إستفسار عن السياحة الكويتية

[رياااني قطر]

السلام عليكم​

أخباركم يا أعضاء المنتدى​

أنا جاي الكويت وأبي أستفسر عن مناطقها​

مثل وين المنطقة الراقية​

والفنادق الفخمه​

والمجمعات الأحسن والأشهر​

والشليهات الراقيه​

والمطاعم الحلوه​

وأكووووون ممنوووون لكم​

 

[<miss botamba>]

شوفي الاماكن الي الحين دارجه

كافيهات ومطاعم مجمع 360 وموجود في منطقه جنوب السره (الزهراء) على الدائري السادس

المطاعم الموجوده مقابل قصر السيف مثل (سلايدر ستيشين مطعم بيرغر وشغلات وثانيه - مطعم بيزيتا يعتبر مطعم بيتزا مودرن نوعا ما - برايم اند توست حلو حق فطور - بيرغر هب مطعم بيرغر - واسابي ياباني) طبعا هالمكان شبابي وايد كله قروبات بنات او شباب نادر تلاقين عوايل فيه

مجمع الصالحيه تلاقين فيه الماركات و بره فيه مطاعم وكافيهات حلوه القعده هناك بالشتا


الافنيوز حلو واايد عائلي و كل شي فيه ومكانه بمنطقه الري على الدائري الخامس


عندج في منطقه المهبوله بلوك مطاعم اسمه Spoons

وايد حلو المكان بس شوي بعيد



مجمع الكوت مو واايد راقي بس القعده هناك حلوه صوب النوافير



الاسواق الثانيه عندج

السالميه شارع سالم المبارك اذا ما خاب ظني

مجمع الثريا كله ماركات

مجمع زهره ماركات و سهره و في جم محل نوعا ما عاديين بس اهوا اكثر مشهور للسهره

مجمع الفنار واايد هادي والمحلات فيه متنوعه

مجمع المارينا متنوع

مجمع مريم فيه محل العثمان للماركات

مجمع امنيه فيه فندق ايبيس على ما اظن الاسم صح حلو تسكنون فيه لان بمنطقه حيويه وكل شي حولكم


مجمع ليلى غاليري ملابس سهره


مجمع البستان متنوع وفيه سهره


مجمع غاليريا 2000 متنوع وفيه سهره


وعندج على البحر المارينا كريسنت مقابل مول المارينا كله مطاعم على البحر و قريب منه المارينا ويفز موجود فيه مطعم ماكي الياباني انصحج فيه و معاه جم مطعم ثاني



صوب حديقه الشعب عندج بلوك مطاعم يديده تابعه لفندق الكراون بلازا (مطعم ايراني - لبناني - ايطالي - امريكي - ياباني - سيفود)



عندج بعد مجمع الرايه وموجوده معاه فندق الكورت يارد بمنطقه شرق



الفنادق:

الصراحه ما اعرف بس اتوقع الافضل بالكويت


الشيراتون

كورت يارد

روتانا المنشر بس بعيد

هوليدي ان الداون تاون

والمارينا



الشاليهات:

هيلتون المنقف
سيشيل جليعه بس مو وااو وايد
صحارى


هذول الاشياء الي في بالي حاليا

واتمنى اني اكون فدتج

 

[الأميرة جوري]

رد : إستفسار عن السياحة الكويتية

!!!!!

 

[الروومانسية]

رد : إستفسار عن السياحة الكويتية

يا هلا فيك يا الغالية وبكل اخونا القطريين والف مبروك على استضافة كائس العالم وبالتوفج انشاء الله وتنورين الكويت بلدك الثانى و بالنسبة للأماكن فمثل ما جلتلك صديقتنا MISS botamba على افضل الاماكن اما بالنسبة للفنادق هادلك على موقع فندق دوت كوم تحصلين منه على افضل الاسعار وانا دايما بحجز منه واسعاره ارخص بكتير من سعر الفندق نفسه وهذا عرض لجميع فنادق الكويت http://fendeq.com /results_w.php?city_id=-789552 ومن خلال الصور والبيانات الكتوبة بالعربى تقدرين تحددين المناسب لك واتمنى ان اكون قدرت افيدك لان هذا واجبنا نحو اشقائنا وبالتوفيج يا الغالية :3lm1:

 

[كويتيا كول]

حياج الله حبوبه بالكويت هذا الموقع راح يفيدج فيه مطاعم وجمعات وكفتريا وفنادق وشقق فندقيه وكل شي
www.dalelq8.com

 

[Om_Ksha]

^
^
زيين سوييتي هالموقع شامل كل شي ,,

 

[رياااني قطر]

رد : إستفسار عن السياحة الكويتية

مشكووووورين ع الرد وعقبال ما تيون الدوحة

اخدمكم بعيوووووني

 

[Mona Lisa]

رد : إستفسار عن السياحة الكويتية

حياج الله حبيبتي والعين أوسع لج من المكان والبنات كفوا وفوا وعالعموم انتي موغريبه بين اهلج وناسج وأريح لج فندق السفير

بمنطقة الفنطاس عالبحر حلو وهادي وجديد والمطعم اللي فيه من خدمه ومن ناحية كل شي راقي أنصحج فيه

 

[Mona Lisa]

رد : إستفسار عن السياحة الكويتية

حياج الله حبيبتي والعين أوسع لج من المكان والبنات كفوا وفوا وعالعموم انتي موغريبه بين اهلج وناسج وأريح لج فندق السفير

بمنطقة الفنطاس عالبحر حلو وهادي وجديد والمطعم اللي فيه من خدمه ومن ناحية كل شي راقي أنصحج فيه