إستشاره للحكيمات بليز

[كات إيز]

السلام عليكم كويتيات اخباركم
عدت والعود احمد
من كثر ماأحب هالقسم حبيت استشيركم بشغله مهمه جدا
انا أم لطفلين وفيه مشاكل بيني وبين زوجي وربي رزقني بوظيفه لله الحمد والفضل والمنه
ف حابه اشتري شي ينفعني لي وللزمن وفكرت اخذ سلفه واشتري أرض باسمي عشان لايفكر يستغلني ? لانو احنا الحريم قلوبنا طيوووووبه
انتم وش رايكم هل اللي افكر فيه صحيح وخصوصا اني حاليا عند اهلي زعلانه ?
لاتبخلون علي بالمشوره
وبي يسعدكم ياأحلۍ كويتيات ?:bbbiu:

 

[زوجة عزيز]

اخذي بيت احسن من ارض وخليه باسمج اذا كان بفلوسج وعليج بالعافيه

 

[ام خليففه]

ايه اخذي لج بيت .. ماتدرين عن هالزمن

 

[أم فـرح الحلوه]

بيت مو رخيص بالعلالي

 

[فوفو22]

قبل مشترى الارض

ما احب ام العيال تزعل ببيت اهلها

زعلي وارضي ببيتك

وموضوع تامين مستقبلك بارض اشوفها طبيعي جدا

فوفو

 

[anno]

[/size صادقيين خذي لك بيت او شقة مناسبة احسسن لك من الارض يمكن ماتساعدك الظرووف تبنينها او ينزل سعرها وماتستفيدين منها

 

[انا لحبيبي .]

البنات ما قصرو ،

الله يهدي البال ويصلح الحال يارب العالمين ،

 

[متيمه فيه]

الله يصلح حالك وحال زوجك

والارض حلوه للزمن

 

[عزيز قلبي]

اي ليش لا احس شي انج تامنيين مستقبلج وكل شي بيد رب العالمين
حقج وحق عيالج وعشان يكون عارف ان ما عندج يقولج تعطيني

 

[هيبة ملك]

شحقه. القروض؟عيشي. حياتج. استانسي. بمعاشج. والمستقبل. بيد. الله. سبحانه. ومافي. شئ. مضمون-

 

[ام الحلوااات]

وش لــــــج بــاالارض ؟؟
اشـــتـــــرررري لـــج بـــيـــت وأجــــريــــه
اوعـــمــــاره فــيـــهــا شـــقــــق واجـــريـــهـــــا

 

[امـ خــزامـى]

^^^
معاها

اشتري بيت واجريييه ومن الاجار سدددي

وبنفس الوقت عيشي حياتك واستمتعي

واحب انصحك اكفلي يتيم وربي ماتتصورين كييييف اثار هالكفاله على حياتك
الزوجيه والعمليه

 

[احبك يايمه]

اهم شي الله يصلح بينكم

 

[كات إيز]

ربي يسعدكم
ظني فيكم ماخاب
أشكركم ع الردود
البيت افضل زي ما تفضلتم بس لويه وعوار راس ومستأجرين وهذا مادفع وهذا مؤ موجود ببساطه يبيلها رجال يتكفل بهالمواضيع
أما إذا تقصدون بيت حقي فما راح استفيد لأني أنا عند أهلي حاليا زي ما ذكرت والسبب الله وحده العالم فيه وشي غصبا عني وها لكلام موجه للاخت فوفو جزأها الله خير البيوت اسرار ومو شرط أم العيال إذا زعلت تقعد في بيتها لأنو المرأه تتحمل الين توصل لمرحله تمس كرامتها فتنسحب حتى من مملكتها وان اصلح الزوج من نفسه فبالتالي أكيد المرأه راح تنبسط وتحس انه شاريها
وأخيرا ربي لا يحرمني من دعواتكم الحلوة
ع فكره اللي عندها مشوره تفيدني فيها تتفضل وأنا شاكره لكم جهدكم

 

[كات إيز]

أختي هيبة ملك
أنا معاك وراح أعيش وانبسط بس حلو الواحد يأمن مستقبله ومستقبل عياله وحلو أن الواحد يعمل لآخرته كأنه يموت غداً ويعمل لدنياه كأنه سيعيش أبد الدهر

 

[كات إيز]

أم خزامى الله يسعدك
مشكوره وايد ع التذكير بكفالة اليتيم الله يجزاك ألف خير

 

[كات إيز]

ولا يهونون باقي البنات ردودكم أسعدتني وبصراحة أنا قليل ادخل ع المنتدى بحكم الانشغال بس توقعت إذا دخلت المنتدى راح ألاقي ردود تبسطني

 

[سماء الاحساء]

وانا كذلك اقول اشتري بيت أحسن من الارض والله يرزقنا وإياكم بالوظيفة اللي تدخل مال قارون وربي يسخر لك زوجك ويهدي لك وان شالله الامور تسير مثل مات حبي

 

[كات إيز]

آمين وياك يالغاليه سماء الأحساء

 

[صحكة الايام]

اشتري ارض يالغلا صادقه
كم لك عند اهلك