إستفسار

[7alla]

حبيت أستفيد من خبرتكم يا كويتيات
بسأل عن المادة اللاصقه إللي تلصق قطع زجاج أو مرايا مع بعض
شنو إسمها وبعد وين أحصلها لأني بلصق زجاج مع بعض وما حصلت
مادة لاصقه قويه وكله يتبطل بسرعه :0bee2e8d89:
أرجو إفادتي ولكم مني جزيل الشكر......:ggdw:

 

[princesse X]

جربي مسدس الصمغ وبعدكان في true value انواع اصماغ أو epoxy حق استخدامات متخصصة على حسب الشغل اللي تبين بس من زمان مارحت هناك ما أدري اذا لازال عندهم

 

[ام عيالها الغاليين]

اذا قصدج تبين تلصقين الزجاج على لوحة خشب كانوا مدرسات الفنية معانا بالمدرسة يستخدمون الغرا

 

[ام-نونو]

من تجربتي اذا تبين تلصقين الزجاج على الخشب او الجدار استعملي السيلكون البارد حتى اذا تبين تلصقين الزجاج مع بعض بس مسحي الزوائد قبل لا تنشف
(السليكون البارد هو اللي يستعمل في لصق زجاج النوافذ)

 

[فرح العجرف]

في صبغ خاص للزجاج ..عند لوازم العائله بالجمعيه.....@@

ما اذكر شكله والله بس كانه ابيض مكتوب بزرق....وكان صغير حجم الاصبع

لانه ولدي كسر لي فازه زجاج وغاليه....شريته ولزقتهااا ويا بعض ولتحمت بسرعه......@@

 

[7alla]

مشكورين حبايبي على المرور والمساعدة
وسؤالي هل السيلكون البارد إللي تقولون عنه لونه شفاف
لأني مابي الصمغ يبين بين قطع الزجاج
ولكم مني جزيل الشكر .....

 

[princesse X]

مشكورين حبايبي على المرور والمساعدة
وسؤالي هل السيلكون البارد إللي تقولون عنه لونه شفاف
لأني مابي الصمغ يبين بين قطع الزجاج
ولكم مني جزيل الشكر .....

السيليكون البارد منه شفاف ورمادي وابيض تشترينه وله مسدس مخصوص تلاقينهم عند لوزام العائلة