إذا عندج مناسبة وين تتمكيجين

[بنت الواوان]

رد : إذا عندج مناسبة وين تتمكيجين ؟؟؟

بنات بسالكم بلييز منو مجربا مكايج منيرة الفرج او تهامه العبيد واشرايكم بمكياجهم بلييز جاوبونى والى تعرف رقم تهامة العبيد بلييز لا تبخل على فييه لانى بشوف مكياجها

 

[blue diamond]

رد: إذا عندج مناسبة وين تتمكيجين ؟؟؟

بنت الواوان >> مكياج منيره الفري انا مجربته نازك وراااقي وماتغير الملامح كللللللللش استايلها مثل الاجانب وكلش مو صوب حنان دشتي ولا انتر ولا رشا شيك اهيا واااااااايد انعم وارقى منهم
والفاونديشن نفس لونج مو جص ابيض والجسم لون والويهه لون . نفس اللون

اما تهامه العبيد والله ما جربتها بس يمدحون اختها آسيا العبيد

 

[ساندريلا]

رد: إذا عندج مناسبة وين تتمكيجين ؟؟؟

خووش موضوع استفدت منكم .. عاد انا مو وايد مع الصالونات الاغلب احط حق نفسي

ويوم السبت ان شاء الله عندنا حفله تخرج اختي والصراحة ودي احط هالمره بصالون

وماودي اروح بعيد عن البيت .. مالي خلق اطق درب .. P:

ابي رايكم بصالونات الي بصباح السالم سواء بالشعر ولا الميك اب .. وانا عموما احب الشي البسيط والناعم

مشكورين ويعطيكم العافيه

--------------------------------------------------
مكياج صالون ملك ستايل وايد ذرب وناعم عند منال

 

[قمر^خالد]

رد: إذا عندج مناسبة وين تتمكيجين ؟؟؟

والله انه امكيج نفسي بروحي جني رايحه الصالون _03ba: لاوبعد حطيت حق حماتي يوم ملجتها وانه بس حق عرسي وعرس حماتي حطيت اب شارمل كان عند الروسيه :dddds:

... وااي أنه حطييت عند الروسيه بشارمل حولي ... وااي صج صج أتينن ومكايجها نااعم وحلوو ... جربوا البروونزي عندها حده حلوووو ...

 

[ά Ḏ м ή τ 7 в]

رد : إذا عندج مناسبة وين تتمكيجين ؟؟؟

بنات اللي تعرف رقم ليلى هارموني تسرله لي ضرورررررري

 

[blue diamond]

رد: إذا عندج مناسبة وين تتمكيجين ؟؟؟

حبوبه هذا رقم صالون ليلى هارموني 22656011

 

[دلال معارف]

رد : إذا عندج مناسبة وين تتمكيجين ؟؟؟

ولا وااااااااحد فيهم اتمكيج عند نفسي :>

 

[عمشه المنتفشه]

رد: إذا عندج مناسبة وين تتمكيجين ؟؟؟

دلال حبيبتي جم مكياجج ؟؟ ووين صالونج ؟؟

 

[Leann]

رد : إذا عندج مناسبة وين تتمكيجين ؟؟؟

صراحة انا احب امكيج روحي مع اني مو ذاك الزود ويا المكياج بس كلما قربت مناسبة اختار لووك و اشوف بالبيوتيوب دروس عن طريقة المكياج و احاول اظبطه و الحمدلله الكل يمدح في مكياجي جنه حاطته بصالون

انا اسوي هالشي لان مريت بتجربة مريرة حيل مع صالونات الكويت
للاسف انا كنت بامريكا فترة طويلة و يوم رديت الكويت صارت عندنا مناسبة و شفت شكثر هالصالونات السنعة استانست و قلت ما شاء الله خل اجرب و اروح و سالت الكل مدحلي بريجيت اللي بالمارينا

رحت و يا ريتني ما رحت .. اكتشفت انه خبيرات التجميل بالكويت نصابين و ما يعرفون الف باء التجميل .. بنات عفياا احد منكم شاف خبراء التجميل الاجانب شلون يسوون مكياج المشاهير؟؟

انا كنت اتبع نظام خبيرة تجميل امريكية من اصل هندي اسمها شاليني عندها كتاب يهبل حق المكياج
اول ما تروحين عندها تعطيج كلاص ماي في ليمون شوي عشان ينعشج و تحط على بشرتج ماسك خفيف على حسب نوع البشرة و بعدها تحط لج تونر ينعش البشرة
بعدين تحط برايمر و تنطر فترة
بعدين تحط فاونديشن ... شايفين المكياج الخفيف مال الاجانب ؟؟ ترا كل هذا ياخذ ساعات منهم لانهم بحق خبراء تجميل و الخطوة الوحدة يقعدون عليها وايد

هني احس ياخذون فلوس على الطل و لا وحدة منهم تقعد بالاول حق البشرة تنظفها و تنعشها حق المكياج لا سيدة يحطون
من جذي المكياج يسيح و يعرق

توبة بعد اروح صالونات مجرد وجهة نظر و يحز علي اشوف بنات يقصون عليهم خبيرات تهويل .. اقصد تجميل ..​

 

[soosoo_q8]

رد: إذا عندج مناسبة وين تتمكيجين ؟؟؟

بنات منو عندها صور لمكياج دلال العوضي

؟؟
بليز حطوهم عشان اشوف احجز والا لا ؟

 

[miss-zgrtiya]

رد : إذا عندج مناسبة وين تتمكيجين ؟؟؟

cindrella حبيبتي انا انصحج في صالون رشا شيك
اووف انا حطيت منه حق عرس اختي وهم انا احب الناعم قتلها ابي ناعم وطلعتني حييل واو ..

هذا الصالون الي راح افكر فيه على طول اذا كان عنندي مناسبة

 

[ريماس21]

رد: إذا عندج مناسبة وين تتمكيجين ؟؟؟

عند منوو حطيتي برشاااا منوو مسوويلج الشعرر بعد


اانا بسوي بعرسي اختي بس ماني عارفه احسن ووحدهه


اما المكياج فحاطه ببالي ياا نسرين اوو فاطمه اووو فاائدهه
شراااايكم يااريت تردوون علي واي احسن وحده تسوي شعررر وشووكرنن

 

[opera]

رد : إذا عندج مناسبة وين تتمكيجين ؟؟؟

احترنا مع هالصالونات والمكياج


ناس تمدح وناس تذم

انا عاد لو وين احط كله اطلع من الصالون ابجي واقول مو عاجبني واللي معاي يقولون شحلاتج يهبل <<< مادري يساحلوني

لوووووووووول

المهم انه بالاخير الكل يقولي المكياج حلو علي

بس المكان اللي جربته وانصدمت منه صج صج عند زينه الجلوي !! اتوقع اسمها جذي من قبل 4 سنوات واول واخر مره اروحلها رحت لها من مدح وحده قالتلي عنها


والاخت تاخرت عالموعد فوق الساعه و غير جي تقرق وااايد و يمكن ساعه كامله تحلطخ بويهي بكريم الاساس ولمن خلص العرس ورديت البيت اشوف ويهي ولا :rgewrg: كريم الاساس متنتف شايفين الطوفه شاون الصبغ يتقشر منها جذي صار فيني

وانا من رداي طول العرس ما شفت ويهي بالمنظره لاهيه بالرقص

:rgewrg:

اشوف ويهي بالمنظره

 

[PorscheGirl3]

رد: إذا عندج مناسبة وين تتمكيجين ؟؟؟

لوول تبون الصج من بعد كل هالردود
أسوي حق روحي أحسن ماحب التخبص ولا
نظام ينانوة وماااحب أجازف معنة عرس خالتي بس والله أهم
شي عندي التسريحة ولا المكياج أعرف حق نفسي
أنا كنت مترددة بس اللحين أقول وبكل أقتناع
أنا بحط حق عمري :eh_s(9):

 

[om_salem26]

رد : رد: إذا عندج مناسبة وين تتمكيجين ؟؟؟

قوة بناااااااااااااااات...

انا قرييت الموضوع ووايد شدتني المشاركات.. وحبييت اشارك وافيييدكم.. يالغاليات
بالنسبة لموضوع المكياج والصالونات الصراحه احط حق رووحي وشحلاته
ويوم عرس اخوو قالولي بنات العايله مايصير وجذي ورحت مكياج عند احدى الصالونات...
الله لا يورييكم قطيت فلووس على الفاضي حاولت اعدله بس ماكو فايده

المهم .. مااطول عليكم

وحده من بنات الدوام قالتلي عن صالون بصباح السالم مكياجهم راقي وحلوو وورتني صوور لها جنه مكيااج اجانب واايد هادي موو نفس اللي يقلبوون ويه الوحده ويخلوونه كاسبر وقالتلي تحطلج ماسكات طبيعيه وتخليه البشره ترتاح وبعدين تبلش وقالت مو غالي وتقدرين تحجزين موعد تجربينه اذا مااعجبج عادي
فاا ناطره عندي استقبال بعد رمضان بروووح اجربه..

اسم الصالون لاميزون ورقمه : 99910619 للحجز وتحطون الموعد اللي تبوونه

 

[زين الشمال]

رد: إذا عندج مناسبة وين تتمكيجين ؟؟؟

صبــاح الخيــر

حبايبي انا عندي عرس اخوي بعد العيد وحابه اروح صالون حنان دشتي واحط عند رانيا الكل يمدحها
بس محتاره بالشعر بليز ساعدوني

مليت من مكياج كونتينتال كله دفش ابي هالمره ناعم ..

 

[مذهــلــه]

رد: إذا عندج مناسبة وين تتمكيجين ؟؟؟

بنات وأنا بعد ان شاء الله على خير عندي مناسبة عرس بنت خالي بعد العيد وابي شي راقي وذرب ومو اوفر وين تنصحوني احط

والشعر بعد يكون حلووو

ابي غير حنان دشتي بغير اللوك شنو تنصحوني ؟؟؟؟؟؟

 

[& دلوعه زوجها &]

رد: إذا عندج مناسبة وين تتمكيجين ؟؟؟

انا وحدة تركت المكيياج بلمشاغل لئني والله لحمد والمنه اضبطه احلا منهم واعرف الي يناسبني والحين توني مسويه شنطه مكياجيي ههههه

يضحكون على خواتي يقولولي جت كوفيرتنا هع هع

الله يوفق الجمييييييع نصيحه من بنات حاولو تعتمدون على انفسكم >>>> موش دخلك ماعليك منهم هع هع وة بص فديتكم

 

[مغرورة بتواضعي]

رد : إذا عندج مناسبة وين تتمكيجين ؟؟؟

صراحة حنان دشتي يهبل كريمهم نظيف وتسريحاتهم حلوة

بس مايضبطون خطة العيون عدل

 

[الـمـــــاااااس]

رد: إذا عندج مناسبة وين تتمكيجين ؟؟؟

بنات تكفووون بسألكم عن وحدة كانت تسوي الشعر في حنان دشتي من زمان

وبعدين اختفت كانت رووووووووووووووعه

شغلها بشعري موطبيعي

اسمها اظن ابتسام ايرانية

اهما كانوا 2 يقربون لبعض اظن زينب تقرب لها تكفون قولولي وين مكان اللي يعرفها يقولي