ذهب ابيض ... الايام الاولى راح يتابعج كل اسبوع ... وعقبها وراها بشهر عشان يتابع حالتج ...
صراحه ثالث يوم امي سبحتني ماقدر اغسل شعري احسه ثقيل وجسمي انا غسلته وانا قاعده...
وبديت اتنفس من خشمي لما حسيت انه فتح ونظف من الدم ... لاااازم تستخدمين الكريم والبخاخ ... وغطي خشمج بشاش عشان مايطلع الكريم وحطيه بقطن اذون ومو لي داخل حييل شوي شوي ... لاتهملينه ماتسوى عليج التعب اللي تحملتيه ويروح عالفاضي.... انا كوا لي القرنية ...
المره واااايد زينه شميها ومسحي ورا اذونج ... حييييل رووووعه عشان تحمي خشمج من الالتهاب ومن ريحه العطور والبخور والطبخ ...
ديري بالج انسي شي اسمه نقااااب ... لاتلبسينه كلش الا عقب 3 اشهر لانه بعدج خشمج ما ثبت ولما الحين وارم ...
وعلى سالفة الرموش انا طاحو والله واااايد وخفت بس هذا شي طبيعي لانه عيونج وارمه وتغذيتج تغيرت وحتى وزني نزل مع اني ضعييفه وبسرعه ادوووخ .... خلج على الاكل الخفيف اللين .... ولا تاكلين اكل يحتاج انج تمضغينه فتره طويله وبعدي عن العلج والاكل لاتاكلينه واهوه حار ... اكلي داناو مال اليهال اللي على طعم كوكيز اينن يم يم ....
ونصييييحه لاتكثرين من العصاير المعلبه شربيها فريش ... انا كثرت من عصير البرتقال وقب ويهي حساسيه موراضيه تروح صارلي اسبوعين ... وحت الطبيب وعطوني كريم فيه كرتزون وخفت ماحطيته الا يومين وموزين احطه عالخشم يتفخلي خشمي ...
والحين ناطره موعدي عشان يشوفلي الدكتور الحبوب اللي طلعتلي وطلعو على خشمي بعد ... الله كريم ... وحتى سألت عالحبوب وقالولي هذا شي طبيعي لانه جسمج تغير فيه شي ... وعادي مع الوقت تروح الحساسيه وتفاادي الشمس الحارة وتغييرات الجو ...
واكلي ايس كريم ... عشان تمتنين شوي واكلي عيش ملبوج ..<<< 
ههه تحملي شوي ....
واكلي توست لانه خفيف ... وبعد اممممممم ...
شوفي كل نظامي بحاول اكتبه اهنيه ... وبحاول افيدج كثر مااقدر ...
السلام عليكم بنااات ..
انا فررررش مثلج..عمليتي كانت 7-7 يعني صارلي اسبوووع من سويتهاا
اول يوم و ثاني يوم وووورم و بشرتي متفوخه وتعبانه و ازرق و احمر وبنفسجي
ثالث يوم شال لي الفتايل و التنفس الحمدلله طبيعي جداً..
عطاني البخاخ والكريم وكل شوي انظف و ابخ منه
بس استغربت من كلامكم وايد !!!
انا رابع يوم تنفسي طبيعي واشقح لا والعب كوت مع خواتي
و سااابحه بعد
بس شعري ماقدرت اغسله خذيت شامبواتي و مشوطتي ورحت الصالون غسلوه لي
وسوولي حق راسي مساج
معاكم حق اول 4 اياااام وفااااة بس بعدها الحمدلله فوق النخل
انا على اساس موعدي اليوم يشيل الجبس بس الدكتور عنده مقابله ولغى كل مواعيده
وتأجل موعدي للسبت..
وشسالفة المره !
لا مره ولا شي خليج على الادويه الطبيه والبخاخات ..البخاخ اللي عندي ريحته تينن
نعناع وانظف اول بأول والحمدلله لا دم ولا شي !
بس الخياط موجود و الدم اذا نزل ينزل قطرات بسيييييطه...
تبارك الرحمن لحد ينظلني
..
مادري يختي يمكن فروق فرديه..
صج نسيت اقولكم انا عمليتي كانت عند ماجد التقي ..
واي سؤال قوليلي خل نفيد بعضنا..
انا ابي اعرف شغله...: تحسين ان خشمج وايد مرفوع؟؟ ولا عادي؟؟
انا احسه مسموت و مرفووع حييييييييييل ..حتى بديت اخاف تكون النتيجه النهائيه نفس هيفا
عاد الناس كلهم يقولون الدكتور ماجد نتايجه طبيعيه بس انا وحده حظي عوي
الله يستر بس..
لي رجعه
