إستفسار حول صالون حنان دشتي في بوحليفة

[راية الحق]

السلام عليكم ورحمة الله وبركاته

أخواتي الكريمات حابة أقص شعري وأصبغه هاي لايت ثلجي أشقر بني (ثلاث ألوان)

وبما إني في المنطقة العاشرة شايفة إن أرقى صالون هو (حنان دشتي /بوحليفة)

ماأبي مكياج ولا تسريحة ولا حتى سشوار

بــــــــــــس (قـــص / صبغ هاي لايت)

أبي رايكم في صالون حنان دشتي

واقترحوا علي بارك الله فيكم في أي صالون بحدود المنطقة العاشرة

(بصراحة مالي خلق أتعنى للديرة والفلوس ماتهمني كثر النتيجة المطلوبة)

يعطيكم العافية مقدما

وجزاها الله خير اللي بتساعدني في هالمسألة

أختـ راية الحق ـكم:stars:

 

[راية الحق]

<<< Up >>>

 

[مطيرية قمر]

والله السنه اللي فاتت قصيت عندهم
وااو
شغل نظيف
القصه سنعت شعري الخفيف
بكل أمانه روووعه
بس غير القص ماجربت

 

[عالية الشان]

شوفي حبيبتي تجربتي قبل سنتين كنت عروس وقبل العرس باربع ايام اقترحت علي ثريا الي عندهم بحنان دشتي اني اصبغ شعري هاي لايت (بلياج )) وانا خفت وقلت لها مستحيل نووووووووو ووووووووووووووووووي

واقنعتني لان بشرتي كانت باهته وشعري مافيه حيوية رغم العناية وكنت ضعيفة حييييييييييييييييييييييييييييييييييييييييل وويهي ضعيف المهم اقتنعت وتوكلت على الله

والله ان شكلي











صار غيررررررررررررررررررررررررررررررررررررررررررر


والصبغ والقص غيرني حيل وصرت وحده ثاااااااااااااااااااااااااااااانية


شكلي بالعرس طلع يجنن


والهايلايت ماكان قوي كان راقي ومرتب بمعنى الكلمة


بصراحة روحي وماراح تندمين


بس طلع علي الصبغ والقص ب100

بس يستاهل لحد الحين وهم يسولفون عن صبغتي


بس صبغي وقصي عند ثريا وبس زيزي لاااااااااااااااااا

 

[راية الحق]

جزاج الله خير إختي (مطيرية قمر)

ريحتيني الله يريح بالج بالنسبة للقـص

أنتظر تفاعل خواتي بالنسبة للصبغ في صالون حنان دشتي
أو أي صالون بحدود المنطقة العاشرة

 

[راية الحق]

حبيبتي (تفاح أحمر) جزاج الله خير - بجد أشكرج من أعماق قلبي

بإذن الله أسأل عن ثريا - بس سؤال اذا ماحصلت ثريا ؟ ماينفع أبلش مع زيزي؟

وعشان أتأكد أكثر ثريا شنو جنسيتها؟

 

[عالية الشان]

ثريا ايرانية وزيزي مصرية

بس المصرية سوت عندها مرت اخوي وماضبطت الصبغة لانها كانت تسمع كلام مرة اخوي وماتعطيها رايها كخبيرة عكس ثريا الي اذا شي تبينه ومايناسبج تقولج علشان ماتتوهقين وتعطيج ذوقها

 

[استقلال]

حبيبتي ثريا اطلعت وراحت حولي لا تغامرين وديري بالج تروحين عند زيزي ترى شغلها مو حلو كلش انصحج روحي صالون ثاني احسن

 

[راية الحق]

أفا ثريا راحت؟

طيب صالون بريجيت؟

ترى أنا معزمة باجر أروح ( إن شـاء الله ).. سبحان الله متهيأة نفسيا بحــدود المنطقة العاشرة

 

[مطيرية قمر]

بريجيت ماضبطولي صبغتي
مع انها لون واحد
وهم غالي
شعري يادوب يوصل الكتف
25
اروح لبريجيت للحف والميك اب بس
لاقصهم عجبني ولا صبغهم

 

[راية الحق]

طيب إختي مطيرية .. عندج صالون للقص والصبغ بحدود المنطقة المقرودة أقصد العاشرة ويكون صالون ثقة ؟

<< بدت تيأس

 

[مطيرية قمر]

والله يالغاليه كنت اصبغ عند وحده بصالون مارياج
وطلعت من عندهم
وتالي بشهر سته اللي فات رحت لبريجيت
وماضبطوني صاير شعري فوق لون
والاطراف لون
صبري يومين لاتستعجلين
ألحين موفي بالي والله
خل أسأل لج
حرام تصبغين وتندمين

 

[راية الحق]

عشان ماأهون عن كل شي .. ومن باب إني أتعوذ من إبليس خلاص راح أكتفي بقص شعري بصالون دشتي

وفي إنتظار فزعتج مطيرية ونعم فيج والله.

ملاحظة مدة التعوذ من إبليس لها صلاحية إنتهاء سريعة - استعجلي بارك الله فيج )

جزاج الله خير على النصيحة والحرص رغم إنج ماتعرفيني هذا إن دل على شيء إنما يدل عى طيب أصلج

 

[NeloFaR]

انا دايما اقص عند بريجيت .. عند مدام بيرت فقط ... الباجي شغلهم مو ذاك الزود

و الصبغ ما ادري عنه بصراحة

و نقول لج نعيما مسبقا ان شاء الله

 

[الجااادل]

ثريه حلوه قص بس تحش الشعر حش

 

[راية الحق]

جزاج الله خير إختي NeloFar الله ينعم عليج دنيا وآخرة ..ماقصرتي حبيبتي . وبالنسبة للصبغ؟

إختي الجادل جزاج الله خير .. المشكلة وحده من اللي شاركوا بهالموضوع قالت ان ثريا طلعت من الصالون وانتقلت لحولي

الحين همي كله بالنسبة لصبغ الشعر

 

[أميرة الورد...M ...]

حبيبتي عنج صالون الملكة ستايل وادعي لي

 

[كسرة عود]

عن تجربة صالون انطوانيت معروووووووووووووفة بالمنقف شغلها حلو وتنصح روعة ......

 

[راية الحق]

خواتي كملوا جميلكم الله يرحم والديكم

إختي أميرة الورد صالون الملكة ستايل ياليت تعطيني العنوان بالضبط ورقم تلفونهم + يتميزون بشنو؟ بالقص ولا الصبغ؟ ياليت تعطيني أسماء العاملات هناك المتميزات بالقص والصبغ . ((( أبشــــري بالدعــــاء الطيب سواء فلح الموضوع أو لأ)))

إختي كسرة عود بارك الله فيج بالنسبة لصالون انطوانيت خبري فيه من زمـــان ماأدري شالتغيرات اللي طرت على هالصالون ؟

يتميز بشنو الحين ؟ وياليت بعد أسماء العاملات المتميزات .

بجد جـزاكم الله خير وأتمنى تردون بسرعة أكون لكم شاكرة

 

[الراية]

تبين نصيحتي روحي صالون مركز مس رنيم اللي بخيطان وروحي عند سميرة المغربية ........زشوفي الهايلات والصبغ والقص اللي على أصوله .........الشغل الصح عندهم وحتى لو لاعبه بشعرك وايد هي تقول لك الصج حتى لا تقطين فلوسك برة وتطلع لك اللون اللي تبينه ما شاء الله عليها لهلوبة وايدها خفيفة ونفسيتها تهبل .............أنا متأكدة راح تدعين لي ...........