.● Softiah ●.
New member
- إنضم
- 26 يوليو 2009
- المشاركات
- 661
- مستوى التفاعل
- 0
- النقاط
- 0
قوة بنات شلونكم 
آنا شفت وايد مواضيع تناقش شنو إهيا إحتياجات البنت في جنطة إيدها لما تطلع
أما موضوعي فيتكلم عن كل شي تحتاجينه ويكون بالنسبة للبنات مستلزم أساسي في جنطة إيدها أثناء السفر ... أو خلونا نقول جنطة أناقتها .. لأنه الجنطة مثل ما إنتوا عارفين تمثل جزء كبير من أناقتنا أتمنى مايكون موضوعي مكرر لأني بتعب وااايد وآنا بسويه ...و أتمنى إنكم كلكم تستفيدون .....
بسم الله نبدي على بركة الله
(( شنو تحتاجين في جنطة أناقتج أثناء السفر؟ ))
للأسف .. وايد بنات لاحظتهم ماياخذون أهم الإحتياجات إلي يحتاجونها وإهما بالمطار و الطيارة
خصوصا إذاصارت الرحلة طويلة وفيها ترانزيت .. لازم تكون جنطتج إهيا مرجعج الأول إذا إحتجتي أي شي بدون ما تضطرين تشترين شي مؤقت من المطار تستخدمينة مرة وحده وعقب تشوحينة بالزبالة عزكم الله .. موعدل؟
راح أقسم الموضوع إلى أربع أقسام بأربع ردود .. أتمنى من خلالها إني أكون لميت كل شي تحتاجونه
أول قسم: أدوات النظافة
ثاني قسم: الأدوية
ثالث قسم: أدوات التجميل
رابع قسم: أغراض التسلية
ملحوظة مهمة
لازم الجنطة تكون كبيرة نسبيا .. موعنونة ماتشيل شي! لأنه داخل هالجنطة بتحطين جناط عنونات صغار عشان مايضيع قشج وتعتفس عليج الجنطة .. حرصوا على إختيار الجنطة إلي تشيل كل قشكم عشان ما تتوهقون
-----------------------------------------
أولا: أدوات النظافة
No.1
أول أداة وإلي لاحظت إنه أغلب بنات كليتي مايحرصون عليها ولا دروا عنها ! الكلنكس
والله آنا ما أعرف أمشي بدون كلنكس ! في بنات الله يسامحهم يعتمدون على النابكنز مال المطاعم
إلي معتمدة على نابكنز المطاعم أقولها إنسي طريقتج هذي وقت السفر .. وخلي الكلنكس بجنطتج .. تحتاجينه لما تاكلني .. لما تروحين الحمام عزج الله .. سواءا حمام المطار او الطيارة .. ولاحظوا وايد مرات كلنكس حمام الطيارة يخلص .. فإحتياطا لازم يكون وياج كلنكس .. طبعا نوع الكلنكس لازم يكون travel إلي ينحط بالجنطة غلافة الخارجي قرطاس مو كرتون .. وياكثر الأنواع إلي عندنا بالجمعيات .. فلورا والخيران وكلنكسات بوتس وغيرها وايد
No.2
ثاني أداة نظافة أساسية بعد إهيا الـ wet و الـ Handsanitizer أو المعقم
الحمدالله من قبل موجة فلونزا الخنازير عساالله يكفينا وإياكم شررها وآنا المعقم ماينزل من جنطتي .... المعقم مهم خصوصا وإنج إنتي تلمسين أشياء وايد غيرج من الناس إلمسوها .. مثل الطولات .. الكراسي .. مقاعد الطيارة .. فتخيلي إيدج شكثر شالت جراثيم .. فلازم تمسحينة في الكلنكسات المعطرة والمعقم
بالكويت أشهر أنواع المعقمات وإلي متوفرة بالجمعيات إهما HiGreen و Dettol .. آنا أفضل HiGreen لأانه روايحه متعدده و ديتول ريحته كلش ماعجبتني .. والكلنكسات المعطرة ياكثرها من انواع عدوا وخربطوا
ملاحطة مهمة: إخذوا المعقم إلي تكون سعته أقل من 50ml عشان لاياخذونة منكم بالمطارات ......
No.3
ثالث أداة وإهيا مهمة حيل لكل البنوتات و النساء والحريم والأنثى (عرفتوها أكيد) ألا وهي الفوط النسائية
بنات مهم تكون معاج الفوطة النسائية ... حتى لو ماكانت عليج الدورة راح تضطرين تلبسينها عشان تحافظين على النظافة وخصوصا إنه وراج صلاة + ممكن تطب عليج الدورة وتفاجأج وإنتي بالمطار أو الطيارة وياما صارت هالحركة + وإذا كانت عليج الدورة فطبعا مضطرة تاخذينها خصوصا إذا صارت الرحلة طويلة وفيها ترانزيت .. فإحرصوا عليها ولاتنسونها
No.4
الفوط النسائية المعطرة للمنطقة الحساسة و بطل ماي صغير
بنات هذا ملطف حق المنطقة الحساسة .. عادةا ننزل في مطارات شعوب مومثلنا تهتم بوجود الماي للوضوء بعد الإستراحة .. فشنو أسوي؟ آخذ معاي بطل ماي صغير .. عقب ما أخلص أتوضى بماي البطل .. أنشف المنطقة وبعدها أمسح المنطقة في هذا المنظف .. إستعمالنا للحمام عزكم الله أثناء الرحلة ممكن يكون بكثرة .. وإذا عندج ترانزيت بعد راح تملين وتتعبين .. فعشان تحافظين على نفسج من تجمع البكتيريا والفطريات وتكون الحساسية .. حرصي على وجود هالملطف معاج وياحبذا لو معاج بطل ماي صغير للتوضي ترى يتنفع .. وهالماركة Carefree و Femfresh شكثر موجودة بالجمعيات .. حلوة وريحتها تهبل .. الغسول مالها ممتاز والسبراي بعد روعه .. أغلبكم تعرفونهم أكيد ..... وهم اخذوا بطل ماي عنونو عشان ماياخذونة منكم بالمطارات
No.5
فرشة أسنانج ومعجونج وعلج منعش أو حلاوة نعناع قوية
خصوصا في الرحلات الطويلة .. بتمر عليج مليون أكلة .. إشي ثوم وإشي بصل.. وبتنامين وبتقعدين .. فشلون ريحة الفم في هذه الحالة حتى نظافة الأسنان .. مع الجاي والقهوة تبدي تصوفر أسنانج .. فأحسن شي تحطين فرشة أسنان صغيرة مع معجونج المفضل همن صغير .. والعلج أو الحلاوة إلي تكون على نعناع عادة تنباع عند كاشير الجمعية .. عشان يكون الحلج فرش على طول
No.6
الصابون السائل العنونو إلي نلقاه بالفنادق
أكيد ثلاثة ارباعنا لما نسافر نبوق هالسوالف من حمامات غرفنا بالفنادق صابون سائل حجمة مناسب جدا وصغير وعملي جدا جدا .. تحتاجونة وايد خصوصا إنه مثل ماقلنا بعض المطارات تكون لوية وماكو صابون الحالة أرف .. فحلو يكون معاج صابونج الصغير إلي حجمة لابد أقل من 50ml عشان لحد يناشبج .. تغسلين فيه إذا إحتجتيه .. وإذا توفر الصابون بالحمام فخير وبركة .. آنا دايما أحرص على وجود صابون سائل الفنادق بجنطتي تحسبا للمواقف الحرجة
-----------------------------------------
وبجذي نكون خلصنا أول بارت بالموضوع
بردي الثاني راح أحط القسم المهم و إهوا قسم الأدوية
رجاءا لحد يرد
بليز لحد يرد
أرجوكم لاتردون
آنا شفت وايد مواضيع تناقش شنو إهيا إحتياجات البنت في جنطة إيدها لما تطلعأما موضوعي فيتكلم عن كل شي تحتاجينه ويكون بالنسبة للبنات مستلزم أساسي في جنطة إيدها أثناء السفر ... أو خلونا نقول جنطة أناقتها .. لأنه الجنطة مثل ما إنتوا عارفين تمثل جزء كبير من أناقتنا
أتمنى مايكون موضوعي مكرر لأني بتعب وااايد وآنا بسويه ...و أتمنى إنكم كلكم تستفيدون .....بسم الله نبدي على بركة الله
(( شنو تحتاجين في جنطة أناقتج أثناء السفر؟ ))
للأسف .. وايد بنات لاحظتهم ماياخذون أهم الإحتياجات إلي يحتاجونها وإهما بالمطار و الطيارة
خصوصا إذاصارت الرحلة طويلة وفيها ترانزيت .. لازم تكون جنطتج إهيا مرجعج الأول إذا إحتجتي أي شي بدون ما تضطرين تشترين شي مؤقت من المطار تستخدمينة مرة وحده وعقب تشوحينة بالزبالة عزكم الله .. موعدل؟
راح أقسم الموضوع إلى أربع أقسام بأربع ردود .. أتمنى من خلالها إني أكون لميت كل شي تحتاجونه
أول قسم: أدوات النظافة
ثاني قسم: الأدوية
ثالث قسم: أدوات التجميل
رابع قسم: أغراض التسلية
ملحوظة مهمة
لازم الجنطة تكون كبيرة نسبيا .. موعنونة ماتشيل شي! لأنه داخل هالجنطة بتحطين جناط عنونات صغار عشان مايضيع قشج وتعتفس عليج الجنطة .. حرصوا على إختيار الجنطة إلي تشيل كل قشكم عشان ما تتوهقون
-----------------------------------------
أولا: أدوات النظافة
No.1
أول أداة وإلي لاحظت إنه أغلب بنات كليتي مايحرصون عليها ولا دروا عنها ! الكلنكس
والله آنا ما أعرف أمشي بدون كلنكس ! في بنات الله يسامحهم يعتمدون على النابكنز مال المطاعم
إلي معتمدة على نابكنز المطاعم أقولها إنسي طريقتج هذي وقت السفر .. وخلي الكلنكس بجنطتج .. تحتاجينه لما تاكلني .. لما تروحين الحمام عزج الله .. سواءا حمام المطار او الطيارة .. ولاحظوا وايد مرات كلنكس حمام الطيارة يخلص .. فإحتياطا لازم يكون وياج كلنكس .. طبعا نوع الكلنكس لازم يكون travel إلي ينحط بالجنطة غلافة الخارجي قرطاس مو كرتون .. وياكثر الأنواع إلي عندنا بالجمعيات .. فلورا والخيران وكلنكسات بوتس وغيرها وايد
No.2
ثاني أداة نظافة أساسية بعد إهيا الـ wet و الـ Handsanitizer أو المعقم
الحمدالله من قبل موجة فلونزا الخنازير عساالله يكفينا وإياكم شررها وآنا المعقم ماينزل من جنطتي .... المعقم مهم خصوصا وإنج إنتي تلمسين أشياء وايد غيرج من الناس إلمسوها .. مثل الطولات .. الكراسي .. مقاعد الطيارة .. فتخيلي إيدج شكثر شالت جراثيم .. فلازم تمسحينة في الكلنكسات المعطرة والمعقم
بالكويت أشهر أنواع المعقمات وإلي متوفرة بالجمعيات إهما HiGreen و Dettol .. آنا أفضل HiGreen لأانه روايحه متعدده و ديتول ريحته كلش ماعجبتني .. والكلنكسات المعطرة ياكثرها من انواع عدوا وخربطوا
ملاحطة مهمة: إخذوا المعقم إلي تكون سعته أقل من 50ml عشان لاياخذونة منكم بالمطارات ......
No.3
ثالث أداة وإهيا مهمة حيل لكل البنوتات و النساء والحريم والأنثى (عرفتوها أكيد
) ألا وهي الفوط النسائية
بنات مهم تكون معاج الفوطة النسائية ... حتى لو ماكانت عليج الدورة راح تضطرين تلبسينها عشان تحافظين على النظافة وخصوصا إنه وراج صلاة + ممكن تطب عليج الدورة وتفاجأج وإنتي بالمطار أو الطيارة وياما صارت هالحركة + وإذا كانت عليج الدورة فطبعا مضطرة تاخذينها خصوصا إذا صارت الرحلة طويلة وفيها ترانزيت .. فإحرصوا عليها ولاتنسونها
No.4
الفوط النسائية المعطرة للمنطقة الحساسة و بطل ماي صغير
بنات هذا ملطف حق المنطقة الحساسة .. عادةا ننزل في مطارات شعوب مومثلنا تهتم بوجود الماي للوضوء بعد الإستراحة .. فشنو أسوي؟ آخذ معاي بطل ماي صغير .. عقب ما أخلص أتوضى بماي البطل .. أنشف المنطقة وبعدها أمسح المنطقة في هذا المنظف .. إستعمالنا للحمام عزكم الله أثناء الرحلة ممكن يكون بكثرة .. وإذا عندج ترانزيت بعد راح تملين وتتعبين .. فعشان تحافظين على نفسج من تجمع البكتيريا والفطريات وتكون الحساسية .. حرصي على وجود هالملطف معاج وياحبذا لو معاج بطل ماي صغير للتوضي ترى يتنفع .. وهالماركة Carefree و Femfresh شكثر موجودة بالجمعيات .. حلوة وريحتها تهبل .. الغسول مالها ممتاز والسبراي بعد روعه .. أغلبكم تعرفونهم أكيد ..... وهم اخذوا بطل ماي عنونو عشان ماياخذونة منكم بالمطارات
No.5
فرشة أسنانج ومعجونج وعلج منعش أو حلاوة نعناع قوية
خصوصا في الرحلات الطويلة .. بتمر عليج مليون أكلة .. إشي ثوم وإشي بصل.. وبتنامين وبتقعدين .. فشلون ريحة الفم في هذه الحالة
حتى نظافة الأسنان .. مع الجاي والقهوة تبدي تصوفر أسنانج .. فأحسن شي تحطين فرشة أسنان صغيرة مع معجونج المفضل همن صغير .. والعلج أو الحلاوة إلي تكون على نعناع عادة تنباع عند كاشير الجمعية .. عشان يكون الحلج فرش على طولNo.6
الصابون السائل العنونو إلي نلقاه بالفنادق
أكيد ثلاثة ارباعنا لما نسافر نبوق هالسوالف من حمامات غرفنا بالفنادق
صابون سائل حجمة مناسب جدا وصغير وعملي جدا جدا .. تحتاجونة وايد خصوصا إنه مثل ماقلنا بعض المطارات تكون لوية وماكو صابون الحالة أرف .. فحلو يكون معاج صابونج الصغير إلي حجمة لابد أقل من 50ml عشان لحد يناشبج .. تغسلين فيه إذا إحتجتيه .. وإذا توفر الصابون بالحمام فخير وبركة .. آنا دايما أحرص على وجود صابون سائل الفنادق بجنطتي تحسبا للمواقف الحرجة-----------------------------------------
وبجذي نكون خلصنا أول بارت بالموضوع
بردي الثاني راح أحط القسم المهم و إهوا قسم الأدوية
رجاءا لحد يرد
بليز لحد يرد
أرجوكم لاتردون
