إرتجاع البول من مثانة إلى كلية الجنين ساعدوني

[حبيبة الكل]

السلام عليكم خواتي
آنا بالإسبوع ال 22 من الحمل إنشالله ياربي الله يتمم علي واولد بتمامه و كماله و يتمم على كل حامل ولا يضيع لها تعب
الله يسلمكم الحمدلله سوناراتي اللي قبل ما فيها شي كل شي سليم
بس هالمره قالت لي وحده من كليات البيبي اكبر من الثانيه بالحجم والسبب ارتجاع البول من المثانه إلى الكليه وقالت هالشي وايد يصير ومافي مشاكل دام الجنين في البطن بس إذا إستمر لي بعد الولاده لا هني في مشكله ولازم تتعالج
وتقول 50 % من الحالات يصير فيهم جذي و تقل المشكله مع الأسابيع اليايه من الحمل
والله قاعده احاتي بليز من اللي صار لها او سامعه وحده صار لها جذي و خف قبل الولاده
الله يخليكم خواتي طمنوني

 

[أم الهواشم]

ماتشوفين شر حبيبتي روحي لدكتور ماجد الشمري تخصص علم الاجنه يقدر يفيدج لو احتاج البيبي يسوي العمليه للجنين وهو في بطن الام وايد تمر عليه حالات والله يقومج بالسلامه انتي والبيبي

 

[AL 3la]

ما عندي فكره والله
الله يطنمج يا رب

 

[احلى مريومه]

بنت اختي صار لها مثل ما تقولين بالضبط وقالو حق اختي دار الشفا مانولدج لانها ماتبول والبول يرجع للكلى وحولها الصباح هالحجي سنة 2003 والحمدالله ولدتها بالصباح وكاهي اسم الله عليها مافيها الا العافيه الحين بتروح ثالثه ابتدائي بس قالو حق اختي ما نرخصج الا لما تبول عاد امي سوتلها سكر نبات مع ماي وشربته وبالت وعقب رخصوها الاطبه هالايام ما وراهم الا التخرع

 

[آهات الليل]

الله يتمم عليجحملج وتشوفين ضناج بحضنج ان شالله
لاتحاتين ان شالله ماكو شي يخرع وانتي ادعي ربج انه ماياثر ان شالله واقري على بطنج

 

[حبيبة الكل]

حبايبي ما قصرتو عالردود
أم الهواشم آنا أراجع عند د.خالده المجيبل تخصصها نفس تخصص ماجد الشمري وسألتها عن موضوع إن يتعالج وهو بالرحم قالت لا هذا الشي مو نادر وايد في حالات حوامل يصير فيهم ومحد يدري عنهم و يخف بروحه مع الأسابيع اليايه ودام إهو بالرحم مو مشكله بس المشكله لما ينولد و لي الحين عنده هالمشكله
أو إذا ما خف نكون ندري عنه و على طول يشوفه دكتور اطفال عشان يحل المشكله
مشكوره عالإفاده حبيبتي

بدون نك زبده ما قصرتي حبيبتي ويوصلج لي تمامج

احلى مريومه الله يخليلكم بنت إختج ما قصرتي عالمشاركه
بليز بعد فيدوني في احد مر بهالسالفه

 

[حبيبة الكل]

آهات الليل إنشالله ياربي
إي إنشالله لازم اقرا على بطني وربي بصير بعباده

 

[NauGhty nuRse]

انشالله مافيج الا العافيه

 

[حبيبة الكل]

نوتي نيرس الله يسلمج حبيبتي ويتمم عليج يا رب

 

[auoma]

لاتحاتين ان شاءالله تولدين بالسلامه وتشوفين وليدج بين ايدج كامل سليم معافى يارب

 

[hneen2]

يارب تولدين بالسلامه ومن غير شر ان شالله

 

[عروووب99]

ان شاءالله ماكو الا الخير ومادام قالو يخف الارتجاع وهو ببطنج وبما انج سالتى من مر بهالسالفه انا مرت على ولدى بس دريت بالارتجاع بعد الولاده

 

[حبيبة الكل]

auoma
hneen2
الله يسلمكم حبيايبي وإيسر أموركم يا رب
عرووب 99 إنشالله يا رب
وإنشالله ولدج صار احسن ؟؟؟

 

[حبيبة الكل]

رفع

 

[ريح قهوه]

كثري استغفار واستودعيه ربج والله الاستغفار يسوي عجايب وعن تجربه والله يبلغج فيه
وروحي لدكتور فهد العنزي بصباح مختص بهالشغله تلقينه كل ثلاثاء بقسم الوراثه روحي تراه شاطر بفضل الله روحي وادعي لي بكل خير

 

[Tender Heart]

اول مره اسمع بهالشغله الله يحفظ جنينج من كل شر وتولدين بالسلامه يارب

 

[حبيبة الكل]

مشكورين عالردود خواتي
ريح قهوه
بس آنا ما عندي ملف بالصباح لازم افتح ملف ؟؟؟ إهو شنو تخصصه خل أسأل دكتورتي عنه
ما قصرتي عالإفاده
وانشالله ربي يرزقج ما تمنيتي

تندر هارت
تسلمين ياقلبي
ما قصرتو محتاجه دعواتكم خواتي

 

[آهات الليل]

ان شالله تولدين طبيعي والبيبي مافيه اي شي لاتحاتين ياقلبي ولاتتعب نفسيتج ياعمري ادعي ربج

 

[حبيبة الكل]

اهات مشكوره ياقلبي ويتمم عليج يارب
والله ودي ما احاتي بس تدرين بني آدم مو بكيفي
انطر موعدي الياي معاها انشالله تمر الأيام بسرعه و يكون كل شي طبيعي

 

[عروووب99]

تونى اقرا سوالج والله مر بعمليات وااايد بس الحمدلله الحين زين ان شاءالله