريه

--
توجيهاتج لهم

- علموا ااطفال احترام المعلمة
- كثروا السلوكيات لهم
- لما نعطيكم الرساله كلموهم عن مواضيع الخبرة

وهكذا

 

[بريق الماسه]

لا تخبون روحكم بنات

من خبرة سنوات

اهتمى بالابداع بالدرس

الامهات

حطيلهم قهوة وصنيه حلو وسلام عليكم

الاطفال - لبسيهم لبس من اهلهم ( مثلا كلهم بدل لونها احمر - او ابيض او اخضر ) الصبيان دشاديش

المسابقات ما منها اي فايدة

طلعى اليهال يغنون نشيدة للام عقبها اخذى المكرفون

ورحبى بالامهات

وسويلهم مثل ندوة تنويريه

--
توجيهاتج لهم

- علموا ااطفال احترام المعلمة
- كثروا السلوكيات لهم
- لما نعطيكم الرساله كلموهم عن مواضيع الخبرة

وهكذا

صاجه مسابقات الامهات مامنها اي فايده بس شنو نسوي احنا مطالبين فيها لان مشرفتنا ماتبي النشاط جامد تبي حركه ومسابقات الله يعيننا بس هذا غير النشيد الترحيبي وغير مساقات الاطفال وضيافة الامهات وكل شي على راسي والمشكله تكون اكبر اذا كانت مكملتج مو مهتمه وكانها ضيفه ؟؟؟؟طيب اوكي خواتي المعلمات اذا انتوا مو ناويين تقدمون مسابقات على الاقل عطوني افكار واكون شاكره لكم

 

[عهود الحب]

احنا ماعندنا مسابقات امهات كلش

ومن سنوااااااااات


شخباررررري والله
مولازم اتسوين مسابقة صاروخية بالابداع


دوري لج فكرة بسيطة وحلوة


وخلاص



حطي وجهين مخدة تعرفونهم ؟

وحطي طفلين يطامرون فيها ويجيبون اشياء لامهاتهم بس عاد مومسافة طويلة والام تركب منظر والجاهل راد يناقز ويجيب لها هههههههههههههههه



حطي شد الحبل بين امهات ثنتين



حطي حبلين غسيل وخلي الامهات يراكضون ويدورون كلمات طايحة عالارض ويركبونها وخليها جملة معينة مثلا



{ خبرة الناس يعملون }


وقطي كلمات غلط وخليهم يدورون بينها الاسرع اهمه الفايزين



حطي مجسمات متنوعة بسلة مختلفة حيل عن بعض وعقب تلي السلتين وخلي كل ام تكتب بسرعه جم شي من السلة
اكثر وحدة تتذكر هي الفايزة



حطي فلينة كبيرة فيها صور اشياء وعقب لفي الفلينة وخليها تقول بسرعه شنو شافت كلهم او تكتبهم


هذي لعبة الذاكرة



حطي ورد ملون اشكال والوان


واغصان شجر وجذي وحطي فازتين فاضيين واحلى باقة ورد او فازة ورد




حطي صورة شخصية عامه وهي صغيرة مثال { بيل كلينتون } وسألي منو تعرف هذا الشخص
ولمحي



حطي صورة مدرسة من مدرسات المدرسة وهي صغيرة وخلي الامهات يخمنون منو اهيا ؟؟؟

طبعا الصورة مكبرة او عن طريق الداتا شو



حطي صحون جدام الام وغمضي عيونها قبل وخليها تاكل شغلات تتذوقهم واذا عرفتهم صح جائزة




حطي اعشاب معينة بأكياس وسكريها عدل يعني مو شفاف وخليها تشم شم فيهم الين تعرفهم


وبس



شنو تبين بعد



حطي اكس او كبيرة حيل وخلي امهات اثنين يلعبونها بتكون روعه




حطي الام مع طفلها واسرع ام تلف ولدها بالرول مال الحمام عزكم الله


شنو تبين بعد



اممممم ان تذكرت شي بقولكم

 

[عهود الحب]

انا كنت دايما اكرم امهاتي واطفالي
اختار طفل النظافة طفل الترتيب طفل الحضور الدائم
طفل التواصل واكرم امه عرفتوا




وبعد في فكرة حطي سباق بين امهات وحطي حواجز للطمر مثال المقعد السويدي واطواق ينطون فيها وخندق بعد


وفي فكرة حطي سلة فيها عدة اشياء مثال طحين بطل ماي قوطي بهارات معجون طماط جبن موزريلا او مصورات


واطلبي منهم يقولون شنو اسم الطبخه



حطي صورة مقطعه من وجهين وسألي منو هالشخصين


مثال وجه نصه سعاد عبدالله ونصه نانسي عجرم




حطي العاب حركية



مثال


كريشة ملونة وطفل وخلي كل ام تلبس بنتها فستان عاد موديل حركات




تعرفون البواريك ملوت بو دينار ونص ولبس الشخصيات

عندج طريقتين لبسي الطفل الباروكة وغطيه بلحية وشارب ولبس شخصيات يعني خليه معتم بالمرة


مومبين وخلي منو تعرفه اول هي الفايزة
يعني صورة


ولاتخلين الاطفال يشوفونه لايفتنون

او طريقة ثانية تخلين الام تلبس طفلها بسرعه لبس كامل كشخصية كرتونية

خشي عيالج بالمسرح وطلعي اثنين بخيال الظل
وشوفي الامهات بيعرفون منو ولا لا




مممممم بعد ؟




شقول شحجي ؟



حطي ارقام فردية مثال { 1 / 4 / 5/ 3 }


وسوي مجموعة من اربع امهات او ثلاث واسرع مجموعة تسوي الرقم وتصير حوسة

ونفس الفكرة للكلمات مثال { حرروف } ب / ح / ر


واسرع مجموعة تكون كلمة حرب
وعقبها من اسرع يكون كلمة بحر
وعقب ربح


وهكذا






حطي شجر مجسم وياااكثره بالمدارس


وخلي الامهات يعلقون فوقه الفواكه والفواكه مقطط بالصاله عشان يركضون ويفتر راسهم





مادري اذا تبون قولولي وانا ان تذكرت بقولكم

 

[عهود الحب]

وان تذكرت شي بقولكم

 

[عطري الشوق]

تسلموووووووووووووووووت ع هالافكار

 

[dnyay_mll]

ابلات سؤال؟
خلص الاجتماع؟
الصراحه صارلي اسبوعين وشوي مو موديه ولدي اهو بثانيه لانه لوزه كانت ملتهبه وبوديه الاحد
وبعدين بعرف هالفلوس اللي تنقط على هالسوالف تكفون منو يدفعها امانه بعرف

 

[عهود الحب]

احنا ندفعها

الابلات يدفعون اجل منو يدفع ؟ الوزيرة مثلا ؟


الاجتماع باغلب الرياض الاسبوع الجاي والي وراه



الاحد وديه يداوم

 

[عهود الحب]

للرفع عشان الي مضيعين الموضوع يلاقونه

 

[روكه1]

:hjy5jewf: ياحلوج عهود تكلمين بضمير مافيج نحاسة الحريم

 

[القلب الصافي]

ههههههههههه ضحكتيناااا دنياي عيل عبالج يعطونااا ميزانيه للاجتمااااع الامهاات الله يخلي معاشناااا اللي رايح على الروضه بس يستاهلووون الامهات

 

[روح 75]

بنات في مسابقه الكنز المفقود تخشين شي بالصندوق وتقول بعض مواصفاته وعلى الامهات يعرفون شنو

 

[روح 75]

عهود تسلمين عالمسابقاااااات الحلووه روعه:hjy5jewf:

 

[عهود الحب]

العفو حبيبتي انتي واياها
لاوالله مافيني نحاسة للأسف
مير عسى ربي يكبر حظي
الحظ خايب والحياة صارت مثل الموس بالبلعوم
الله يفرج هم كل مهموم

 

[زهور الجمان]

مشكورة عهود على المسابقات

 

[بنت-أمها]

انا مسويه موضوع عن المساباقات اجتماع الامهات

http://www.q8yat.net/showthread.php?p=6061426&posted=1#post6061426


بفيدكم ان شاء الله

 

[مزاجيه حدي]

العفو حبيبتي انتي واياها
لاوالله مافيني نحاسة للأسف
مير عسى ربي يكبر حظي
الحظ خايب والحياة صارت مثل الموس بالبلعوم
الله يفرج هم كل مهموم

كفيتي ووفيتي يا عهود الحب الله يوفقج دنيا وآخره ويفرج همج ويسهل كل أمورج ... آميييييين

 

[ملاك-77]

DoOoOoha

طريقه المجله مو مكلفه؟ اذا على عدد الاطفال ؟؟؟

جم تكلف تقريبا؟ وناظرتنا ناهيتنا عن التكليف المادي ماترضى